Agglomeration

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Die trinazionaali Agglomerazioon Basel, wo Gmäinde in dr Schwiz, in Dütschland und in Frankriich umfasst

En Agglomerazioon (latiinisch agglomerare ‚fest aaschliesse‘) isch noch dr Definizioon vo dr UNO vo 1998 e Kärnstadt samt iirem suburbane Umland oder eme Umlandgebiet, wo mindestens dicht besiidlet isch und usserhalb vo de Stadtgränze lit, aber e Gränze zur Stadt het. E sonigi Agglomerazioon bestoot us äinere oder meerere Stedt und iire Vorstadtgmäinde, wo dr Agglomerazioonsgürtel (dr sogenannti Späckgürtel) bilde. D Agglomerazioon entspricht also dr „Stadt“ im räin geografische Sinn, ooni Berücksichtigung vo administrative Gränze.

Anderi hüfig verwändeti Bezäichnige für son e Gebiet si Stadtregioon und Balligsruum/-gebiet. Zwar bezäichne die Usdrück im Wääsentlige s Gliiche, wber es git, je noch däm wie mäs usläit, chliini Bedütigsnüansse. Nit zur Stadtregioon ghööre, im Geegesatz zu de Begriff Groossregioon, Metropolregioon oder Wirtschaftsregioon, deren iiri ländlig brägte perifeere Däilrüüm, sondern nume die unmiddelbari, dicht bebauti Umgääbig vo dr Kärnstadt. Aber au Siidlige, wo nit diräkt an d Kärnstadt aagränze, chönne zur Stadtregioon zelt wärde, wenn dr grösst Däil vo de Iiwooner in dr Kärnstadt schafft.

D Kriterie, wie Zaale für alli die Begriff berächnet wärde, hangt aber letztändlig vo dr Abgränzigsmethodik ab, wo mä aawändet. Für die Vorgangswiis git s käi Normierig, und dorum cha mä Zaale für verschiideni Regioone nume bedingt vergliiche.

Mä underschäidet au no zwüsche monozentrische und polyzentrische Agglomerazioone, je nochdäm, öb s äi oder meereri Zentrum git.

Litratuur[ändere | Quälltäxt bearbeite]

  • United Nations (Hrsg.): Principles and recommendations for population and housing censuses, 1998
  • Burgdorff, Stephan / Janssen, Dr. Hauke: Jahrbuch 2003 – Die Welt in Zahlen Daten Analysen, Spiegel-Buchverlag, Deutscher Taschenbuch Verlag, S. 490f
  • Häussermann, Hartmut: Grossstadt: soziologische Stichworte, Leske + Budrich Verlag, Opladen 1998, ISBN 3-8100-2126-1

Weblingg[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Agglomeration“ vu de dütsche Wikipedia.

E Liste vu de Autore un Versione isch do z finde.