Marco Streller

Us der alemannische Wikipedia, der freie Dialäkt-Enzyklopedy
Marco Streller
Marco Streller
Personalia
Wänn uf d Wält choo 18. Juni 1981
Wo uf d Wält choo BaselSchwiz
Größi 195 cm
Position Stürmer
Junioren
Johr Station
1988–1997 FC Aesch
1997–2000 FC Arlesheim
Herre
Johr Station Spil (Tor)1
2000–2004 FC Basel 20 (13)
2001–2002 → Concordia Basel (Leihe) 30 (16)
2002–2003 → FC Thun (Leihe) 16 0(8)
2004–2007 VfB Stuttgart 55 0(9)
2006 → 1. FC Köln (Leihe) 14 0(3)
2007–2015 FC Basel 213 (98)
Nationalmannschaft
Johr Uuswahl Spil (Tor)2
2001–2002 Schwyz U-20 3 0(0)
2002–2003 Schwyz U-21 13 0(6)
2003–2011 Schwyz 37 (12)
1 Aagää sind nur Ligaspiil.
Stand: Kariereändi

2 Stand: 7. Juni 2020

Dialäkt: Baseldütsch

Dr Marco Streller (* 18. Juni 1981 z Basel) isch e Schwizer Fuessballspiler

Verein[ändere | Quälltäxt bearbeite]

Dr Streller isch in dr Winterpause 2003/04 mit 13 Träffer Goalschützeleader in dr Schwizer Super League gsi und isch, nachdäm är für einige Zit für Schwizer Mannschafte, do drbi mit grossem Erfolg bim FC Basel, gspilt het, am 13. Januar 2004 vom dütsche Erschtligischt VfB Stuttgart füre Ablösesumme vo drey Million Euro übernoh worde. Dr Streller het am 14. März 2004 bi sim erschte Spil in dr Startformation vom VfB gege 1860 Münche in dr 35. Minute sis erschte Bundesliga-Goal gschosse. Doch si Höheflug isch dure schweri Vrletzig gstoppt worde und är isch us dr Stammformation vo de Schwoobe vrdränggt worde. Um ihm mehr Spielpraxis zgäh, hän sich die VfB-Verantwortliche entschide, ihn uszlehne.

Am 11. Januar 2006 isch dr Stürmer an 1. FC Köln usglehnt worde, isch aber in dr Saison 2006/07 widr zum VfB zruggkehrt, wo är drmit am Ändi vo däre Spilzit Dütsche Meischter worde isch. Well är z Stuttgart meischtens nur Ergänzigsspiler gsi isch, isch dr Streller uf d Saison 2007/08 zum FCB zruggkehrt. Döt het är zur alte Sterggi zrugggfunde und het in dr erschte Spilzitt nach sinere Ruggkehr 12 Träffer in 23 Spil gmacht. Am Ändi vo dr Saison isch mit dr Meischterschaft und em Cupsiig s Double perfäggt gmacht worde. Doch au in Basel het muess är mit Vreltzige kämpfe und het nid alli Spil in dr Ruggrunde könne beschritte.

Nationalmannschaft[ändere | Quälltäxt bearbeite]

Sit 2003 stoht dr Streller als Stürmer im Ufgebot vo dr Schwizer Nationalmannschaft.

Vor emne Teschtspil vom Nationalteam gege Dütschland het sich dr Streller im Training schwer vrletzt, het sich s Schin- und Wadebei broche und isch für langi Zitt usgfalle.

Bim letschte Qualifikationsspil für d WM 2006 am 16. Novämber 2005 het dr Streller im Barragespil gege die türkischi Nationalmannschaft für si Heimetland s zweite Goal gschosse, nachdäm är vorhär e Penalty zugunschte vo dr Türkey verschuldet gha het. Mit sim Goal isch am Schluss trotz dr 2:4-Uswärtsniderlaag im Gsamtvrgliich d Qualifikation erreicht worde. Füre Streller isch das s erschte Goal im Trikot vo de Eidgenosse gsi.

Bi dr Achtelfinal-Niderlaag vo dr Schwizer Nationalmannschaft bi dr Fuessball-WM 2006 gege d Ukraine het dr Streller im entscheidende Penaltyschiesse dr erschti vo insgsamt drey vergäbene Penalties verschosse.

Im Länderspil gege die dütschi Nationalmannschaft isch ihm am 7. Februar 2007 dr Träffer zum Ändstand vo 1:3 glunge. Trotz däne Goalerfolg het dr Streller bis zur EM 2008 in dr Nationalmannschaft ume Stammblatz miesse kämpfe. Si stärggschte Konkurränt näbem Alexander Frei isch si Basler Mannschaftskolleg Eren Derdiyok gsi. Schliesslich sin beidi für für Euro 2008 z Öschterriich und in dr Schwiz nominiert worde. Nach Pfiff und Schmährief gege ihn in de Vorbereitigsspil het dr Streller am 31. Mai 2008 bekannt gäh, dass är noch dr Europameischterschaft nümm für d Nationalmannschaft spile wärdi. Doch scho am 17. Juni isch dr Ruggtritt vom Ruggtritt bekannt worde. Dr Streller isch drbi vom neue Nationaltrainer Ottmar Hitzfeld umgstimmt worde.

Während dr EM 2008 isch dr Streller nur zumene iisatz im Eröffnigspil gege Tschechie ko. Wäge Lischteproblem isch ihm in de folgende Spil nur d Rolle als Zueschauer blibe. D Schwiz isch nach dr Grubbephase vom Turnier usgschide.

Erfolg[ändere | Quälltäxt bearbeite]

Schwizer Meischter: 2004, 2008, 2010, 2011, 2012

Dütsche Meischter: 2007

Schwizer Cupsiiger: 2008, 2010, 2012

WM-Teilnähmer: 2006

EM-Teilnähmer: 2008

Weblink[ändere | Quälltäxt bearbeite]