Rischon LeZion

Us der alemannische Wikipedia, der freie Dialäkt-Enzyklopedy
Hops zue: Navigation, Suech
Rischon LeZion
Wappen von Rischon LeZion Flagge von Rischon LeZion
Rischon LeZion
Basisdate
hebräisch: ראשוןـלציון
arabisch: ريشون لتصيون
Staat: Israel Israel
Bezirk: Zentral
Gründet: 1882
Koordinate 31° 58′ N, 34° 48′ O31.96333333333334.79916666666740Koordinaten: 31° 57′ 48″ N, 34° 47′ 57″ O
Höchi: 40 m
Flechi: 58,704 km²
 
Iiwohner: 243.973 (2015)
Bevölkerigsdichti: 4.156 Iiwohner pro km²
 
Postleitzahl: 75001 - 75199[1]
 
Art vo dr Gmeind: Stadt
Webpresänz:
Rischon LeZion (Israel)
Rischon LeZion
Rischon LeZion

Rischon LeZion (hebräisch ראשוןـלציון, IPA: [ˈʀiʃɔn lɛˈtsiɔn],[2] uf Dütsch „Erste für (zu) Zion“, arabisch ريشون لتصيون; au as Rishon LeZion dranskribiert) isch e Groossstadt z Israel im südlige Däil vom Groossruum Tel Aviv-Jaffa, öbbe zää Kilometer südlig vo Tel Aviv im sogenannte Gusch Dan. D Stadt het 243'973 Iiwooner (2015[3]) und isch die viertgrössti im Land noch Jerusalem, Tel Aviv und Haifa.

Gschicht[ändere | Quälltäxt bearbeite]

Rischon LeZion 1937
Strandpromenade
Rischon LeZion 2013

Rischon LeZion isch 1882 as Moschawa vo russische Immigrante gründet worde und isch äini vo de erste jüüdische landwirtschaftlige Siidlige in dr Nöizit im hütige Israel. Dr Naame chunnt us dr Biible: (Gott säit): „Ich sagte als Erster zu Zion...“ (Jesaja 41,27) Danach ist von einer Freudenbotschaft die Rede, die die frühen Einwanderer auf sich bezogen.

E wichdiger Sektor vo dr Landwirtschaft isch scho seer früe dr Wiibau gsi: Im Joor 1887 isch mit dr Understützig vom Baron Edmond de Rothschild e Wiichällerei gründet worde. Zs dere het sich dr grösst Wiibroduzänt vo Israel, Carmel, entwigglet, wo dr formell Hauptsitz von em immer no z Rischon LeZion isch. In dr Zit vom britische Mandat isch in dr Stadt au no die ersti Brauerei z Palestina, Palestine Breweries, entstande, wo s Bier Nesher broduziert het.

Im Joor 1948 het d Stadt nume 10'000 Iiwooner ghaa. Noch dr Gründig vom Staat Israel het sich Rischon LeZion seer schnäll entwigglet. Iiwanderer us dr früenere Sowjetunion und em hütige Russland, rumänischi, dütschi, jemenitischi, marokkanischi und iranischi Iiwooner und iiri Noochfaare bräge d Stadt.[4]

Die wichdigste Wirtschaftszwiig si d Wiibrodukzioon, s Baugwärb, Dienstläistige, Handel und die farmazöitischi und elektrotechnischi Industrii.

Kultur[ändere | Quälltäxt bearbeite]

Rischon LeZion ist sit dr Gründig 1988 Sitz vom Israel Symphony Orchestra Rischon LeZion.[5] Es het e Stadtbibliothek mit em Hauptsitz Kotar Rishon und elf Zwiigstelle.

Jeedes Joor wird an Sukkot e Wuche lang e Wiifest gfiirt.[6]

Sport[ändere | Quälltäxt bearbeite]

Dr bekanntist Sportveräin in dr Stadt isch Maccabi Rischon LeZion.

Stadtpartnerschafte[ändere | Quälltäxt bearbeite]

Rischon LeZion het acht Partnerstedt, und zwäi verpartnereti Landkräis[7]:

Stadt Land sit
Brașov Rumänien Rumänie 1996
Debrecen Ungarn Ungarn 1996
Heerenveen NiederlandeNiederlande Niiderlande 1993
Lublin PolenPolen Pole 1992
Lwiw Ukraine Ukraine 1993[8]
Münster DeutschlandDeutschland Dytschland 1981
Nîmes FrankreichFrankreich Frankriich 1986
Teramo ItalienItalien Italie 1988
Tianjin China China 1994

Landkräis[ändere | Quälltäxt bearbeite]

unbelegt[ändere | Quälltäxt bearbeite]

Weblingg[ändere | Quälltäxt bearbeite]

 Commons: Rishon LeZion – Sammlig vo Multimediadateie

Fuessnoote[ändere | Quälltäxt bearbeite]

  1. Israel Postcode. Abgrüeft am 20. September 2014.
  2. Shmuel Bolozky: Remarks on Rhythmic Stress in Modern Hebrew. In: Journal of Linguistics 18.2 (September 1982), S. 275-289, hier S. 286.
  3. List of localities, in Alphabetical order. Israel Central Bureau of Statistics., abgrüeft am 25. Juni 2017
  4. Aagoobe uf dr Site vo dr dütsche Partnerstadt Münster, abgrüeft am 2. Septämber 2011
  5. Website vom Orchester (ängl.), abgrüeft am 2. Septämber 2011
  6. Offizielli Website vo dr Stadt (ängl.), abgrüeft am 2. Septämber 2011
  7. Rishon Lezion Sister Cities. Abgrüeft am 22. September 2014.
  8. Міста-партнери. Abgrüeft am 3. Dezember 2014.
Information icon.svg Dä Artikel basiert uff ere fräie Übersetzig vum Artikel „Rischon_LeZion“ vu de dütsche Wikipedia.

E Liste vu de Autore un Versione isch do z finde.