Zum Inhalt springen

Sandhya Hasswani

Us der alemannische Wikipedia, der freie Dialäkt-Enzyklopedy

D Sandhya Hasswani (* 1987 z Bad Säckige) isch e Schurnalischti un Dialäktdichteri us em Hotzewald.

Lääbe[ändere | Quälltäxt bearbeite]

D Hasswani isch z Säckige as Dochter vun ere änglisch-dytsche Mueter un eme indische Vater uf d Wält chuu un z Herrischried uf em Hotzewald ufgwachse. Ab 1998 isch si z Säckige uf s Scheffel-Gimnasium gange un het dert anne 2007 Abitur gmacht. Si het an ere private Färnhochschuel z Darmstadt Literatur un Schurnalismus studiert un isch derno Schurnalischti wore. Si schrybt as freii Mitarbaiteri fir dr Sidkurier un di Badisch Zytig. Si isch ghyrote mit em Harmeet Singh Hasswani-Kooner un het mit ihm zwai Chinder. D Sandhya Hasswani wohnt mit ihre Familie z Herrischried.

D Hasswani schrybt uf Hochdytsch un im Hotzewälder Alemannisch. Glehrt het si s Alemannisch in dr Chinderschuel un dr Grundschuel un vu ire Gotte.

Anne 2013 isch si bim bade-wirttebärgische Literaturwettbewerb „Jugend auf dem Land“ fir ihri Gschicht „4 PS – halbstark unterwegs“ mit ere Ehreurkund uuszaichnet wore.[1]

Anne 2015 het si bim Gerhard-Jung-Wettbewärb mitgmacht un het dert e zweete Bryys in dr Kategory „Lyrik“ gwunne.[2][3] Drei Johr speter het si wider mitmacht un mit ihre Szene „Heb Sorg uff dini Sproch“ in dr Kategory „Spiil“ dr 1. Bryys gwunne.[4][5]

Fir dr Hotzewaldkaländer 2018 het d Sandhya Hasswani zwelf Verzellige gschribe mit gschichtlige Eraignis, Sage un Legände us dr Region, illuschtriert vum Markus Olivieri un dr Kristine Gelderbloom. Si het do hischtorischi Sage nooverzellt.[6] Au dr Dodtmiser Jubiläumskaländer hän die drei gstaltet, mit Verzellige vu dr Hasswani un Bilder vum Olivieri un dr Gelderbloom.[7][8] Anne 2020 isch unter em Titel Sagenhafter Hotzenwald im Basler Friedrich Reinhardt-Verlag e Buech mit 32 nooverzellte Sage us em Hotzewald uusechuu.

Zäme mit em Verain Aktiver Hotzenwald het d Hasswani 2016 en Alemannisch-Wettbewärb fir Schuele us em Hotzewald in s Lääbe gruefe, wu all baar Johr soll stattfinde.[9] 2019 isch er zum zwaite Mol duregfiert wore.[10]

Anne 2021 het si im Drey-Verlag im Buech Chind un andri Ploge wo glücklich mache 51 Gschichte uf Alemannisch publiziert. Im nämlige Johr het si bim Dialäktwettbewärb Lohrer Murre mit dr Gschicht „Do aacho“ e zweete Bryys in dr Kategory Prosa gwunne.[11]

Im Johr 2022 het si dr historisch Roman Die letzte Äbtissin iber di letscht Firschtäbtissi vum Frauestift Säckinge, d Marianna von Hornstein-Göffingen, publiziert.

D Hasswani isch Mitglid bi dr Muettersproch-Gsellschaft un dert syter 2020 Mitglid im Vorstand as Bysitzeri.

Wäärch[ändere | Quälltäxt bearbeite]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. Ministerium für Ländlichen Raum und Verbraucherschutz Baden-Württemberg: Preisverleihung und Buchvorstellung zum Literaturwettbewerb 2013 „Jugend auf dem Land“, Pressemitteilung Nr. 239/2013, 19. November 2013
  2. Anja Bertsch: Die Jugend hat das Wort, Badische Zeitung, 26. April 2015
  3. Mundart-Erbe wird weitergetragen, Markgräfler Tagblatt, 26. April 2015
  4. Roswitha Frey: Junge Autoren begeistern beim Gerhard-Jung-Wettbewerb in Zell, Badische Zeitung, 22. April 2018
  5. Doppelsieg für junge Mundart-Autorin, Markgräfler Tagblatt, 22. April 2018
  6. Sagenhaftes in Schrift und Bild, Badische Zeitung, 23. Oktober 2017
  7. Sagenhaftes in Schrift und Bild, Badische Zeitung, 26. Oktober 2017
  8. Sandhya Hasswani: Sagenhafte Gestalten und Persönlichkeiten, Der Alemanne 2017, Hotelzeitung Alemannenhof Hotel Engel Rickenbach
  9. Gewinner des Abends war die alemannische Sprache , Badische Zeitung, 25. April 2016
  10. Görwihler Schüler räumen beim Alemannischen Schulwettbewerb auf dem Hotzenwald den ersten Preis ab, Südkurier, 24. Merz 2019
  11. Lahrer Mundartpreis geht an fünf ernste Texte, Badische Zeitung, 13. Oktober 2021