Faarradbrüggle z Konschtanz

47.668259.1740833333333

Faarradbrüggle z Konschtanz
Faarradbrüggle z Konschtanz
Brucht as	Radfahrer- und Fußgängerbrücke
Underfüert	Seerhein
Ort	Konstanz
Konstrukzioon	Stahlbalkenbrücke
Gsamtlengi	163,38 m
Bräiti	8,2 m
Grössti Stützwiti	70,02 m
Konstrukzionshööchi	1,32 m bis 2,97 m
Hööchi	8 m
Aafang vom Baue	1990
Eröffnig	1991
Lage
Fahrradbrücke (Konstanz) (Baden-Württemberg) Fahrradbrücke (Konstanz)

D Faarradbrugg übberschpannt z Konschtanz dè Seerhy. D Brugg diènt im innerschtädtischè Radfaarer- un Fuèßgängervokeer. Si isch uff dè linkè Sitè vom Rhy a diè Faarradschtrõß Schottèschtrõß sowiè beidsitig a meereri uusgschilderti Radwäg aabundè. Ußerdèmm vobindet si d Fachhochschuèl Konschtanz (FH Konschtanz) im Südè mit èm Konschtanzer Stadtdeil Petershuusè.

Gschichtè

Dè dritti Rhyübbergang z Konschtanz (nõch un zwǚschè dè Aaltè Rhybrugg un dè Schänzlebrugg) isch für d Entlaschtung vo dè Aaltè Rhybrugg 400 m witer öschtlich dè Rhy durab errichtet worrè. Im Septembèr 1989 hèt dè Gmeindrõt dè Bau vo dèrrè Brugg beschlossè, im Februar 1990 hèt dè Bau aagfangè un am 29. Juni 1991 isch d Brugg ygweiht worrè. I dè Bruggèmitti isch für d Radfaarer è 4,0 m breiti Faarbaan aagordnet, beidsitig ußerdèmm 2,0 m breiti Trottoir. S Bauwärch isch auch für d Befaarbarkeit durch Krankèwägè un bis zu 12 t schwèrè Füèrweerfaarzüüg uusglait worrè. S hèt i dè Vertikalebèni è bogeni Gradièntè mit èm Höhèunterschyd vo öppè 4 m zwǜschè dè Widderlager un Bruggèmitti. Uff d Bruggègschtaltig isch bsunderes Augèmerk glait worrè, vo allem bi dè Gländer un dè Belüchtung, abaer au bi dè Schlankheit vom Bruggèübberbau. D Faarradbrugg isch hauptsächlich für dè zuènèmmènde innerstödtische Faaradvokeer am Èndi vo dè 1980er Johr baut worrè. S hèt dört scho è separati Spur übber diè aalt Rhybrugg gää, selli hèt diè Huufè Fahrräder abber eifach nimmi schluckè mögè. Dè Faarradvokeer isch nit nu vom zuènèmmendè ökologischè Bewusstsy vo dè Konschtanzer Ywohner chò, sondern au vo dè zuènèmmèndè Aazahl vo Studentè a dè beidè Hochschuèlè z Konschtanz, nit umschuscht isch selli Brugg dirèkt bi dè FH Konschtanz aaglait worrè. Dõmit hèt mò d Radfaarer vo dè FH a d Uni Konschtanz un retour übber s weschtlichè Petershuusè leitè un dòdemit vo dè aaltè Rhybrugg fèrnhaaltè chönnè. Ußerdèmm hèt mò d Radfaarer so guèt wiè möglich vo dè Konschtanzer Laubè bzw. èm komplettè Altschtadtring fèrnhaaltè.

Konschtruktion

Übberbau

S Brüggle isch è 163,4 m langi Staalkonschtruktion mit drei Öffnungè un Stützwitè vo 46,7 m i dè beidè Randfälder sowiè 70,0 m im mittlerè Fäld. In Längsrichtung isch dè Durchlaufdräger als Bauwärckssischteem vorhandè. Diè insgsamt 8,2 m breiti Konschtruktion bschtòt uss eim einzèlligè Hoolkaschtèquerschnitt, wo è voänderlichi Konschtruktionshöchi uffwyst. D Kaschtèhöchi bedrait übber m Pfyler 3,0 m un 1,3 m in Stròmmitti. D Kaschtèschteeg wysèd è konschtanti Neigung uff, wodurrè d Boddèblattèbreiti uffgrund dè voänderlichè Drägerhöchi variyrt. D Quervoschteifungè sin uss gschtalterisché Gründ ußè aagordnet, si hèn èn Abschtand vo öppè 3,9 m.

Bim Übberbau isch wetterfeschtè Staal aagwendet worrè, wa z Dütschland sèltè as Baumatriaal vowendet wörd. Well d Eigèfrequènz vo dè Staalbrugg um 1 Hz i dè Nöchi vo dè durch Fuèßgänger voursachtè Schwingungè lyt, sin i jedem Bruggèfäld zwei Schwingungsdämpfer aagordnet worrè.

D Hèrschtellung vom Übberbau isch im erschtè Schritt durch d Vormontage vo dè zwei Bruggèhälftè am Seerhyufer erfolgt. Aaschlièßend sin diè beidè Deil mit Schiff ygschwommè worrè, uff dè Stròmpfyler un Widderlager in erhöhtem Zuèschtand abgsetzt un mitènand voschweißt worrè. Dè Abschluss vo dè Montage isch durch s Absenkè vo dè Brugg in iri endgültigi Laag vollzogè worrè.

Unterbautè

Diè Unterbautè wysèd uffgrund vo dickè Donschichtè mit weichbreiigè bis styfer Konsischtenz è Düèfgründig uff. Dõdeby wörred d Stròmpfyler vo 8,2 m langè un 4,5 m breitè Pfaalchopfblattè drait, unter dènnè èn hochè un schmalè Pfaalbock, uss jewyls 14 Rammpfôôl bschtön, aagordnet isch. D Rammpfôôl hèn 0,5 m Durchmesser, Längè vo bis zu 30 m un sin schäbs nidderbrocht worrè.

Literadur

• J. Berger, M. Fischer, T. Harnisch, E. Klein: Geh- und Radwegbrücke aus wetterfestem Baustahl über den Seerhein bei Konstanz. In: Bauingenieur, 69. Jahrgang, 1994, S. 81-89

Einzelnõchwys

Di nögscht Brugg flussufwärts: Aalti Rhybrugg Konschtanz

Bruggene öber de Rhy

Di nögscht Brugg flussabwärts: Schänzlebrugg

Dä Artikel basiert uff ere fräie Übersetzig vum Artikel „Fahrradbrücke_(Konstanz)“ vu de dütsche Wikipedia. E Liste vu de Autore un Versione isch do z finde.