Griiffesee ZH

S ZH im Lemma isch s offiziell Chürzel vom Kanton Züri und wird bruucht, zum Verwächslige mit Yträäg vom Name Greifensee vermyde, wo öppis anders meined.

Greifensee
Wappe vo Greifensee
Basisdate
Staat:	Schwiiz
Kanton:	Züri (ZH)
Bezirk:	Uschterw
BFS-Nr.:	0194i1f3f4
Poschtleitzahl:	8606
Koordinate:	693682 / 24691247.3663878.678887439
Höchi:	439 m ü. M.
Flächi:	2,30 km²
Iiwohner:	5329 (31. Dezämber 2022)
Website:	www.greifensee.ch
Zentrum vo Grifesee Zentrum vo Grifesee
Charte
Charte vo Greifensee w

Griiffesee (amtlich Greifensee) isch e politischi Gmeind im Bezirk Uschter vom Kanton Züri i de Schwiiz.

Wappe

In Gold stiigende rote Vogel Griif

S Schloss vom Seeufer us gsee.

Geografii

Griiffesee liit im Züri Oberland. Als einzige Ort am Griiffesee liit das alt Stedtli diräkt am Uufer. A d Gmeind gränzed d Ort Uschter, Nänike, Voletschwyl, Schwèrzebach und über em See sind Fälande und Muur.

Gschicht

Us früechrischtliche Zyt sind zahlrichi Spure vo Pfahlbouer gfunde worde.

Griiffesee isch zum eerschte Mal gnamset worde im Jaar 1260 als Grifense. Der Ort isch rund um s Schloss Griiffesee entstande, wo im 12. Jahrhundert vom Graf vo Rapperschwil poue worde isch.

1402 isch d Herrschaft a d Stadt Züri verpfändt worde und isch sithèr dène ihri Landvogtei. Berüemt isch vor allem de Salomon Landolt, wo vo 1781 bis 1786 da ghèrrscht het. S Schloss Griiffesee isch im alte Zürichrieg 1444 zerstört worde. Vo de 64 Verteidiger wèrded 62 uf de Bluetmatt z Nänike vo den Eidgenosse gchöpft (Mord vo Griifesee). Im 16. Jahrhundert wird s Schloss wider uufpoue. Vo 1781 bis 1787 isch de Salemaa Landolt Landvogt vo Griiffesee gsii.

1831 isch de Bezirk Uschter gschaffe worde und Griiffesee hät dadedur sini politisch Bedüütig als Verwaltigszäntrum verloore.

S chlii Zürcher Landstedtli hät na hüt en hübsche, historische Ortschern.

Bevölkerig

Bevölkerigsentwicklig

Johr	1634	1799	1836	1900	1950	1960	1970	1980	1990
Iiwohner	133	278	406	289	279	421	2674	5440	5300
Johr	1995	2000	2001	2002	2003	2004	2005	2010	2013
Iiwohner	5038	5202	5256	5219	5210	5198	5111	5094	5308

De Uusländeraatäil liit bi 17 % (Stand 2011).

Religion

38,6 % vo de Iiwooner sind evangelisch-reformiert, 28,1 % sind römisch-katholisch (Stand 2011).

Politik

Bi de Kantonsraatswaale 2011 hät s das Ergebnis ggää: BDP 5,7 %, CVP 7,0 %, EDU 3,4 %, EVP 2,1 %, FDP 15,5 %. GLP 13,4 %, GP 10,9 %, SP 19,5 %, SVP 21,1 %, Suschtigi 1,4 %.

Gmäindspresidänt isch de Beat Brand (Stand 2012).

Wirtschaft

D Arbetslosigkäit isch im Jaar 2010 bi 3,2 % gläge.

Tieläkt

De züritüütsch Tieläkt vo Griiffesee ghört zue de Oberländer Mundarte.

Literatur

• Beat Frei: Greifensee. Gemeinde Greifensee, Greifensee 2006, ISBN 3-033-00675-2.
• Hans Martin Gubler: Die Kunstdenkmäler des Kanton Zürich Band 3: Die Bezirke Pfäffikon und Uster. (Kunstdenkmäler der Schweiz, Band 66). Hrsg. Gesellschaft für Schweizerische Kunstgeschichte GSK. Bern 1978, ISBN 3-7643-0991-1, S. 465–509.
• Monographien der Kantonsarchäologie Zürich 38: Das spätbronzezeitliche Dorf von Greifensee-Böschen. 2007. ISBN 978-3-905681-27-7.
• Annegret Diethelm, Attilio d'Andrea: Greifensee ZH. (Schweizerische Kunstführer, Nr. 486). Hrsg. Gesellschaft für Schweizerische Kunstgeschichte GSK. Bern 1991, ISBN 978-3-85782-486-9.

Weblink

 Commons: Griifesee – Sammlig vo Multimediadateie

• Offizielli Website vo de Gmaind Griifesee
• Statistischi Date vom Kanton zu de Gmaind Griifesee (Site cha nüme abgrüeft wärde; Suche im Webarchiv) Vorlage:Toter Link/data.statistik.zh.ch
• Diethelm Zimmermann: Griifesee (Gmaind).. In: Historisches Lexikon vo dr Schwiiz.
• Gmaind Griifesee im GIS vom Kanton Züri
• Schifffahrtsgnosseschaft Griifesee
• Schloss Griifesee