Rudolf V. vu Bade
| Dialäkt: Undermarkgreflerisch |
Dr Markgrof Rudolf V. vu Bade († 28. Augschte 1361), gnännt „dr Wecker“, isch vu 1348 bis 1361 Markgrof vu Bade gsi, syt 1349 „Herr vu Pforze“, syt 1354 „Herr vu Bade“.
Läbe
[ändere | Quälltäxt bearbeite]Dr Rudolf V. isch dr Suhn vum Rudolf IV. vu Bade († 25. Juni 1348) un dr Marie vu Oettingen († 10. Juni 1369) gsi, dr Dochter vum Grof Friedrich I. vu Oettingen.
Syy Vater het d Stedt Offeburg, Gengebach un Zell, derzue alles Ryychsguet in dr Ortenau, as Pfand iberchuu. Well dr Chenig Karl IV. em Berthold vu Buchegg, em Bischof vu Stroßburi d yylesig vu däm Pfand iberloo het un dää aber kei Gäld gha, het dr Berthold em Rudolf dr Zoll z Stroßburi verpfändet.
Mit syym Neffe Rudolf VI., Suhn vum Friedrich III., het dr Rudolf V. anne 1356 e Erbvertrag abgschlosse, ass dää syy Erb soll syy. Wu dr Rudolf V. anne 1361 gstorbe isch, het dr Rudolf VI. derno alli Deil vum dr Markgrafschaft Bade wider chenne vereine.
Dr Rudolf V. het am 26. Augschte 1347 d Adelheid († 1370/73), Dame de Belfort, ghyrote, d Doichter vum Rudolf Hesso vu Bade un dr Johanna vu Mömpelgard. Si hän keini Chinder mitenand gha. D Adelheid vu Bade het no syym Dod am 4. April 1369 dr Grof Walram IV. vu Thierstein († 1386) ghyrote.