Nora Szech
D Nora Szech (* 18. Merz 1980 z Bremen; † 16. Augschte 2023[1]) isch e dytschi Verhaltesekonomi un vylfach uuszaichneti Wirtschaftswisseschaftleri gsii.
Lääbe un Wiirke
[ändere | Quälltäxt bearbeite]D Szech het Mathematik un Volkswirtschaftslehr an dr Uniwersitet Bonn studiert un het dert vu 2010 bis 2012 as Akademischi Reti am Lehrstuel vum Benny Moldovanu gschafft. Si het dert as Doktorandi vu dr Bonn Graduate School of Economics (BGSE) promowiert un isch fir di bescht Dissertation iber alli Diszipline an dr Uniwersitet Bonn uuszaichnet wore. 2012/13 isch si Brofässeri fir Induschtryekonomik an dr Uniwersitet Bamberg gsii. Ab 2013 het si as Brofässeri fir Bolitischi Ekonomy am KIT glehrt un gforscht.[2][3]
D Nora Szech isch zmols am 16. Augschte 2023 im Alter vu 43 Johr gstorbe.[2][4]
Forschig
[ändere | Quälltäxt bearbeite]D Szech het zum Märt- un Wettbewärbsdesign gforscht mit eme Schwärpunkt uf Informationsdesign, Chinschtligi Intelligänz un Moral. Si het doderzue theoretischi un au empirischi Methode brucht. D Aawändige vu ire Forschigsarbete gehn vum Auktionsdesign iber Arbetsmärtbolitik un Diwersitet am Arbetsblatz bis zue Ethischem Konsum un Gsundhait. Iri Arbete sin in fierende interdisziplinere un in fierende Fachschurnal (wie Science, Management Science, The Review of Economic Studies, Journal of Economic Theory) publiziert wore. Verschideni internationali un nationali Zytige hän iber iri Forschig gschribe (wie z. B. s Wallstreet Journal, d Huffington Post, Forbes, di Siddytsch Zytig, d Frankfurter Allgmaini Zytig un d Zeit).[5]
Brys un Uuszaichnige
[ändere | Quälltäxt bearbeite]- 2011: Reinhard-Selten-Brysdregeri vum Verein für Socialpolitik
- 2018: „40 unter 40“ fir d Beraich in Gsellschaft un Wisseschaft
Schrifte
[ändere | Quälltäxt bearbeite]- Becoming a Bad Doctor. In: Journal of Economic Behavior & Organization. Band 80, 2011, S. 244–257, doi:10.1016/j.jebo.2011.03.010.
- Optimal Disclosure of Costly Information Packages in Auctions. In: [ournal of Mathematical Economics. Band 47, Nr. 4–5, 2011, S. 462–469, doi:10.1016/j.jmateco.2011.06.004.
- mit em Armin Fall: Morals and Markets. In: Science]. Band 340, Nr. 6133, 10. Mai 2013, S. 707–711, doi:10.1126/science.1231566.
- Tie-Breaks and Bid-Caps in All-Pay Auctions. In: Games and Economic Behavior. Band 92, 2015, S. 138–149, doi:10.1016/j.geb.2015.05.008.
- mit dr Marta Serra Garcia: Incentives and Defaults Can Increase COVID-19 Vaccine Intentions and Test Demand. In: Management Science. Band 69, Nr. 2, Februar 2023, S. 1037–1049, iii-iv, doi:10.1287/mnsc.2022.4405.
- mit em Thomas Mariotti, em Nikolaus Schweizer un em Jonas von Wangenheim: Information Nudges and Self Control. In: Management Science. Band 69, Nr. 4, April 2023, S. 2182–2197, doi:10.1287/mnsc.2022.4428.
Websyte
[ändere | Quälltäxt bearbeite]- Literatur vu un iber Nora Szech im Katalog vu dr Dütsche Nazionalbibliothek
- Forschigssyte vum KIT
- Persenligi Websyte
Fueßnote
[ändere | Quälltäxt bearbeite]- ↑ Druuraazaig in dr SZ
- ↑ 2,0 2,1 Julius Sandmann: Mitreißend und inspirierend: Bekannte KIT-Ökonomin Nora Szech stirbt mit 43 Jahren. In: bnn.de. 27. August 2023, abgruefen am 28. August 2023.
- ↑ Prof. Dr. Nora Szech. Wissenschaftszentrum Berlin für Sozialforschung, abgruefen am 28. August 2023.
- ↑ Johannes Pennekamp: Ökonomin Nora Szech verstorben. In: faz.net. 27. August 2023, abgruefen am 28. August 2023.
- ↑ Sibille Hackel: KIT – In den Medien – Pressereaktionen. In: econ.kit.edu. 19. Juni 2023, abgruefen am 28. August 2023.
|
Dä Artikel basiert uff ere fräie Übersetzig vu dere Version vum Artikel „Nora_Szech“ vu de dütsche Wikipedia. E Liste vu de Autore un Versione isch do z finde. |