Oberhof (Murg)
Oberhof (Murg) Gmeind Murg (Hochrhy)
| |
|---|---|
 | |
| Dialekt: | Alemannisch |
| Hauptvariante: | Hochalemannisch |
| Flechi: | 4,96 km² |
| Iiwohner: | 767 |
| Bevölkerigsdichti: | 155 Iiwohner/km² |
| Iigmeindig: | 1. Januar 1973 |
| Regierigsbezirk: | Fryburg |
| Landchreis: | Waldshüet |
| Poschtleitzahl: | 79730 |
| Vorwahl: | 07763 |
| Nummereschild: | WT |
| Dialäkt: Markgräflerisch (Lörrach) |
Oberhof (Hochdütsch: Oberhof) isch e Ortsdeil vo Murg am Hochrhy im Landchreis Waldshüet. Es litt im mittlere Deil vo de Gmeind zwüsche Hänner im Norde und em witer südlig glägene Nyderhof. Zum Ort ghöre usser em Dorf no de Zinke Im Sod (nordwestlig vom eigentlige Ort) und d'Hüser Im Spittelhau. Oberhof isch no verglychswis stark vo de Landwirtschaft beyflusst.
Es isch zwüschem 7. und em 9. Johrhundert entstande. Ursprung isch e Hof vom Stift Säckige gsi, wo sich s Dorf drum umme bildet hät. E erschti urkundligi Erwähnig findet sich im Johr 1281 als ze Obernhof. Um s Johr 1300 umme wird usserdem Timoshof erwähnt, e abgangeni Sydlig im Weste vo de Gmeind. Es hät bis 1695 zu de Pfarrei Murg ghört, bevor's infolg vo de Umstrukturierig vo de Chirche in de Region zum Chirchspyl Hänner cho isch. D'Region hät scho lang zu de Grafschaft Hauestei ghört, d'Grichtbarkeit hät Östrych aber erscht im Johr 1782 vom Stift Säckige überdrage griegt. 1806 isch Oberhof badisch worre und hät zerscht zum Amtsbezirk Chleilaufeburg, ab 1819 zu Säckige ghört. Bis zu siner Ygmeindig am 1. Januar 1973 isch's e selbständigi Gmeind gsi.
Durch Oberhof verlauft d'L151, wo uff Hänner bzw. Nyderhof fiehrt. Vo ihre goht au e Stroß in Richtig Binzge (Laufeburg) ab, e witeri Verbindig git's zu Rippolinge, Ortsdeil vo Bad Säckige.
1999 isch Oberhof Chreissyger vom Wättbewerb „Unser Dorf soll schöner werden“ gsi.
Quelle
[ändere | Quälltäxt bearbeite]
