Schänzlebrugg
Koordinate: 47° 40′ 12″ N, 9° 9′ 47″ O
| Schänzlebrugg | ||
|---|---|---|
 | ||
| Brucht as | Strõßèbrugg mit Rad- un Geewäg | |
| Überfüerig über | Bundesschtrõß 33 | |
| Underfüert | Seerhy | |
| Ort | Konschtanz | |
| Konstrukzioon | Spannbedonghool- kaschtèbrugg | |
| Bräiti | 2×18,5 m | |
| Grössti Stützwiti | 134,2 m | |
| Bauchöste | 16,4 Mio. DM | |
| Eröffnig | 1980 | |
| Lage | ||
| ||
D Schänzlebrugg übberschpannt z Konschtanz dè Seerhy. D Brugg isch èn Deil vo dè Bundesschtrõß 33n (dõ Europaschtrõß) un wyst für jedi Richtungsfaarbaan zwei Faarschtreifè, èn Standschtreifè sowiè èn Rad- un Geewäg uff.
Dè zweiti Rhyübbergang z Konschtanz (nõch dè Aaltè Rhybrugg), mit Aabindig a d Schwizer Gränz, isch urschprünglich als Brugg für d A 81 un für d Entlaschtig vom innerschtädtischè Durchgangsvokeer baut worrè. D Uusschrybig isch im Hèrbscht 1974 chò, im Auguscht 1975 hèt dè Bau aagfangè un am 1. Juli 1980 isch d Vokeersfreigaab vo dè Brugg erteilt worrè. Allerdings hèt s èrscht ab Juli 1983 è provisorischi Aabindig a s städtische Strõßènetz gää.[1] Diè èndgültigi Fertigschtellig vo dè Brugg mit allnè Dämm un Rampèbruggènè für d Vobindig vo dè neuè, rächtsrheinischè B 33 mit èm neuè Gränzübbergang, uff dè Trassè von èrè i dè 1930er Johr blaantè Umgehigsbaanschtreggi, hèt wègè zaalrychè Aawooneryschprüch èrscht 27 Johr nõch Vokeersfreigaab im Mai 2007 stattfindè[2]. I dènnè 24 Johr, wo d Brugg zwar für dè lokale Vokeer, abber nit für d Umleitig vom Fèrnvokeer diènt hèt, isch d Brugg immerhy als Entlaschtig vom Konschtanzer Altschtadtring (Laubè, Bodanschtrõß, Baanhofschtrõß) bruucht worrè, i dèm d Bsuècher vo Konschtanz übber d Schänzlebrugg, dè Aaschluss un d Vobindigsschtrõß Schänzle - Tägerwiler Zoll bis zum Schänzle un dè Bodanschtrõß vordringè hèn chönnè, gèrn au witer übber diè zwei Gränzübbergäng gu Chrützlingè. Au d Bewooner vom Konschtanzer Stadtdeil Paradies un d Studentè vo dè Fachhochschuèl Konschtanz hèn d Aabindig a d Konschtanzer Induschtrygebièt Unter-/Obberlohn bzw. d B 33 gèrn in Aaschpruch gnõ. Zu sèllèrè Zit hèt mò d Brugg z Konschtanz (im Spott) nò als Soda-Brugg benamst, well si so dõ gsi isch, abber keiner hèt gwüsst, für wa genau..
Konschtruktion
[ändere | Quälltäxt bearbeite]D Hauptbrugg isch è 304,9 m langi Spannbedongkonschtruktion mit drei Öffnungè un Stützwittè vo 85,35 m in dè beidè Randfälder sowiè 134,20 m im mittlerè Fèld. I dè Längsrichtig isch dè Durchlaufdräger als Bauwärchsischteem vorhandè. Diè insgsamt 37,0 m breitè Konschtruktion bschtòt uss zwei Übberbautè, wo jewyls ein einzèlligè Hoolkaschtèquerschnitt mit 9,6 m Kaschtèbreiti un voänderlichè Konschtruktionshöchi aufwysèd. Diè Kaschtèhöchi bedrait übber m Pfyler 8,0 m, 3,5 m in Strommitti un 4,5 m a dè Bruggèendè. D Hèrschtellig vo dè Übberbautè isch im Freivorbau erfolgt.
D Bruggèpfyler wysèd è Düèfgründig uff. Uffgrund vo dickè Donschichtè mit breiiger bis styfer Konsischtenz sin Boorpföler mit ußergwöönlichè Längè vo bis zuè 63 m notwèndig gsi. D Hèrschtellig isch teleskopyrt durrègfüürt worrè, sèll heißt, s isch mit eim Roor mit 1,63 m Durchmèsser aagfangè worrè, i sèbb nõch 21 m Bohrdǜèfi è zweits mit 1,5 m Durchmèsser iègschtellt worrè, nõch 47 m Dǜèfi isch nò è dritts mit 1,4 m Durchmèsser gfolget. Abschlièßend hèn diè langè Pfôhl für è uusreichendi Dragfähigkeit von èrè Fuèßvobreiterig vo 2,8 m.
Insgsamt sin 8500 m³ Bedong, 1250 t Bedongschtaal un 520 t Spannschtaal vobaut worrè. D Baukoschtè hèn 16,4 Millionè DM bedrait,[3] inflationsbereinigt èntschpricht sèll hützdaag Fehler Millionè Euro.
Dè Damm vo dè Bruggèufffaart vom Schänzlekreisel isch mit Hartschuumschtoff uffbaut worrè. Er isch 2008, è Johr nõch dè Inbedrybnaam, deilwys abgsackt un hèt müèsè im Raamè vo dè Gwäärleischtig neu baut wörrè.[4]
Park+Ride
[ändere | Quälltäxt bearbeite]Unter m nördlichè Bruggèchopf git s èn Park-and-Ride-Parkplatz[5], für dè 193 Parkplätz bereitgschtellt sin un im 15-Minutè-Tagt a dè Busvokeer aagschlossè isch. Faarzüüg chönned dõ regè- un schneegschützt parkè.
Literadur
[ändere | Quälltäxt bearbeite]- Detlef Knop, Joachim Urban: Neue, frei vorgebaute Spannbetonbrücken über den Rhein in Köln-Deutz, Konstanz und Weil. In: Beton- und Stahlbetonbau, 75. Johrgang, Auguscht 1980, Heft 8, S. 197-198
Einzelnõchwys
[ändere | Quälltäxt bearbeite]- ↑ Alt-Konstanz.de: Chronik
- ↑ Oliver Fiedler: Straßenbau im Hegau mit Folgen. In: Wochenblatt, 2007
- ↑ Straßenbaubericht der Bundesregierung vom 6. Auguscht 1976 (Memento vom 9. März 2016 im Internet Archive) (PDF; 5,4 MB)
- ↑ Josef Siebler: Engpass auf B33 bis Dezember. In: Südkuryr, 25. Septembèr 2008. Archiviert vom Original am 24. September 2015; abgruefen am 24. März 2015.
- ↑ wak: P&R Parken bei „Schänzlebrücke Nord“ soll attraktiver werden. In: See Online, 23. Novembèr 2012 (Memento vom 17. Februar 2015 im Internet Archive)
| Di nögscht Brugg flussufwärts: Konschtanzer Faaradbrugg |
Bruggene öber de Rhy | Di nögscht Brugg flussabwärts: Rhybrugg z Schtei am Rhy |
|
Dä Artikel basiert uff ere fräie Übersetzig vu dere Version vum Artikel „Schänzlebrücke“ vu de dütsche Wikipedia. E Liste vu de Autore un Versione isch do z finde. |