Minstrels

	Allgmeini Informatione
Genre	Folk, Popmusik
Gründig	1967
Uuflöösig	1974
Letschti Bsetzig
Klavier, Banjo	Dani Fehr (1945–2021)
Geige	Mario Feurer (1942–2024)
Gitarre, Gesang	Pepe Solbach

D Minstrels sin e Schwyzer Musikgruppe gsii. Zue dr Band gheert hän dr Daniel «Dani» Fehr (Klavier, Banjo), dr Mario Feurer (Gyyge) un dr Pepe Solbach (Gitarre, Stimm).

Bandgschiicht

Anne 1967 isch d Band z Züri grindet woore. Zeerscht sin si as Wandermusikante in Minnesängerkoschtiim dur d Gaschhyyser vu Züri zooge, mit eme Repertoire us Folk, Blues un Schwyzer Volksmusik. Dur e Fäärnseeufdritt im Rame vu dr OLMA z St. Galle im Oktoober 1969 het me si uf ai Schlaag in dr ganze Schwyz gchännt. Ire Lied Grüezi wohl, Frau Stirnimaa! isch e baar Dääg speeter in d Schwyzer Hitparaad uf Blatz 2 gchlääderet un het si deert sibzee Wuche lang ooni Unterburch in de Top 10 ghalte, zee Wuche dervu uf Blatz 1.^[1] Au z Dytschland (Blatz 3) un e Eeschtryych (Blatz 5) uisch s Lied in d Hitparaade chuu un isch in 27 Länder 1,5 Millioone Mool verchauft woore.

Ändi 1970 hän d Musiker e 16-Zimmer-Huus im Tobel z Troge gchauft un sin deert yyzooge. Im Chäller hän si ne Stuudio yyböue looe, wu si fir Ufnaame bruucht hän.^[2] 1971 hän d Minstrels ire Debütalbum Chrüsimüsi uusebrocht. D Band hetz e Hufe Kunzärt gee un isch in Fäärnsee- un Kinofilm ufdrätte. Aini vu dääne Gaschtrolle isch e Ufdriott in eme Wiirtshuus im Film Was ist denn bloß mit Willi los? gsii. Im Film ist b Vermieteri vum Willi (Heinz Erhardt) d Frau Stirnimaa gsii, wu d Ministrels vun ere gsunge hän, daargstellt het die Roll d Helen Vita.

An dr kummerziäll Erfolg vu irem eerschte Hit hän d Minstrels nimi chenne aachnipfe. 1970 isch d Single Hopp de Bäse! uf dr 2. Blatz in de Schwyzer Chart chuu un het si deert vier Wuche in de Top 10 ghalte.^[3] Anne 1974 het si d Gruppe uflgeest. Speeter isch Grüezi wohl, Frau Stirnimaa vor allem uf Party-Sampler uusechuu.

Diskografy

Chartplatzierige

Single^[4]

Grüezi Wohl, Frau Stirnimaa!
	DE	3	15.01.1970	(8 Wu.)	{{{5}}}
	AT	5	15.04.1970	(8 Wu.)	{{{5}}}
	CH	1	21.10.1969	(17 Wu.)	{{{5}}}
Hopp de Bäse!
	CH	2	10.02.1970	(4 Wu.)	{{{5}}}

Albe

1971: Chrüsimüsi
1976: Grüezi wohl, Frau Stirnimaa

Single

1969: Grüezi wohl, Frau Stirnimaa!
1970: Hopp de Bäse!
1970: Dodo

Filmografy

1970: Was ist denn bloß mit Willi los?

Weblink

Die Minstrels im museum für lebensgeschichten, Spiicher AR
Die Minstrels uf lastfm.de
Die Minstrels uf mikiwiki.org

Fuessnote

↑ Die Minstrels – Grüezi wohl, Frau Stirnimaa! Abgruefen am 25. April 2022.
↑ Christoph Merian: Die Minstrels Grüezi wohl Frau Stirnima, von Trogen bis nach Afrika. In: Museum für Lebensgeschichten. 3. Mai 2008, abgruefen am 25. April 2022 (de-DE).
↑ Hopp de Bäse! in de Schwyzer Chart
↑ Chartquälle: DE AT CH

Dä Artikel basiert uff ere fräie Übersetzig vu dere Version vum Artikel „Minstrels“ vu de dütsche Wikipedia. E Liste vu de Autore un Versione isch do z finde.

[1] Die Minstrels – Grüezi wohl, Frau Stirnimaa! Abgruefen am 25. April 2022.

[2] Christoph Merian: Die Minstrels Grüezi wohl Frau Stirnima, von Trogen bis nach Afrika. In: Museum für Lebensgeschichten. 3. Mai 2008, abgruefen am 25. April 2022 (de-DE).

[3] Hopp de Bäse! in de Schwyzer Chart

[charts-4] Chartquälle: DE AT CH

[1]

[2]

[3]

[4]