Natuurdrumbeete

Us der alemannische Wikipedia, der freie Dialäkt-Enzyklopedy
Naturtrompete
ängl.: natural trumpet, ital.: tromba naturale
Natuurdrumbeete us em Barock
Klassifikation Äärofoon
Bläächbloosinstrumänt
Donumfang
D Natuurdoonräije vom 3. bis zum 16. Ooberdoon von ere Natuurdrumbeete mit em Grunddoon C. Die niidrigere Ooberdöön si äigentlig nie brucht worde und hööcheri as dr 16. nume sälte.
Doonbischbil
Wien e Vuvuzela döönt
Verwandti Instrumänt Drumbeete, Clairon, Bosthorn, Vuvuzela

Natuurdrumbeete säit män ere Drumbeete, wo käini Ventil, Klappe oder Intonazionsusgliichlöcher het. Mä cha druf doorum nume d Döön vo dr Natuurdoonräije spiile.

Gschicht[ändere | Quälltäxt bearbeite]

E Hufe antiki Völker wie d Egüpter, d Grieche, d Etrusker, d Römer, d Kelte und d Germane häi d Naturdrumbeete kennt. Au in Asie isch s Instrumänt verwändet worde, u. a. z Indie, China und Tibet. In dr Antike isch d Natuurdrumbeete vor allem bi liturgische und milidäärische Aaläss iigsetzt worde.

D Döön[ändere | Quälltäxt bearbeite]

In dr Natuurdoonräije stönde d Döön im mathematische Verheltnis vo 1 : 2 : 3 : 4 : 5 … zunenander. Mä bechunnt eso d Doonräije C, c, g, c1, e1, g1, b1 (tief), c2, d2, e2, f2 oder fis2 (11. Natuurdoon, zwüsche f2 und fis2), g2, a2 (dief), b2 (dief), h2, c3 usw. Die Natuurdöön wärde im Körper bildet und mithilf vo Lippevibrazione ufs Instrumänt überdräit.

Dr Gebruuch[ändere | Quälltäxt bearbeite]

Gege s Ändi vom 18. Joorhundert het sich d Technik vom Drumbeetespiile veränderet. Mä het Stöpfel und Klappesüsteem usbrobiert, bis mä schliesslig um 1815 zum Ventil cho isch.

Hützudags wärde Natuurdrumbeete wider iigsetzt zum Muusig us em Barock spiile, vor allem im Zämmehang mit dr historische Uffüerigspraxis. An dr Schola Cantorum Basiliensis z Baasel git dr Jean Francois Madeuf sit 2001 Underricht im Spiile vom Clarin.

Natuurdrumbeete[ändere | Quälltäxt bearbeite]

Vo de Spiiltechnik här, ghört au s Alphorn und de Büchel zu däre Gattig.

Kwelle[ändere | Quälltäxt bearbeite]

  • Cesare Bendinelli: Tutta l’arte della Trombetta, 1614
  • Girolamo Fantini: Modo per imperare a sonare la Tromba, 1638
  • Johann Ernst Altenburg: Versuch einer Anleitung zur heroisch musikalischen Trompeter- und Pauker-Kunst, Halle 1795
  • Edward H. Tarr: Die Trompete, Hallwag, Bern 1977
  • Friedel Keim: Das Trompeter-Taschenbuch, Schott Musik International, Mainz 1999
Dä Artikel basiert uff ere fräie Übersetzig vum Artikel „Naturtrompete“ vu de dütsche Wikipedia. E Liste vu de Autore un Versione isch do z finde.