Pazifikspiil

Logo vu dr Pazifikspiil 2011 z Neikaledonie

D Pazifikspiil (ängl.: Pacific Games, bis 2007 South Pacific Games) sin Sportwettkampfveraastaltige, wu regelmäßig im sidpazifische Ruum stattfinde. Si sin uf Vorschlag vum fidschianische Bolitiker Sahu Khan yygfiert un zum erschte Mol anne 1963 z Suva (Fidschi) uusdrait wore.

E große Aadail am Erfolg vu dr Spiil het dr erscht Director of Organisation, F.J. Coyne, ghaa.

D Pacific Games wäre vum Pacific Games Council organisiert, wu sich zämmesetzt us em Exekutiv-Komitee, dr Fachuusschiss un dr nationale fir d Pacific Games zueständige Sportverbänd, wu in dr Pacific Games Association organisiertsin, zmaischt di Nationale Olympische Komitee, zem Dail aber au Sonderverbänd fir di pazifische Spiil, wu s, wie z Mikronesie, kai aigeni NOK git.

Dr Ablauf isch seli stark an dää vu dr Olympische Spiil aaglähnt (Ereffnigszeremony, Fahne, Yyzug vu dr Athlete...)

D Merewai Turukawa Vesikula, e Chugelstoßeri vu Fidschi, isch di erscht Gwinneri vun ere Goldmedallie bi dr South Pacific Games gsi. In insgsamt 60 Entschaidige het Fidschi 34 mol Gold gwunne. Anne 2007 het s Fueßballturnier vu dr South Pacific Games as erschti Rundi vum OFC Nation Cup 2008 dient.

Di letschte South Pacific Games hän anne 2007 uf Samoa stattgfunde. No dr Abschlussveraastaltig am 8. Septämber 2007 isch dr Name vu dr Spiil gänderet in Pacific Games. Die negschte Pacific Games wären anne 2015 z Port Moresby, Papua-Neiginea veraastaltet. Dodermit soll dr 40. Johresdag vu dr Unabhängigkait vu Papua-Neiginea gwirdigt wäre.

Uusdragigsort

	Johr	Datum	Ort, Land	Dailnämmer	Natione	Sportarte	Medallie
I	1963	8. bis 18. Dezämber	Suva, Fidschi	646	13	10	179
II	1966	29. Augschte bis 8. Septämber	Nouméa, Neikaledonie	~1200	14	20	258
III	1969	13. bis 23. Augschte	Port Moresby, Papua-Neiginea		12		268
IV	1971	25. Augschte bis 5. Septämber	Papeete, Tahiti		14		359
V	1975	1. bis 10. Augschte	Guam		12		365
VI	1979	28. Augschte bis 8. Septämber	Suva, Fidschi	2672	19	18	400
VII	1983	5. bis 16. Septämber	Apia, Samoa	~2500	13		296
VIII	1987	8. bis 20. Dezämber	Nouméa, Neikaledonie		11		471
IX	1991	7. bis 21. Septämber	Port Moresby, Papua-Neiginea		16		498
X	1995	25. Augschte bis 5. Septämber	Papeete, Tahiti		12		785
XI	1999		Guam	~3000	19		726
XII	2003	28. Juni bis 12. Juli	Suva, Fidschi	~3500	22		908
XIII	2007	25. Augschte bis 8. Septämber	Apia, Samoa	~5000	22	33	905
XIV	2011	27. August bis 11. September	Nouméa, Neikaledonie	~4300	22	28
XV	2015		Port Moresby, Papua-Neiginea
XVI	2019		Nukuʻalofa, Tonga

Ebige Medalliespiegel

Bishär sin bi 13 Pazifikspiil syt 1963 6396 Medallie vergee wore. 24 Natione hän doderby chenne Medallie erringe. D mit Abstand erfolgrychscht Mannschaft isch di neikaledonisch, wu insgsamt 1636 Medallie het chenne gwinne, dodervu 655 Goldmedallie.

D Blatzierige sin no dr Aazahl vu dr gwunnene Goldmedallie sortiert, gfolgt vu dr Aazahl vu dr Silber- un Bronzemedallie. Wyse zwai oder meh Länder en idäntischi Medalliebilanz uf, wäre si alphabetisch noch em Staatsname gnännt.

Ebige Medalliespiegel vu dr Pazifikspiil (Stand: 23. April 2009)
Blatz	Mannschaft	Gold	Silber	Bronze	Gsamt
1	Neukaledonie	655	517	464	1.636
2	Tahiti Tahiti / (Tahiti 1843 Franzesisch-Polynesie)	385	337	355	1.077
3	Fidschi	321	373	377	1.071
4	Papua-Nöiguinea	296	295	295	886
5	Samoa / (Weschtsamoa)	155	112	112	379
6	Nauru	74	41	25	140
7	Guam	59	88	117	264
8	Amerikanisch-Samoa	41	42	70	153
9	Tonga	38	54	73	165
10	Wallis und Futuna	22	35	71	128
11	Cookinsle	19	36	41	96
12	Föderierte Staaten von Mikronesien	13	15	11	39
13	Vanuatu / (Neue Hebriden 1953 Neji Hebride)	12	33	53	98
14	Salomone	10	42	72	124
15	Palau	9	13	9	31
16	Nördlichi Mariane	4	12	12	28
17	Norfolkinsle	3	10	15	28
18	Tokelau Tokelau	3	2	1	6
19	Kiribati	2	9	16	27
20	Marshallinsle	0	3	6	9
21	Niue	0	1	6	7
22	Tuvalu	0	1	1	2
	Gilbert- un Elliceinsle (bis 1978)	0	1	1	2

Weblink

• Homepage vum Uusrichter vu dr der PG, dem Pacific Games Council

Dä Artikel basiert uff ere fräie Übersetzig vu dere Version vum Artikel „Pazifikspiele“ vu de dütsche Wikipedia. E Liste vu de Autore un Versione isch do z finde.