Pascal Zuberbühler

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Pascal Zuberbühler
Zubi061115.jpg
Spiilerinformatione
Name Pascal Zuberbühler
Geburtstag 8. Januar 1971
Uf d Wält cho z FrauefäldSchwiz
Grössi 197 cm
Position Goali
Verein in der Jugend
1983-1991 FC Frauenfeld
Verein als Aktive1
Johr Verein Spiil (Gool)
1991-1999
1999-2006
2000-2001
2001
2006-2007
2007-2008
2008-2011
Grasshopper-Club Zürich
FC Basel
Bayer Leverkusen (usgliehe)
FC Aarau (usgliehe)
West Bromwich Albion
Neuchâtel Xamax
FC Fulham
187 (0)
178 (0)
13 (0)
2 (0)
15 (0)
51 (0)
0 (0)
Nationalmannschaft
1994-2008 Schwiiz 51 (0)

1 Aage si nume Liga-Spiil.
 Stand: 13.4.2013

Dr Pascal Zuberbühler (* 8. Jänner 1971 z Frauefäld, Schwiiz), gnennt Zubi, isch en ehemolige Schwiizer Fuessball-Goali.


Karriere[ändere | Quälltäxt bearbeite]

Vereinskarriere[ändere | Quälltäxt bearbeite]

Bis 1991 het dr Pascal Zuberbühler bim FC Frauefäld gschuttet. Vom FC Frauefäld isch er denn zu de Grasshoppers Züri gwächslet. In de 8 Joor wo dr Zubi bi GC gse isch het er insgsamt 187 Pflichtspiil absolviert und isch dreimol Schwiizr Meister und eimol Pokalsieger worde. 1999 isch dr Zubi zum FC Basel gange. Dört het er vili Erfolg in dr Meischterschaft, em Pokal und dr Champions League könne fiire. In de Joohr 2000 und 2001 isch er zu Bayer Leverkusen und schpöter zum FC Aarau usglehnt woorde. Während de 7 Joohr in Basel het dr Pascal Zuberbühler zwar vili Erfolg könne fiire, är isch jedoch ziitewiis au wäge Fehler heftiiger Kritik usgsetzt gsi. 2006 isch dr Zubi den nach Ängland gange, zu West Bromwich Albion. Dört isch är unter em Trainer Bryan Robson Stammgoli gse und het gueti Laischtiige zeigt. Dä isch denn jedoch entloo worde und dr Tony Mowbray isch Trainer worde. Dä het dr Zubi in die 2.Mannschaft versetzt, was zu grosse Fanprotescht gfiert het. Nachdäm si "Nochfolger" dr Russell Hoult suschpendiert worde isch het dr Mowbray dr Pascal Zuberbühler wiider in die 1. Mannschaft gholt. Nach dr Verpflichtiig vom Dean Kiely het är jedoch kai Spiil me bestritte. Dodurch het dr Zubi sini Chance uf e Stammplatz im Nati-Trikot an dr Euro 2008 gfährdet gse und isch im Summer 2007 zu Neuchâtel Xamax gwächselt. Scho nach 1 Joohr isch dr Zubi wiider zrugg nach Ängland gange, als Ersatzgoli hinter em Mark Schwarzer bim FC Fulham. Dört het är in zwai Saisons, abgseh vo eim Iisatz im Ligacup kai Pflichtsspiil mehr bestritte. Noch dr Säsong 2010/11 het er sini aktivi Karriere beändet und isch Trääner worde.

Nati[ändere | Quälltäxt bearbeite]

Sis Comeback in dr Nati het dr Zubi scho am 6. Septämber 1994 gege die Vereinigte Arabische Emirat beschtritte. In de folgende Joohr isch är allerdings eher sälte zum Iisatz ko. Vo 2004-2007 isch är Stammgoli bi dr Nati gsi, s'Highlight in däre Ziit isch ganz klaar d'Wältmeischterschaft 2006 gsi wo dr Zubi in allne Gruppespiil kai Goal ineglo het. Im Achtlfinal gege d Ukraine het är, nachdäms 0:0 gse isch in der reguläre Spiilziit sogar no dr erschti Penalty ghebt. Trotzdäm isch d'Schwiiz usgschiide. An dr Haimeuro 2008 isch dr Pascal Zuberbühler hinter em Diego Benaglio nume no d'Nummere 2 gsi. Im letschte Gruppespiil gege Portugal het ihn dr Trainer Köbi Kuhn nomol schpiile loo, wills um nüt mehr gange isch. In sim letschte Länderspiil het dr Zubi bim 2:0 nomol kai Goal ineloo.

Erfolg[ändere | Quälltäxt bearbeite]

  • 6mol Schwiizer Maischter (Je 3mol mit Grasshopper Club Züri und em FC Baasel)
  • 3mol Schwiizer Pokalsiiger (1mol Grasshopper Club Züri, 2mol FC Baasel)
  • Europa-League Finalischt 2010 mit Fulham
  • WM-Täilnähmer 2006
  • EM-Täilnähmer 2008

Privat[ändere | Quälltäxt bearbeite]

Dr Zubi isch mit dr Schpanierin Beatriz verhüürotet.

Weblinks[ändere | Quälltäxt bearbeite]

Sini offizielli Homepage (Site cha nüme abgrüeft wärde; Suche im Webarchiv)[1] [2] Vorlage:Toter Link/www.zubi1.ch