Roland Burkhart

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Roland Burkhart (* 1946 z Fryburg) isch e dytsche Buechhändler un Liedermacher. Mer chännt en z Sidbade as „Buki“ vor allem fir sy Engaschmänt un syni Lieder gege s blant AKW Wyhl un gege s franzeesisch AKW Fassena ääne vum Rhyy vis-à-vis vu Brysach.

Lääbe[ändere | Quälltäxt bearbeite]

Dr Burkhart isch im Fryburger St.-Elisabeth-Chrankehuus uf d Wält chuu. Är isch mit vier Gschwischter in ere Buurefamilie z Iechdinge am Chaiserstuel ufgwachse. Mit zwelf Johr isch er uf Fryburg an s Friedrich-Gimnasium chuu un het dert 1967 Abitur gmacht. In dr Schuelzyt het er im Studiehaim St. Georg gwohnt. No dr Schuel het er z Pfulladorf un z Semmerengea dr Wehrdienscht glaischtet. Scho in dr Schuel, aber vor allem in dr Zyt bi dr Bundeswehr isch er bolitisiert wore. Ab 1969 het er an dr Universitet Fryburg Bolitik un Soziology studiert. Är het noodrägli dr Chriegsdienscht verwaigeret, wu fimf Johr lang brucht het, bis es dure gsii isch. In dr Aafangsjohr vum Studium isch er als im Liberale Club gsii, wu d Fryurger Juged in däne Johr iber Bolitik dischpetiert het un het zwai Johr in dr erschte Gruppe vum Fryburger Chinder- un Jugedtheater mitgmacht. Au im Sozialbolitische Arbetskrais SPAK Obdachlose isch er aktiv gsi. Syt dr Johr 1974/1975, in dr Ändphase vum sym Studium, isch er aktiv gsii im Widerstand gege s blant Atomchraftwärch Wyhl. Är het aigeni Lieder im alemannische Dialäkt vum Chaiserstuel gschribe, wun er bi Demonschtratione un andere Broteschtveraastaltige gsunge het. Au noch em Studium het er Ändi 1970er Johr vyl Ufdritt as Liedermacher un Broteschtsänger ghaa. Anne 1982 het er unter sinem Pseudonym „Buki“ im Verlag Trikont/Unsere Stimme e Schallplatte mit Lieder unter em Titel „De bleede Ofe“ uusegee.

Bim JosFritz z Fryburg het er vu 1978 bis 1982 Buechhändler glehrt. Är isch dert zueständig gsii fir Ökobuech-Abdailig un fir d Schallplatte. In eme Interview mit em Stielinger-Magazin het er im Dezämber 2013 iber die Zyt gsait:

„Wir von den Badisch-elsäßischen Bürgerinitiativen gegen das geplante AKW in Wyhl hatten zu dieser Zeit eigene Platten mit Protestliedern produziert und eigene Liederbücher bei der benachbarten Bundschuhdruckerei in der angrenzenden Spechtpassage drucken lassen. Die Buchhandlung Jos Fritz war damals schon ein kultureller Anziehungspunkt mit vielerlei Veranstaltungen, ja ein Schmelztiegel und Kristallisationspunkt für alles, was links war.“

Stühlinger-Magazin, Dezämber 2013

Mit eme aigene Buechservice het er si scho zum Dail sälbschtständig gmacht ghaa, ab 1989 het er si mit sym Buechversand ganz sälbschtständig gmacht. Dr Jos Fritz-Buechlade sei as linki Kaderschmitti eso verschriie gsii, ass d Universität kai Biecher vun em het welle chaufe. Sy Biro het er syterhär in dr Stielingerstroß. Zum 1. Jänner 2018 het er sy Buechservice ufgee un an d Buechhandlig Edel ibergee.

Syt em Spotjohr 1989 Johr wohnt er z Waldkilch. Är het zwee Sihn. Z Waldkilch engaschiert si dr Burkhart in dr Offene Liste (DOL), vu Jänner bis Juli 2009 isch er au mol Mitglid vum Waldkilcher Stadtrot gsii. Är isch aktiv im Georg-Scholz-Haus-Kunstforum (5 Johr Vorstandsmitglid) un in dr Ideenwerkstatt Waldkirch. Är macht bi zwee Lääsekrais mit, aine isch z Pfaffewyler, ain in dr Fryburger Stadtbibliothek. Z Elzach het er e baar Johr lang e Lääsekrais fir Seniore glaitet.

Är het au syni Chinder uf em Maxhaus (Chinderschuel un Freii Schuel Elzdal) z Kollnau ghaa un mit andere engaschierte Eltere in dr Nynzger Johr di Lange Nacht der Märchen"im Elzdal grindet und johrelang als Sänger mitgschdaldet. Er isch als Räntner immernoch mit syne, aü regionalhistorshe Leäder un sine gnitzige Kurzgschichte in verschiedene Uffdrittsarte unterwäägs.

Är het au sini Kinder uff'm "Maxhaus" (Kindergarten und Freie Schule Elztal)in Kollnau gha un mit andere engaschierte Eltere in de Niinziger Johr di Lange Nacht der Märchen im Elzdal grindet und johrelang as Sänger mitgstaltet ghaa. Är isch als Räntner allno mit syne, aa regionalhistorsche Lieder un syne gnitzige Churzgschichte in verschidene Ufdrittsarte unterwägs.

Diskografy[ändere | Quälltäxt bearbeite]

  • De bleede Ofe. LP. Trikont/Unsere Stimme 1982.

Weblink[ändere | Quälltäxt bearbeite]