Metzgergàss (Mìlhüüsa)

Us der alemannische Wikipedia, der freie Dialäkt-Enzyklopedy
S’ zwaischproochiga Schtroossaschìld
Dialäkt: Mìlhüüserdiitsch

D’ Metzgergàss (offiziäll ìm zwaischproochiga Schtroossaschìld Metzgergass;[1] uff Frànzeesch rue des Bouchers) ìsch a klaina Schtrooss ìm Schtàdtzäntrum vu Mìlhüüsa.

wu sa lììgt[ändere | Quälltäxt bearbeite]

D’ Metzgergàss làuift vum Roothüüsplàtz bis àn d’ Kriizung vu dr Müassbrunnergàss, dr Gàrwergàss un em Ocksagassla. Sa ìsch äbba 50 Meeter làng.[2] Dr Roothüüsplàtz trìfft sa grààd vor àn dr Àpateek „Au Lys“; doo fàngt àui d’ Bäckergàss àà.

Gschìcht[ändere | Quälltäxt bearbeite]

Ìm 16. Joohrhundert hàt d’ Schtrooss Kulmen Strasse ghaissa — noh da Kulm, ainer vu da ältschta Fàmìlia vu dr Schtàdt. Uff’m Schtàdtplààn vum Merian (1642) hàt d’ Schtrooss kää Nàmma trajt. D’ Zunftschtuwa vu da Metzger hàt sìch àm Äcka vum Bäckergàss befunda, àlso ìsch d’ Schtrooss ìn dr äärschta Hälfta vum 18. Joohrhundert àls Metzger Gasse bekànnt gsìì.

Ànna 1815 ìsch sa ìm Mathieu Mieg siim Schtroossaverzaichniss unter’m Nàmma Metzger Gässlein glischtet worra. Dur a Schtàdtverordnung vum 11. Nowamber 1843 hàt d’ Schtrooss offiziäll ìhra Nàmma-n-uff Frànzeesch bikumma (Rue des Bouchers). Àn dr Zitt vum Raichslànd Elsàss-Lothrìnga ìsch sa nochamol ìn Metzger Strasse umtaift worra. Noh-n-em And vum Äärschta Waltkriag hann d’ Mìlhüüser Schtroossa dur a Verordnung vum 12. Jüüni 1919 ìhra frànzeescha Nàmma wììder ìwwernumma. Unter’m Drìtta Raich hàt sa àb’m 16. Àuigscht 1940 Metzger Strasse ghaissa, un d’rnooh Metzger Gasse àb’m 27. Septamber 1941. Noh dr Befräijung vu Mìlhüüsa ànna 1944 ìsch dr frànzeescha Nàmma wììder z’ruckkumma.

Hìtt ìsch d’ Metzgergàss a Füassgangerzoona.

Lìteràtüür[ändere | Quälltäxt bearbeite]

  • Rue des Bouchers. In: Conseil Consultatif du Patrimoine Mulhousien, Société d’Histoire et de Géographie de Mulhouse (Hrsg.): Les rues de Mulhouse : Histoire et Patrimoine. JdM Éditions, Mìlhüüsa 2009, ISBN 2-915836-67-1, S. 85 (französisch, Erstausgabe: 2007).

Ainzelnoohwiisa[ändere | Quälltäxt bearbeite]

  1. Bouchers (rue des) / Metzgergass. In: Zweisprochiga Strossaschìlder ìn Mìlhüsa. 23. August 2016, abgruefen am 25. Januar 2023 (französisch).
  2. Gmässt mìt’m Google Maps

Koordinate: 47° 44′ 49,9″ N, 7° 20′ 14,5″ O