Museum Burghalde

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Alti Burghalde

S Museum Burghalde isch es Museum i dr Stadt Länzbrg im Aargau.

Under em Schloss Länzbrg stoot s schööne alte Huus, wo dr Name «Burghalde» het. Do drin isch ane 1985 s neue Stadtmuseum ygrichtet worde, wo s alte Museum abglöst het. Das isch vo 1937 bis 1971 im Alte Landgricht gsi.

S Museum het Uusstellige über d Gschicht und psunders über d Wirtschaft vo Länzbrg. Ane 2010 isch s Archyv vo dr Hero is Museum cho. Sid 2009 isch d Burghalde au zueständig für d Kunstsammlig vo dr Stadt.

Bedütendi Abtäilige sind d Uusstellig über d Urgschicht vom Seedaal und en Sammlig vo oschteuropäische Ikoone, wo dr Urs Peter Haemmerli em Museum gschänkt het.

S Museum wird vo 2017 bis 2018 nach emene neue Konzäpt umbout.

Im Joor 2018 macht d Burghalde zsäme mid dr Ortsbürgergmeind Länzbrg und dr Gmeind Otmisinge es Verastaltigsprogramm zur Erinnerig a d Mundartdichtere Sophie Haemmerli-Marti.

D Sammlig vom Museum ghört dr Stiftig Museum Burghalde.

Literatur[ändere | Quälltäxt bearbeite]

  • Alfred Huber: Das Museum Burghalde in Lenzburg Aargau. In: Vorzeit. Zeitschrift für Vor- und Frühgeschichte, Volksforschung und Heimatkunde, 1988.
  • Heiner Halder: Eine Zukunft für unsere Vergangenheit – 25 Jahre Museum Burghalde Lenzburg. In: Lenzburger Neujahrsblätter, 2011, S. 105–116.

Weblink[ändere | Quälltäxt bearbeite]

 Commons: Burghalde – Sammlig vo Multimediadateie

47.3856558.183074Koordinaten: 47° 23′ 8″ N, 8° 10′ 59″ O; CH1903: 656212 / 248580