Mìlhüüser Schtàdtzäntrum
| Dialäkt: Mìlhüüserdiitsch |
S’ Mìlhüüser Schtàdtzäntrum (frànzeesch centre-ville de Mulhouse ) ìsch s’ histoorischa Schtàdtviartel un Schtàdtkarn vu Mìlhüüsa-n-ìm Owerelsàss. Umgàngsschproochlig nännt maa-n-’s àui histoorisch Zäntrum (centre historique), Mìlhüüser Àltschtàdt (vieille-ville de Mulhouse) odd’r sogàr s’ àlta Mìlhüüsa (le Vieux-Mulhouse).
Geogrààfisch lìegt d’ Mìlhüüser Àltschtàdt ìm Zäntrum vum Gmaindabooda. Sa granzt àm Rabbarg àm Süüda, àm Nordfald àm Oschta, àn La Fonderie àm Wäschta un àm Péricentre àm Noorda. Verwàltungsmaassig gheert s’ Viartel zem Mìlhüüser Schtàdtbezirk 2.
Dr Zäntrààlpunkt vum Mìlhüüser Schtàdtzäntrum ìsch dr Roothüüsplàtz, mìt’m histoorischa Roothüüs un dr Schtefànskìrìch —wo s’ heechschta Gebäi ìn dr Àltschtàdt ìsch. Ìm Viartel sìnn àui mehrera Museea, wia s’ Histoorischa Museum ìm Roothüüs, s’ Museum fìr d’ scheena Kunscht àm Wilhelm-Tell-Plàtz un s’ Musée de l’impression sur étoffes grààd biim Kànààl. Àui s’ Sinnà-Theàter ìsch a wìchtiger kültüräller Ààziihungspunkt.
Ìm Schtàndzäntrum sìnn àui zàhlriicha Gschäft. D’ hàuiptliga Gschaftsschtrooss ìsch nàdììrlig d’ Wìldamànngass, wu maa vìela Klaidungsgschäft fìndet. Sitter da Joohra 2010 wara Maassnààhma gtroffa, fìr dr Schtàdtzäntrum wìrtschàftlig wìeder dynààmisch màcha.[1] Maa hàt zem Biischpìel mehrera Schtroossa-n-ìn Füassgàngerzoona-n-umgwàndelt —drunter d’ Wìldamànnsgass un d’ Bàrfiassergass.
Fàscht àlla Schtroossa-n-ìm Mìlhüüser Schtàdtzäntrum hann a zwaischproochiga Schtroossatàfla —mìt’m Schtroossanamma-n-uff Frànzeesch un uff Elsassisch-Mìlhüüserisch.[2]
Dr Poschtlaitzààhl vum Mìlhüüser Schtàdtzäntrum ìsch 68100.
Ainzelnoohwiisa
[ändere | Quälltäxt bearbeite]- ↑ Déborah Liss: Comment le centre-ville de Mulhouse est devenu l’un des plus dynamiques de France. In: Rue89 Strasbourg. 22. Mai 2018, abgruefen am 19. Juni 2022 (französisch).
- ↑ Les rues bilingues de Mulhouse : liste des rues. In: Zweisprochiga Strossaschìlder ìn Mìlhüsa. Abgruefen am 19. Juni 2022 (französisch).