Sabine Monauni
D Sabine Monauni (* 10. April 1974) isch e liechteschtaanischi Diplomati. Si isch syter 2016 Bootschafteri vum Fiirschteduum Liechteschtaa z Belgie.
Laufbahn[ändere | Quälltäxt bearbeite]
D Monauni isch vu 1986 bis 1994 uf s Gimnasasium z Vadoz gange. No dr Matura (Typ B) het si vu 1994 bis 1999 an dr Universiteet St. Galle Jura studiert un mit em Diplom (lic.iur.HSG) abgschlosse. Derno het si 2000/2001 e Poschtgraduierte-Studium in Europaräächt (LL.M.) am Europakolleg z Brügge absolviert. Ab 2001 het si as juristischi Mitarbaiteri un ab 2003 as stellverdrättendi Laiteri vu dr Stabsstell EWR z Vadoz gschafft. Vu 2006 bis 2010 isch si dernääbe au Mitgliid im Hochschuelroot vu dr Universiteet Liachtaschtaa gsii. Anne 2010 isch si zue dr EFTA-Iberwachigsbeheerde (ESA) z Brüssel gwägslet, wu d Monauni as Mitglid vum Kollegium fir s Binnemäärträächt verantwortli gsii isch. Liechteschtaa isch dr eerscht Staat gsii, wu ne Frau fir des Amt vorgschlaa het.[1] No dreiehalb Johr isch si 2014 uf Vadoz retuurchuu un het deert as Bootschaftsreeti im Amt fir Uuswäärtigi Aagläägehaite un derno im Minischterium fir Gsellschaft gschafft.
As Noofolgeri vum Kurt Jäger, wu uf Washington, D.C. gwägslet isch, isch d Sabine Monauni im Juli 2016 zur Bootschafteri vum Fiirschteduum Liechteschtaa z Brüssel akkreditiert woore. Minischter un Stellverdrätter vu dr Bootschafteri isch zurzyt dr Stefan Barriga (Stand: Jänner 2021).[2]
Zue dr Landdaagswaal 2021 het d FBL d Monauni fir s Amt vu dr Regierigsschefi nominiert.[3]
Privaatlääbe[ändere | Quälltäxt bearbeite]
D Sabine Monauni isch ghyroote un Mueter vu zwee Sihn. Si isch Buurgeri vu Muura.
Weblink[ändere | Quälltäxt bearbeite]
- Diplomatische Vertretung in Brüssel (Mit Foto)
- «Momentan ist in Brüssel sowieso nichts alltäglich». (Gspräch mit dr Sabine Monauni, Bootschfteri vu Liechteschtaa z Brüssel). In: Liechtensteiner Volksblatt, 13. August 2016. S. 8–9. (Online im Internetufdritt vu dr Regierig vum Fiirschteduum Liechteschtaa; PDF)
Fueßnote[ändere | Quälltäxt bearbeite]
- ↑ Liechtensteiner Vaterland: Sabine Monauni-Tömördy in der EFTA-Überwachungsbehörde. (5. Juli 2010)
- ↑ Diplomatische Vertretung in Brüssel (B). Internetufdritt vu dr Regierig vum Fiirschteduum Liechteschtaa.
- ↑ Sabine Monauni als FBP-Spitzenkandidatin nominiert. Liechtensteiner Volksblatt, 18. August 2020, abgruefen am 11. Dezember 2020.
|
Dä Artikel basiert uff ere fräie Übersetzig vu dere Version vum Artikel „Sabine_Monauni“ vu de dütsche Wikipedia. E Liste vu de Autore un Versione isch do z finde. |