Tahiti

Tahiti
	NASA-Bild von Tahiti NASA-Bild von Tahiti
Gwässer	Pazifische Ozean
Inselgruppe	Gsellschaftsinsle
Geographische Lage	17° 41′ S, 149° 27′ WKoordinate: 17° 41′ S, 149° 27′ W
	Tahiti (Gesellschaftsinseln) Tahiti
	Tahiti (Gesellschaftsinseln) Tahiti
Lengi	61 km
Breiti	29 km
Flechi	1 042 km²
Hechschti Hebi	Mont Orohena; 2.241 m
Iiwohner	186.909 (2012) ; 179 Einw./km²
Hauptort	Papeete
	Charte vo Tahiti und Moorea Charte vo Tahiti und Moorea

Tahiti, elteri Nääme Otaheite, King George Island, Isla de Amat oder Sagittaria, isch en Insle im Südpazifik, wo politisch zu Franzöösisch-Polynesie ghöört. Si het e Flechi vo 1'042 km² und 186'909 Iiwooner (Stand: 2012).^[1] D Hauptstadt und grössti Stadt vo dr Insle isch Papeete. Tahiti lit in dr Zitzone UTC−10.

Geografii

Tahiti ghöört geografisch zu de Gsellschaftsinsle (franzöösisch : Îles de la Société), gnauer zu de Insle über em Wind (franzöösisch : Îles du Vent). Si isch die grössti und bevölkerigsriichsti Insle im Archipel. Tahiti isch e Dobbelinsle us Tahiti Nui (Grooss-Tahiti) und em chliinere Tahiti Iti (Chläi-Tahiti), wo au weniger besiidlet isch. Die bäide Däil si dur e Isthmus vo Taravao verbunde.

Uf dr Insle het s stäili Gipfel, dr höggst von ene isch dr Mont Orohena uf Tahiti Nui und isch 2'241 m hooch. Die höggsti Erhebig uf Tahiti Iti isch dr Mont Ronui mit 1'332 Meter. Fliessgwässer häi diefi Dääler usgrabt, vo um sä umme schroffe Felsgrat stönde. S Innere vo dr Insle isch umbewoont und isch dicht mit dropischer Vegetazion bewaggse und isch nume doo und dört vo umbefestigte Wääg und Fuesswääg erschlosse. D Siidlige befinde sich im schmale Küstesträife, dr Norde und dr Weste vo Tahiti si am dichtiste besiidlet.

Tahiti het nume weenig natüürligi Stränd und die bestöön vor allem us schwarzem, basaltischem Sand und nid wie vili dängge us wissem. Si si hauptsächlich dr Westküste nooch verdäilt. Die pflägte, wisse Stränd vor de Hotel si mäistens künstlig.

Weblingg

Commons: Tahiti – Sammlig vo Multimediadateie
Offizielli dütschi Site vo Tahiti Tourisme
Tahiti (dütsch/franzöösisch)
Patrimoine naturel et culturel de Tahiti (franzöösisch)

Fuessnoote

↑ Institut Statistique de Polynésie Française (ISPF): Recensement de la population 2012

Dä Artikel basiert uff ere fräie Übersetzig vum Artikel „Tahiti“ vu de dütsche Wikipedia. E Liste vu de Autore un Versione isch do z finde.

[ispf-1] Institut Statistique de Polynésie Française (ISPF): Recensement de la population 2012

[1]