Schänkebärgertal

S Schänkebärgertal ligt im Kanton Aargau in de Schwiiz und ghört zum Bezirk Brugg. S Tal abbe flüsst de Talbach. Ganz z oberscht im Tal isch Thale, dann chunnt Oberflachs und am Usgang vom Tal zu de Aare ligt Välte und Schinznach-Dorf. Thale und Välte sind politischi Gmaine – Oberflachs ghört wie Schinznach-Dorf zu de Gmaind Schinznach. S ganzi Tal isch öppe füf Kilometer lang und goot vo de Staffelegg bis zu de Aare. Uf de Siite wird s Tal vo zwei Höhezüg vom Jura iigränzt. Im 1996i isch de traditionelli Erlös vom Schoggitaler-Verchauf vom Schwiizer Heimetschutz für s Schänkebärgertal bschtimmt gsi.

s Schänkebärgertal im Liecht vo de Sunne am Abed

Name

De Name vom Tal chunnt vo de Burg Schänkebärg, wo oberhalb vo Thale glägen isch. Hüt isch s numme no e Ruine. Vo de Burg Schänkebärg us hei d Bärner s Amt Schänkebärg verwaltet, wo d Bärner im 1460 bsetzt hei.

Weblink

 Commons: Schänkebärgertal – Sammlig vo Multimediadateie

• s Schänkebärgertal uf chenkenbergertal.ch
• d Wiiregion vom Schänkebärgertal uf weinregion-schenkenberg.ch

47.4393558.108098