Otto I. vu Hachberg

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Dr Otto I. vu Hachberg († 9. Juli 1386 bi Sempach) isch vu 1369 bis 1386 Markgrof vu Bade-Hachberg gsi.

Läbe[ändere | Quälltäxt bearbeite]

Dr Otto I. isch e Suhn vum Markgrof Heinrich IV. vu Bade-Hachberg un dr Anna vu Üsenberg gsi.

D Markgrofe vu Hachberg hän sich mit em Chauf vu dr Kirnburg anne 1352 zimli iberschuldet. Dr Johann Malterer, e burgerlige Fryybeger Patrizier un Rotsherr mit eme große Vermege, het derno d Pfandsumme vu insgsamt 2020 Gulde ibernuu, wu d Hochburg, d Stammburg vu dr Hachberger, mittlerwyyli dermit belaschtet gsi isch. Doderfir isch d Hochburg in syy Bsitz ibergange. Är het si aber glyy syyre Dochter Elisabeth († 26. Juli 1384) as Mitgift in d Eh mitgee, wu am 11. Juli 1356 dr Otto I. vu Hachberg ghyrote het.

Am 9. Juli 1386 isch dr Otto I. in dr Schlacht bi Sempach gfalle, wun er uf dr Syte vu dr Habsburger kämpft het. Är isch im Chloschter Dännebach begrabe.

Noch syym Dod isch d Herrschaft Hachberg anne 1389 zwische syyne beede Brieder Johann un Hesso deilt wore.

Literatur[ändere | Quälltäxt bearbeite]

  • Carl Frantz Haberer: Eydgnössisch-schweytzerischer Regiments Ehren-Spiegel. 1706
  • Theodor von Liebenau: Die Schlacht bei Sempach. Verlag von C.F. Prell, 1886
  • Theodor von Liebenau: Die Geschichte des Klosters Königsfelden. Luzern, 1868
  • Detlev Schwennicke, Europaische Stammtafeln, Neue Folge, Band 1.2, Tafel 273. 1999. ISBN 978-3-465-03020-1

Weblink[ändere | Quälltäxt bearbeite]