Prokles

De Prokles (altgriech. Προκλῆς) isch i de griechische Mythologi e König vo Sparta und de Stammvatter vo de Eurypontide. Er hett zäme mit siim Zwillingsbrüeder Eurysthenes gherrscht.

De Prokles isch de Soo vom Aristodemos und vo de Argeia. Er isch mit de Lathria, de Töchter vom Thersandros, verhürootet und de Vatter vom Soos oder vom Eurypon.

De Vatter vom Prokles isch gstorbe bivor de uf d Welt cho isch oder chorz denoo. De Theras isch de Vormund vo de beede Buebe gsii und hett bis si mündig wore sind as Regent öber Sparta gherrscht. Di beede Brüedere sind verschide gsii und hend sich onöd guet möge. Und da söll de Grund sii, wege waa z Sparta immer zwee Könige gliichzittig ggee hett.

Si sölid o a de Spartaner d Verfassig ggee haa., zodem söled si Lakonie i sechs Piet uuftailt und Stedt baut haa. Da sind gsii d Königsstadt Sparta, Amyklai, de Hafe Las, Pharis mit de Schatzchammere und Aigys, wo s Heer stationiert woren isch und Helos.

Quelle

• Herodot: Historie 8.131
• Apollodor: Bibliotheke 2.8.2f.
• Plutarch: Lykurg 1.4
• Strabon: Geographike 8.5.5
• Pausanias: Raise z Griecheland 3.7.1; 3.16.6

Literatur

• Mischa Meier: Prokles. In: Der Neue Pauly (DNP). Band 10, Metzler, Stuttgart 2001, ISBN 3-476-01480-0, Sp. 381.
• Edward Tripp: Reclams Lexikon der Antike Philipp Reclam jun. Stuttgart (1991), 5. Uuflaag. Lemma: Hyllos, S. 254.