Botanik

Us der alemannische Wikipedia, der freie Dialäkt-Enzyklopedy
E Bflanzegselschafd im Ruwenzori-Gebiirg z Afrika

D Botanik (griechisch βοτανική (επιστημή) botaniké (epistemé) ‘Bflanzekùnd’, vù βοτανή botáne ‘Waid, Fuederbflanze’) isch e Dailgebied vù dr Biologii, wù s Ryych vù dr Bflanzewäld erfoorschd. Dr Uusdrùg Botanik isch vùm Dioskurides im erschte Johrhundert breegd woore.

D Botanik bschäfdigd sich mid em Lääbenszyklus, em Schdofwägsel, em Wagsdùùm ùn em Ùfböu vù dr Bflanze, mid iire Inhaldsschdof, iire Ökologii ùn iirem wiirschafdlige Nùze.

Zue dr Bflanze im ängere Sin zele nääbe dr Gfeesbflanze au d Miesch ùn d Grienalge. Friejer hed mer au Schwim, Fläächde, Bakterie ùn Archaebakterie zue dr Bflanze zeld. Droz as mer hid wais, as die nid nèècher mid dr Bflanze verwand sin, wie au ali Alge (uuser dr Grienalge), wääre d Roodalge, d Chiiselalge, d Bruunalge, d Schwim ùn d Fläächde alno vù dr Botanik erfoorschd. Nùme d Bakterie (mid dr Blaualge) ùn d Archaebakterie ghèère midlerwyyli zem Foorschigsgebied vù dr Mikrobiologe.

Fachgebied[ändere | Quälltäxt bearbeite]

Wäg dr ùnderschiidlige Froogeschdelige ùn Methode hän sich fimf Chäärngebied endwigled:

  • Bflanzemorfologii: erfoorschd d Struktur ùn d Form vù dr Bflanze mid dr Dailgebied
    • Morfologii im ängere Sin – dr ùser Böu vù dr Bflanze
    • Anatomii – dr iner Böu vù dr Bflanze
    • Histologii – Gwääbslèèr
    • Cytologii – Böu vù dr Zäle
  • Bflanzefysiologii: erfoorschd di algmaine Funktionsablaif vù dr Bflanze mid dr Dailgebied
    • Stoffwägselfysiologii
    • Raiz-ùn Beweegigsfysiologii
    • Endwigligsfysiologii
  • Bflanzesyschtematik: bschrybd ùn ordned d Bflanzewäld mid dr Dailgebied
    • Taxonomii
    • Paläobotanik
  • Geobotanik: erfoorschd s Voorchùù ùn di ryymlig ùn zydlig Verbraidig vù dr Bflanze in Abhängigkaid vùm Schdandord mid dr Dailgebied
    • Vegetationskùnd (au Bflanzesoziologii oder Fytocönologii) erfoorschd dr Ùfböu ùn d Struktur vù dr Bflanzedegi
    • Arealkùnd oder Chorologie – ùndersuechd d Verbraidig vù dr Bflanzesibe
    • historisch-genetischi Geobotanik – erfoorschd d Verbraidig vù dr Bflanzesibe in dr Vergangehaid
    • Bflanzeökologii – ùndersuechd d Beziejige vù dr Bflanze ùn dr Bflanzegmainschafde zu iire Ùmwäld
  • Ökofysiologii vù dr Bflanze – ùndersuechd d endwigligsgschiichdlig erwoorbene Aabasige vù Bflanze an d Bedingige vù iire jewyylige Lääbensryym

Mid botanische Froogeschdelige bschäfdige sich au anderi Foorschigsriichdige vù dr Biologii ùn vù andere Wisseschafde wie:

  • Archäobotanik
  • Biochemii
  • Biofysik
  • Ethnobotanik
  • Forschtbotanik
  • Genetik
  • Gentechnologii
  • Hailbflanzekùnd (Farmacognosii)
  • Karpologii
  • Holzbiologii
  • Mikrobiologii
  • Molekularbiologii
  • Bflanzezùchd
  • Fytopathologii
  • Fytogeografii

Vyylmol wird s Fach Botanik au yydaild in d Dailgebied Algmaini ùn Speziäli Botanik. Au e Dailgebied Aagwandi Botanik wird ùnderschiide, wù sich mid botanische Froogeschdelige bschäfdigd ùnder em Aschpäkt vù dr Nùzig vù Bflanze dùr dr Mänsch, z. B. dùr Landwiirschafd, Foorschdwiirdschafd, Gaardeböu, Landschafdsbflääg ùn Ùmwäldschùz.

Literatur[ändere | Quälltäxt bearbeite]

  • Lüttge, Ulrich; Kluge, Manfred und Bauer, G.: Botanik. 5. Auflage. Wiley-VCH, Weinheim 2005, ISBN 978-3-527-31179-8
  • Strasburger - Lehrbuch der Botanik für Hochschulen. 35. Aufl. Elsevier/Spektrum Akademischer Verlag, 2002, ISBN 3-8274-1010-X
  • Strasburger - CD-ROM Interaktive Studienhilfe. Elsevier/Spektrum Akademischer Verlag, 2002, ISBN 3-8274-1070-3
  • Gerhard Wagenitz: Wörterbuch der Botanik. 2. Aufl. Elsevier/Spektrum Akademischer Verlag, 2003, ISBN 3-8274-1398-2
  • Herder Lexikon der Biologie. 1. Aufl. Verlag Herder, 1996, ISBN 3-86025-156-2

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Botanik“ vu de dütsche Wikipedia. E Liste vu de Autore un Versione isch do z finde.