Peter Arens

Dr Peter Arens (* 18. Februar 1928 z Friburg; † 25. Augschte 2015 z Stäfa) isch e Schwyzer Schauspiiler un Theaterreschisseer gsii.

Lääbe

Dr Suhn vu dr Schauspiileri Charlotte Arens isch z Bärn uf d Schuel gange. Bim Wucheblatt «Die Nation» het er ab 1945 ne chaufmännischi Lehr gmacht. Derzue isch er uf Schauspiilschuel z Bärn gange, wun er 1947 abgschlosse het. Im däm Johr het er au sy Debüt am Stadttheater Bärn gee. Anne 1950 isch er an s Dytsch Theater z Göttingen gange un 1953 an s Dytsch Schauspiilhuus z Hamburg. 1958 isch er an dr Münchner Chammerspiil engaschiert wore, speter het er Residenztheater z München, am Wiener Burgtheater, am Berliner Schillertheater un am Düsseldorfer Schauspiilhuus gspiilt.

Syter anne 1963 het er am Schauspiilhuus Züri gspiilt, wun er nit nume ne Huffe Rolle ibernuu het, sunder au zum erschte Mol Reschy gfiert het. Bis 2000 isch er fescht Mitgliid vum Ensemble gsii. An verschidene andere Bihne isch er as Gascht ufdrätte. Är het au wyter Stuck inszeniert, unter anderem Der zerbrochne Krug am Ernst-Deutsch-Theater z Hamburg.

Syt dr 1950er Johr het au in Spiilfilm mitgwirkt un het unter anderem dr Kumpenischt Carl Maria von Weber in dr Romanze Durch die Wälder, durch die Auen gspiilt. Im Färnseh het mer e 1960 in Ein Weihnachtslied in Prosa oder Eine Geistergeschichte zum Christfest as Schriftsteller Charles Dickens gsäh. In dr Schwyz isch er vor allem bekannt us dr Gotthelf-Verfilmige Uli der Pächter (1955) un Anne Bäbi Jowäger (1960/62). Z Dytschland chännt mer e vor allem as Vater vum Gaylord in dr erfolgryche Malpass-Verfilmig Morgens um sieben ist die Welt noch in Ordnung vu anne 1968.

Dr Arens, wu 1989 bim Film Dr. M uusnahmswys d Ufnahmelaitig ibernuu het, het au Heerspiil gschribe un si inszeniert.

Är isch au bi Lääsige un Rezitationsoobe ufdrätte. Unter anderem isch er dur d Schwyz tourt mit Lääsige us dr bärndytsche Ibersetzig vu dr Odysse, wu 2003 au ne kompletti Ufnahm dervu as CD uusechuu isch.

Dr Peter Arens isch mit dr Schauspiileri Margrit Ensinger ghyrote gsii. Sy Chinder sin dr Chunschtmoler Valentin Arens un d Schauspiileri Babett Arens (* 1959). Är het zletscht z Stäfa gläbt.

Filmografy

1954: Der letzte Sommer 1955: Verrat an Deutschland 1955: Parole Heimat 1955: Das Schweigen im Walde 1955: Uli der Pächter 1956: Regine 1956: Durch die Wälder durch die Auen 1956: Zwischen uns die Berge 1957: Königin Luise 1958: Androklus und der Löwe 1959: Dame Kobold 1960: Anne Bäbi Jowäger, I. Teil: Wie Jakobli zu einer Frau kommt 1960: Ein Weihnachtslied in Prosa oder Eine Geistergeschichte zum Christfest 1960: Schicksals-Sinfonie (The Magnificent Rebel) 1961: Die Sendung der Lysistrata 1962: Anne Bäbi Jowäger, II. Teil: Jakobli und Meyeli 1962: Die große Szene 1963: Der Sittlichkeitsverbrecher 1964: Geld und Geist 1964: Der Gefangene der Botschaft 1964: General Frédéric

1965: Das Leben des Horace A.W. Tabor 1966: Adrian der Tulpendieb (Serie) 1966: Robert und Elisabeth 1967: Der Fall Schurzheim (Serie Die fünfte Kolonne) 1967: Die Mission 1968: Morgens um sieben ist die Welt noch in Ordnung 1970: Jedermann 1970: Recht oder Unrecht (Serie) 1972: Der Angestellte 1973: Die Reise nach Mallorca (Mehdailer) 1974: Das Unglück 1975: Konfrontation 1979: Der Handkuß – Ein Märchen aus der Schweiz 1983: Ein Fall für zwei – Tödliches Viereck (Serie) 1983: Wagner (Serie) 1990: Tatort – Howalds Fall (Serie) 2001: Studers erster Fall 2004: Lücken im Gesetz 2004: Im Nordwind 2005: Villa Amalia

CD

• Homer: Odyssee. Hochdeutsch und Bärndütsch. Peter Arens liest. Konzept und Regie: Peter Grand. Nach den Übers. von Roland Hampe und Albert Meyer. Schweizer Radio DRS 1, Zürich 2003. 2 CDs, 94 Min

Literatur

• Jean Grädel: Peter Arens. In: Andreas Kotte (Hrsg.): Theaterlexikon der Schweiz. Band 1. Chronos, Zürich 2005, ISBN 3-0340-0715-9, S. 68 f.
• Hansruedi Lerch: Peter Arens In: Historisches Lexikon vo dr Schwiiz.

Weblink

• Peter Arens in der Internet Movie Database
• Filmografy mit Foto bi filmportal.de
• Zum 85. Geburtstag von Peter Arens (SRF)

Fueßnote

Dä Artikel basiert uff ere fräie Übersetzig vu dere Version vum Artikel „Peter_Arens“ vu de dütsche Wikipedia. E Liste vu de Autore un Versione isch do z finde.