Reformierti Chile Gauestei
Di reformiert Chile vo Gauestei isch di reformiert Dorfchile von de aargauische Gmeind Gauestei in de Schwiiz. Im Johr 1302 isch si zum erschte Mol in ere Urkund erwähnt worde.
Gschicht[ändere | Quälltäxt bearbeite]
De hütig Chilebou isch in gotischem und spotgotischem Stil und uf de Fundament von ere romanische Chile bout worde. Si isch nach de erschte Erwähnig vom 1302 immer wider veränderet worde, so zum Bischpil im 15. Johrhundert durch de aaboute Chorruum oder in de Mitti vom 17. Johrhundert, wo me s Chilleschiff erwiteret het. Immer wider isch d Chile renoviert worde. Dokumentiert sind Renovatione in de Johr 1572/73, 1893 (usse), 1943 (usse), 1951/52 (inne), 1966 (usse) und 2004 (inne) und im 1984 het d Chilegmeind de Chileturm laa saniere.
Usstattig[ändere | Quälltäxt bearbeite]
Im Chor vo de Chile het's Wappeschiibe, wo in de Ziit um 1500 hergschtellt worde sind. Di Schibe ghöre im Kanton Aargau. D Wappeschiibe, wo im Schiff vo de Chile sind, sind dütlich jünger. Zwei sind us de Ziit vo de Erwiterig vo de Chile ums Johr 1652 und eine us em 1952. Letschteri het de Aargauer Künstler Felix Hoffmann gschaffe. Alli drü Schibe ghöre de Chilegmeind. Sit em August 1966 hanged vier in f, a, c″ und d″ gschtimmti Glocke im Turm. D Orgel, wo vo de Firma Metzler Orgelbau errichtet worde-n-isch, isch us em Johr 2008.
Weblinks[ändere | Quälltäxt bearbeite]
Commons: Reformierte Kirche Auenstein – Sammlig vo Multimediadateie- D Gauesteiner Chile uf de Website «Reformierte Kirchen im Aargau» vo de reformierte Landeschille
Koordinate: 47° 24′ 57,4″ N, 8° 8′ 27,2″ O; CH1903: 652996 / 251918