Marie Brockmann-Jerosch
.jpg)
D Marie Brockmann-Jerosch (* 24. April 1877 z Lissabon[1]; † 14. Novämber 1952 z Züri)[2] isch e Schwyzer Geologi un Botanikeri gsii. Mer chännt d Marie Brockmann-Jerosch vor allem fir iri Forschigsarbete in dr Biet Alpevegetazion un Geobotanik.
Lääbe
[ändere | Quälltäxt bearbeite]D Familie vum Vater vu dr Jerosch isch vu Königsberg z Oschtpreuße gsii, iri Mueter isch e Niiderländeri gsii. D Marie Jerosch isch mit 19 Joor uf Züri zooge. E Exkursioon uf d Rigi mit em Biologybrofässer Carl Schroeter het si fir d Botaanik begaischteret.[3] No dr Ufnaambriefig het si vu 1897 bis 1901 an dr natuurwisseschaftlige Abdailig vum Aidgnessische Polytächnikum (hite ETH Züri) studiert. Vu 1902 bis 1904 isch si deert Assischtänti bim Brofässer Albert Heim gsii. Fir iri geoloogisch Aarbet iber s Säntisbiet isch si anne 1905 vu dr Uniwersiteet Züri bromewirt woore. Im nämlige Joor het si ire Stuudiekolleg Heinrich Brockmann ghyroote, wu doodmool Assischtänt vum Carl Schroeter gsii isch.
Wie ire Mann het si au d Marie Brockmann-Jerosch fir Ekosischteem un dääre iiri Veränderige inträssiert.[4] Iri Aarbete zue dr yyszytlige Gschiicht vu dr Alpefloora isch internazionaal gaachtet un speeter dur modäärni Foorschig bsteetigt woore.[5] Au wänn in ire neie Roll as Huusfrau un Mueter iiri – wie si s anne 1928 sälber formeliert het – «Mussezeit natürlich sehr knapp bemessen» gsii isch, het si alsfuurt wisseschaftli gschafft.[6] Fir d Eerschtuusgaab vu s Schroeters Grundlaagewäärch Das Pflanzenleben der Alpe vu 1908 het si ne Kapitel iber d Gschiicht vu dr Alpefloora gschriibe. Där Täxt het si zäme mit irem Mann fir di rewidiert Zwootuusgaab vum Wäärch vu 1926 nomool vollständig duuregschafft. Si het aber au iber Jamaica publiziert oder isch bi dr zwoote internazionaal phytogeograafische Exkursioon (1913) in d USA derbyy gsii.
Noch em Dood vu irme Mann het si 1939 däm si Noofolg als Kuraateri vum Geobotaanische Inschtitut Rübel z Züri ibernuu un het Vorlääsige an dr lokaale Volkshoochschuel ghalte. E baar Wuche voor irem Dood isch d Biogtrafy iber ire Mentor Albert Heim uusechuu, wu si zäme mit dr Helene Heim un em Arnold Heim verfasst het.[7]
Schrifte
[ändere | Quälltäxt bearbeite]- Marie Brockmann-Jerosch: Das Burgunderkamin. In: Schweizerisches Archiv für Volkskunde (= Archives suisses des traditions populaires). Band 44, 1947, S. 90–116 (Digitalisat, doi:10.5169/seals-114329#98).
Literatur
[ändere | Quälltäxt bearbeite]- Marie Brockmann-Jerosch. Nachruf, gehalten von Eduard Rübel an der Kremation, 19. November 1952
- Rolf Holderegger, Conny Thiel-Egenter & Christian Parisod: Marie Brockmann-Jerosch and her influence on Alpine phylogeography. In: Alpine Botany 121: 5–10 (2011) (Online)
Weblink
[ändere | Quälltäxt bearbeite]
Commons: Marie Brockmann-Jerosch – Sammlig vo MultimediadateieFueßnote
[ändere | Quälltäxt bearbeite]- ↑ Ortsfamiliebuech Pröbbernau un Neukrug: Maria Charlotte Jerosch *1877. Abgruefen am 28. Dezämber 2019
- ↑ Brockmann-Jerosch, Marie. In: Gustav Keckeis: Lexikon der Frau. Band 1, Encyclios, Zürich 1953.
- ↑ Marie Brockmann-Jerosch: Rückblick. In: Schweizerischer Verband der Akademikerinnen (Hrsg.): Das Frauenstudium an den Schweizer Hochschulen. Zürich 1928, S. 74–79.
- ↑ Ruedi Weidmann: Dokumentierte Landschaft. Die Fotoarchive von Carl Schröter und des Geobotanischen Instituts Rübel (= Bilderwelten. Fotografien aus dem Bildarchiv der ETH-Bibliothek. Band 7). Scheidegger & Spiess, Zürich 2019, ISBN 978-3-85881-637-5, S. 22–23.
- ↑ Marie Brockmann-Jerosch and her influence on Alpine phylogeography. In: Alpine Botany. 121, Nr. 1, 2011-01-26, S. 5–10
- ↑ Verena E. Müller: Erste Schritte am Poly: Die Pionierinnen. In: Bulletin ETH Zürich. Nr. 297, 2005, S. 7–11 (ethz.ch [PDF; abgerufen am 27. Dezember 2019]).
- ↑ Eduard Rübel: Marie Brockmann-Jerosch. Nachruf, gehalten von Eduard Rübel an der Kremation, 19. November 1952. In: Bericht über das Geobotanische Forschungsinstitut Rübel in Zürich für das Jahr 1952. 1953, S. 12–14 (e-periodica.ch [abgerufen am 27. Dezember 2019]).
|
Dä Artikel basiert uff ere fräie Übersetzig vu dere Version vum Artikel „Marie_Brockmann-Jerosch“ vu de dütsche Wikipedia. E Liste vu de Autore un Versione isch do z finde. |