Reformiirti Chile Birr

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Chile Birr

Di reformiirti Chile Birr isch di reformiirti Dorfchile in de aargauische Gmeind Birr in de Schwiiz. Si isch im Johr 1662 bauet worde, het aber älteri Vorgängerbaute. Di erscht Erwähnig in ere Urkund von ere Chile z Birr isch us em 1370i. Mit de Iiführig vo de Reformation z Bärn isch au Birr und dodermit d Chile reformiirt worde.

Gschicht[ändere | Quälltäxt bearbeite]

Di älteschti Chile z Birr, wo an de selbe Schtell gschtande-n-isch, isch us de Zit ums Johr 1000. Di hütig Chile het mindescht 3 Vorgängerbaute, wo me bi de Grabige im 1972i gfunde het. Di erschti Chile isch öppe halb so breit udn halb so lang gsi, wi di hütigi. An de Wendi vom 12. zum 13. Johrhundert het me di Chile mit ere Apsis erwiteret. Vermuetlich im 14. Johrhundert isch dann s Chileschiff um die gliichi Längi, wo si scho gha het, verlängeret worde. Im 16. Johrhundert het me de Chileturm aabauet und im 1662 isch di hütig Chile errichtet worde und zwar vom Baumeischter Abraham Dünz, wo au di praktisch bauglich Chile z Gräniche bauet het.

Weblinks[ändere | Quälltäxt bearbeite]


47.4370078.201315Koordinate 47° 26′ 13″ N, 8° 12′ 5″ O; CH1903: 657534 / 254303