Müassbrunnergassla

S’ Müassbrunnergàsslà àn dr Kriizung vu dr Schmììdgàss

Dialäkt: Mìlhüüserdiitsch

S’ zwaischproochiga Schtroossaschìld

S’ Müassbrunnergassla (offiziäll ìm zwaischproochiga Schtroossaschìld Müàssbrunnergàsslà; uff Frànzeesch rue des Bons-Enfants) ìsch a Schtrooss ìm Schtàdtzäntrum vu Mìlhüüsa.

wu sa lììgt

S’ Müassbrunnergassla ìsch d’ Verlängerung vu dr Gàrwergàss. Sa làuift uff äbba 85 Meeter bis àn d’ Schmììdgàss. Biim And vum Gàrwergàss ìsch a Kriizung mìt dr Metzgergàss un em Ocksagassla.

Gschìcht

Ìm 16. Joohrhundert hàt d’ Schtrooss Wysslerengasse ghaissa, woohrschiinsig wial doo d’ Fàmìlia Wyss glabt hàt. Schpeeter hàt sa bis ìm 17. Joohrhundert Sutengasse ghaissa — àn dr Schtrooss ìsch a Brunna gsìì mìt’ma Wàsser voll Süüda, mìt wäller maa d’ maahliga Gemiaser, wia z. B. d’ Miasla, aifàcher hàt känna kocha. Wagadam ìsch d’ Schtrooss schuu-n-ìm 18. Joohrhundert àls Mussbrunnengasse bekànnt gsìì. Ìn dr Mìtta vum 16. Joohrhundert ìsch àn dr Schtrooss a Eelmììhla gsìì, wo zem Nicolas Schlumberger gheert hàt. Àb 1782 ìsch àm Äcka vu dr Schmììdgàss d’ Schtoffdruckaräi vum Betriib Martin Hartmann gsìì.

Sallamols hàt s’ Müassbrunnergassla bis àn d’ Màriakìrìch gloffa. Sitter’m Ààschluss vu Mìlhüüsa àn d’ Frànzeescha Repüblik ànna 1798 gheert dr Tail zwìscha dr Schmììdgàss un dr Màriakìrìch züa dr Kloschtergàss un dr Bàrfüassergàss. Ìm 18. un 19. Joohrhundert sìnn àn dr Schtrooss mehrera Klaidergschafter, wo Juuda bsìtzt hann. Wagadam ìsch d’ Schtrooss àb’m And vum 19. Joohrhundert ìn dr Umgàngsschprooch „Juudagàssa“ gnännt worra. D’ Schtrooss hàt àwwer ànna 1798 uff Frànzeesch Rue des Bons-Enfants ghaissa — dàs bediitet wärtlig „Schtrooss vu da güata Kìnder“. Àn dr Zitt vum Raichslànd Elsàss-Lothrìnga ànna 1882 ìsch sa ìn Mussbrunnenstrasse umtaift worra. Noh-n-em And vum Äärschta Waltkriag hann àlla Mìlhüüser Schtroossa dur a Verordnung vum 12. Jüüni 1919 ìhra frànzeescha Nàmma wììder ìwwernumma. Unter’m Drìtta Raich hàt sa àb’m 16. Àuigscht 1940 Mussbrunnenstrasse ghaissa, un d’rnooh Mussbrunnengasse àb’m 27. Septamber 1941. Noh dr Befräijung vu Mìlhüüsa ànna 1944 ìsch dr frànzeescha Nàmma wììder z’ruckkumma.

Um 1900 ìsch s’ Müassbrunnergassla-n-ärwittert worra. D’ maischta hìttiga Gebäijer schtàmma vu dara Zitt.

Lìteràtüür

• Rue des Bons Enfants. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 83 (französisch, Erstausgabe: 2007). 

Weblìnks

 Commons: Müassbrunnergassla – Sammlig vo Multimediadateie

Ainzelnoohwiisa

47.747647.33718