Dr Mord vo Grifesee

Us der alemannische Wikipedia, der freie Dialäkt-Enzyklopedy
Belagerung und Zerstörung von Greifensee
Deil vo: Alti Züürichrieg

Belagerig - Hiirichdig - Gedänkkapälle. Us dr «Zürcher Chronik» 1485/86 vom Gerold Edlibach
Datum 1. Mai 1444–28. Mai 1444
Ort Grifesee
Usgang Siig vo de Waldstett
Folge Zerstörig vo Grifesee
Konfliktparteie
Züüri
Habsburg
Alti Äidgenosseschaft:

Bärn
Luzärn
Uri
Schwyz
Underwalde
Glarus
Zug

Befählshaber
Wildhans vo Bräitilandebärg Ital Reding dr Elteri
Truppesterki
öbbe 70
Verlust
ca. 62–68

As Mord vo Griiffesee – au as «Bluetnacht» oder «Bluetdaat vo Griiffesee» bekannt – isch dr Massemord vo Innerschwizer Gwalthufe an dr Besatzig vo dr Zürcher Festig Griiffesee während em Alte Züürichrieg in d Gschicht iigange.

Am 27. Mai 1444, noch ere Belaagerig vo 4 Wuche, häi no 62 Verdäidiger gläbt. Die mäiste von ene si Buure gsi und dr Wildhans vo Bräitilandebärg het s kommandiert. Noch iirer Kapitulation isch die ganzi Besatzig usser zwäi, äi Zitzüüge säit zää, Maa am 28. Mai 1444 ooni Erbarme vo de siigriiche Innerschwizer uf dr «Bluetmatte» z Nänike mit em Schwärt köpft worde. Vermuetlig isch das dr grösst Däil vo dr Bevölkerig vom Amt Griiffesee im «Mannesalter» gsi und deren ihri Familie si em ene ungwüsse Schicksal überloo worde.

Dr Schwyzer Chronist und Augezüüuge Hans Fründ het drüüber gschriibe, ass es s Erbärmliggste gsi sig, wo mä je gsee haig, und ass die Hiigrichdete zum ene guete Däil nuume armi Buure gsi sige, wo am Chrieg käi Schuld gha häige.

Litratur[ändere | Quälltäxt bearbeite]

  • Staatsarchivs Freiburg/Fribourg (Hrsg.): Die Grosse Freiburger Chronik des Franz Rudella (1567/1568). Edition nach dem Exemplar des Staatsarchivs Freiburg/Fribourg, 2005
  • Thomas Böning et al.: Gottfried Keller, Sämtliche Werke. Neue kritische Edition, umfassend kommentiert, 7 Bände (=BDK 41-48), Bdand 5: Züricher Novellen. Frankfurt a. M. 1989
  • Alfred Cattani: Zürich 600 Jahre im Bunde der Eidgenossen, 1951
  • Ernest Gagliardi: Histoire de la Suisse, 1925
  • Pfr. Heinrich Bühler: Die Geschichte der Gemeinde Nänikon, 1922
  • Karl Dändliker: Schweizergeschichte, 1885
  • Eusèbe Henri A. Gaullieur und Charles Schaub, übersetzt von Gotthilf Adam Heinrich Graefe: Die Schweiz, ihre Geschichte, Geographie und Statistik, 1856
  • Johann Heinrich Daniel Zschokke: Der Freihof von Aarau, historischer Roman, 1823
  • E. Lötscher: Der Tod von Greifensee, Historische Erzählung, Zürich 1941
  • Werner Schodoler: Eidgenössische Chronik 1510-1535
  • Gerold Edlibach: Zürcher Chronik 1485/1486 (Druck 1847)
  • Bendicht Tschachtlan und Heinrich Dittlinger: Tschachtlanchronik, 1470
  • Hans Fründ: Chronik des Alten Zürichkriegs (Druck 1875)

Weblingg[ändere | Quälltäxt bearbeite]