Patriotische Europäer gegen die Islamisierung des Abendlandes
Patriotische Europäer gegen die Islamisierung des Abendlandes (PEGIDA) isch e islamfyndlige dytschi Organisation gsii, wu vu Oktober 2014 bis Oktober 2024 z Dresden Demonschtratione gege ne aagebligi Islamisierig vu Dytschland un Europa organisiert ghaa het.
Gschicht
[ändere | Quälltäxt bearbeite]Ab em 19. Dezämber 2014 isch si unter em Chirzel PEGIDA as Verain yydrait gsii. Si hän vor allem en Änderig vu dr europäische Yywanderigs- un Asylbolitik gforderet. Au in andere dytsche Stedt sin syterhär sonigi Demonschtratione veraastaltet wore. Derwylscht si z Dresden mit bis zue 25.000 Dailnämmer (am 12. Jänner 2015) un z Leipzig mit bis zue 15.000 Dailnämmer (am 21. Jänner 2015) ne große Zuelauf gha hän, sin die Demonschtrationen in andere Stedt uf wenig Inträssi gstoße.
Bolitik- un Sozialwisseschaftler ordne d Dailnämmer zum Dail as rächtpopulistisch bis rächtsextrem yy, zum Dail as burgerli-konservativ. Dr Bundesbresidänt Joachim Gauck, d Bundeschanzleri Angela Merkel, großi Glaubesgmainschafte un anderi Organisatione warne vor dr Främdefyndligkait un em Rassismus, wu vu däne Demonschtratione uusgienge. Z Dresden un in andere Stedt het s au Gegedemonschtratione gee, di grescht am 10. Jänner 2015, wu z Dresden rund 35.000 Lyt dailgnuu hän.
Im Otkober 2024 isch d Organisation ufglest wore[1], bi dr letschte Demonschtration am 20. Oktober 2024 sin no rund 500 Lyt derby gsii.[2]
Literatur
[ändere | Quälltäxt bearbeite]- Jan Kluge: Das Anti-Pegida-Buch. Ein Buch gegen Fremdenfeindlichkeit und Intoleranz. Riva, 2015, ISBN 3864138108
- Christoph Dreier: Zehntausende demonstrieren gegen Pegida. In: Peter Schwarz (Hrsg.): gleichheit. Zeitschrift für sozialistische Politik und Kultur 1/2015. Mehring Verlag GmbH
Weblink
[ändere | Quälltäxt bearbeite]- Focus Online: Was will Pegida wirklich? (19. Dezember 2014)
- Spiegel online: Pegida-Faktencheck (12. Dezember 2014)
- Die Zeit: Die wichtigsten Thesen von Pegida (9. Dezember 2014)
- Präsentation zu Pegida und anderen Anti-Asyl-Protesten im Herbert-Wehner-Bildungswerk in Dresden (9. Dezember 2014)
- Panorama (ARD-Mediathek): Kontaktversuch: „Lügenpresse“ trifft Pegida, Teil I; Teil 2 (15. Dezember 2014)
- Diskussion "Soziologische Deutungen" in der Motorenhalle in Dresden (18. Dezember 2014)
- Versuch eines Dialogs von Pegida-Demonstranten und Gegnern in der Sächsischen Landeszentrale für Politische Bildung in Dresden (6. Januar 2015)
Fueßnote
[ändere | Quälltäxt bearbeite]- ↑ Ende von Pegida verkündet – Gründer hat neue Pläne. In: t-online.de. 13. Oktober 2024, abgruefen am 13. Oktober 2024.
- ↑ Das Ende einer Protestbewegung - Pegida hört auf. (Video, 12:40 min) Am 20.Oktober fand die letzte Pegida-Demo in Dresden statt. Was bleibt von zehn Jahren Pegida? In: Exakt. mdr.de, 23. Oktober 2024, abgruefen am 3. Januar 2025.