Mona Vetsch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

Monika «Mona» Vetsch (* 23. Juni 1975 z Frauefeld) isch e Schwyzer Färnseh- un Radiomoderatori.

Lääbe[ändere | Quälltäxt bearbeite]

D Mona Vetsch isch im Dorf Hattehuuse im Kanton Thurgau as Buuredochter ufgwachse. No me abbrochene Wirtschaftsstudium an dr Universitet St. Galle het si aagfange schaffen as Schurnalischti bi dr Thurgauer Zytig un bi Radio Thurgau. Anne 1997 isch si zue dr Redaktion un Moderation vu dr SF 1-Jugendsändig Oops! gwächslet.

Anne 2005 het si näb ere 60-prozäntige Aastellig bi Radio DRS 3 an dr Universitet Züri Bolitikwisseschaft un Soziology studiert. Syt däre Zyt isch si au Kolumnischti fir divärsi Schwyzer Zytige un Zytschrifte wie Aargauer Zytig, Bärner Zytig, Facts, Weltwoche un WOZ gsii.

Si redigiert un moderiert d Rundfunksändige Der Morgen (friejer Vitamin 3) un Focus uf Radio SRF 3. Fir s Schwyzer Färnseh moderiert si d Sändige vu dr Redaktion SF Spezial, vor allem d Summer-Raisesändig SF Spezial Fernweh un d SF Spezial Langzeitreportagen (unter anderem Lauberhorn 2005 oder EURO 2008). Syt em Jänner 2012 moderiert si d Diskussionssändig Der Club (näbe dr Karin Frei) uf SRF 1.[1]

Friejeri Sändige vu dr Mona Vetsch im Schwyzer Färnseh sin unter anderem d Unterhaltigsshow PISA – Kampf der Kantone (näb em Ueli Schmezer), d Raisesändig einfachluxuriös un s Magazin Quer (as Stellverdrätteri fir dr Patrick Rohr) gsii.

Im Merz 2006 het e «frächi» Reportasch[2] vu dr Mona Vetsch iber Kassel un Saarbrücken zuen ere Intervention vum Kasseler Oberburgermaischter, zue Absage vu buechte Raise in d Schwyz un hunderte vu zum Dail hässige Läserbrief gfüert.[3]

Si het im 2007 dr schwyzerdytsche Sinkronisation vum änglisch-dytsche Spiilfilm Earth – Unsere Erde ihri Stimm gee.[4]

Am 21. Merz 2009 het d Vetsch ihre Frynd Stephan Lütolf in ere Chilche z Lipperswil ghyrote, in dr Nechi vu ihrem Haimetort. Am 19. Juni 2009 isch ihre erscht Suhn un am 16. Juli 2011 ihre zweet Suhn uf d Wält chuu.

Im 2018 und 2019 isch si jewils in ere vierteilige Serii im Schwizer Färneh mit em Titel «Mona mittendrin» zgseh gsii, wo si uf nünnt vorbereitet, aber uf alles gfasst, amel för es paar Täg an en Öberaschigs-Ort ane gschickt woren isch.[5]

Uuszaichnige[ändere | Quälltäxt bearbeite]

  • 2006: Radio- un Färnsehbryys vu dr Oschtschwyz vu dr SRG Oschtschwyz[6]
  • 2012: Oschtschwyzer Mediebryys fir ihri «Club»-Moderatione[7]
  • 2013: Thurgaueri vum Johr[8]

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. «Man darf sich ruhig ins Wort fallen». Interview in: Berner Zeitung vum 17. Jänner 2012
  2. Mona Vetsch: Skurriles aus Kassel und Saarbrücken. In: Tagesanzeiger, 7. Merz 2006
  3. My home is my Kassel, NZZ am Sonntag vum 9. April 2006
  4. Mona Vetsch erobert auch die Kinos, Agentur-Mäldig vum 25. Oktober 2007
  5. Mona mittendrin – Sendungsporträt uf srf.ch
  6. Radio- und TV-Preis der Ostschweiz gewonnen Artikel uf persoenlich.com vom 28. April 2006
  7. Ostschweizer Medienpreis. Sechs Arbeiten geehrt Artikel uf persoenlich.com vom 6. Juni 2012
  8. Mona Vetsch ist Thurgauerin des Jahres. In: Thurgauer Zeitung vum 28. Novämber 2013
Information icon.svg Dä Artikel basiert uff ere fräie Übersetzig vu dere Version vum Artikel „Mona_Vetsch“ vu de dütsche Wikipedia. E Liste vu de Autore un Versione isch do z finde.