Schafhàuse

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Schafhàuse

Schafhàuse isch an Ortsdail vo Weil d’r Stadt, em Landkreis Béblebge en Bade-Wìrtteberg.

Geographie[ändere | Quälltäxt bearbeite]

Geographische Laag[ändere | Quälltäxt bearbeite]

Schafhause ligt 25 km wëschtlich vo Stuegert em Héckegai. ‘S ligt uff ere Héh vo 406 m bis 499 m (Hacksberg). Durch Schafhàuse flìesst d’Wìrm.

Geologie ùn Flora[ändere | Quälltäxt bearbeite]

D’Béde bestanded àus Muschelkalk ùn Léem ùn senn meischtens stoinig. Charakteristisch senn d’Schléhehecke. Sonscht gibt’s meischtens Kìefere ùn Fichte, a’manche Stelle aù Straiobschtwìese.

G'schichte[ändere | Quälltäxt bearbeite]

D’Endùng vom Ortsname uff « -hàuse » bedeidet wohl, dass Schafhàuse em VIII. Jàhrhùndert grìndet worre isch ùn uff an karolingische Hof zrickgàd. Em XII. Jàhrhùndert hat d’r Ort « Scafhusen » g’hoise. D’erschte Besitz’r senn d’Grafe vo Calb ùn d’Hërre vo Beitelsbach gwë. Am Àfang vom XV. Jàhrhùndert hat Schafhàuse de Markgrafe vo Bade g’hérd, danàch nà de Hërre vo Gémmenge. Dìe hen d’r Ort nà an Wìrtteberg verkaùft. Wìrtteberg hat Schafhàuse 1468 an’s Kloschter Hirsaù verkaùft. Des hat aù devor scho an Dail devo besësse. En d’r Reformatio isch Schafhàuse nà mit am Kloschter Hirsaù zamme aù wìed’r zu Wìrtteberg komme. 1534 isch Schafhause nà durch d’Reformatio aù proteschtantisch worre. 1634 isch em 30-jëhrige Krìeg an Dail vo Schafhàuse abbrennt. Deshalb fennt m’r em hischtorische Ortskern bloss no Heiser àus d’r Zeit denàch.

1801 isch d’neie Zéentscheier bàut worre. Wo nà 1854 d’r Zéent abg’schafft worre isch, isch se an Private verkaùft worre. 1807 senn d’Kloschterémter uffglést worre ùn Schafhàuse isch zùm Oberamt Calb komme. 1813 hat’s a neie Gebìetsreform gée ùn d’r Ort isch zùm Oberamt Béblenge komme. 1850 hat Schafhàuse 733 protestantische ùn oin katolische Eiwohner g’het; d’Leit henn en 119 Heiser ùn 104 Nëbegebeide g’wohnt. 1872 isch d’Schwarzwaldbàh fertig worre ùn Schafhàuse isch an’s wìrttebergische Eisebàhnetz àg’schlosse worre. 1938 isch’s zùm Landkreis Léeberg komme. Am 21. April 1945 isch’s vo d’r franzésische Armée befreit worre. Wo am 1. Januar 1973 d’r Landkreis Léeberg uffg’lésd worre isch, isch Schafhàuse zùm Landkreis Béblenge komme. Am 1. August vom gleiche Jàhr isch’s an Ortsdail vo Weil d’r Stadt worre.

D’Grùndschuel vo 1953 isch 1999 renoviert worre ùn hoisst seit dem « Grundschule am Schafberg » (Grùndschuel am Schàfberg). 1960 isch a Sport- ùn Fëschthall bàut worre. Dìe isch 2004/2005 renoviert worre. Am Àfang vo de 1990’r Jàhr isch àusserhalb vom Ort a neie Hall bàut worre, d’« Stubenberghalle » (Stuebeberghall). Ausserdem gibt’s aù no an Kìndergarte.

Demographie[ändere | Quälltäxt bearbeite]

Demographie en Schafhàuse seit 1653
Jàhr 1653 1661 1678 1768 1797 1829 1850 1905 1919 1980 2005 2007
Eiwohner 91 129 192 378 558 735 734 611 604 1794 2095 2104

D'Cyriakuskìrch[ändere | Quälltäxt bearbeite]

Cyriakuskìrch mit Pfarrhàus

D’Kìrch hat i’rn Nàme nàch am St. Cyriakus krìegt. Des isch an Heiliger gwë won em III. Jàhrhùndert ùnter am Kaiser Diocletien g’lëbt hat ùn dem sei Dochter g’heilt hat. Er isch schpëter vom Kaiser Maximilien bei d’r Chrischteverfolgùng exekutiert worre. D’Kìrch isch zùm erschte Màl em XI. Jàhrhùndert erwént worre. 1534 isch se proteschantisch worre. ‘S senn nà d’Gleibige àus Dëtzenge, Déffenge ùn Weil d’r Stadt en sëlle Kìrch komme. Àus sëllem Grùnd isch d’Kìrch 1585 vom Architekt Hans Decker erweitert worre. Em 30-jëhrige Krìeg isch se 1634 bis uff a baar Màuere abbrennt ùn hat wìeder uffbàut werre mìsse. D’neie Kìrch isch 1661 fertig gwë. 1957 isch se renoviert worre, seit dem sìeht se àus wìe heitz’dag. 2007 hat se zwoi neie Glocke krìegt ùn hat jetzet vier Glocke.

Politik[ändere | Quälltäxt bearbeite]

Schafhàuse isch koi ùabhengige G’meinde, deshalb isch sei Bìrgermeischter d’r gleiche wìe dër vo Weil d’r Stadt. Des isch em Moment grad d’r Hans-Josef Straub vo d’r SPD.

Heraldik[ändere | Quälltäxt bearbeite]

Wappe vo Schafhàuse

Uff em Wappe sìeht m’r a Schàf mit eme Bischofsschtab uff grìenem Grùnd. Des soll an d’alte Traditio vo d’r Schàfzuecht erénnere. D’r Bischofsschtab erénnert dàdrà, dass Schafhàuse a màl zùm Kloschter Hirsaù g’hérd hat.


G'meinderàt[ändere | Quälltäxt bearbeite]

Schafhàuse hat em G’meinderàt vo Weil d’r Stadt mendeschtens drei Abg’ordnete, em Moment senn aber uff Grùnd von eme Ìeberhangmandat vìer vertrette.

D’Kommunalwahl am 13. Juni 2004 hat 's folgende Resultat bràcht :

FWG 32,0 % +1,0 9 Sitz +1
CDU 29,0 % −3,0 9 Sitz ±0
SPD 17,3 % −3,2 5 Sitz ±0
Die Grünen 15,0 % +4,9 4 Sitz +2
FDP/DVP 6,7 % +0,3 2 Sitz +1

Verei[ändere | Quälltäxt bearbeite]

D’r TSV Schafhàuse (Turn- ùn Sportverei) isch 1908 grìndet worre ùn hat em Moment 1000 Mitglìeder.

Kuriositëte[ändere | Quälltäxt bearbeite]

Hischtorische Gebeide[ändere | Quälltäxt bearbeite]

Zéenscheier en Schafhàuse
  • Cyriakuskìrch ùn Pfarrhàus
  • Zéentscheier vo 1801
  • Bàhhof vo d’r wìrttebergische Schwarzwaldbàh
  • Schëferbrùnne am Ràthàus

Natur[ändere | Quälltäxt bearbeite]

  • D'drei Lìnde

Weblinks[ändere | Quälltäxt bearbeite]

Wikisource Schafhausen in der Beschreibung des Oberamts Böblingen von 1850 im dütschsprochige Wikisource

48.72538.895Koordinate 48° 44′ N, 8° 54′ O