Eren Derdiyok

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Eren Derdiyok Saydam
080603 Derdiyok.jpg
Personalia
Name Eren Derdiyok Saydam
Wänn uf d Wält choo 12. Juni 1988
Wo uf d Wält choo BaselSchwiz
Größi 191 cm
Position Sturm

2 Stand: 29. Merz 2013

Dialäkt: Baseldütsch

Dr Eren Derdiyok Saydam (* 12. Juni 1988 z Basel) isch e Schwizer Fuessballspiler vo kurdischer Abstammig. Er isch e Nationalspiler und het 44 mol für d Schwiz gspiilt.

Karriere[ändere | Quälltäxt bearbeite]

Z Baasel[ändere | Quälltäxt bearbeite]

Vo glei uff und au in sinere Jugend het är bim Basler Fuessballclub BSC Old Boys gspilt, wo är drfür scho gege dr FC Basel gspilt het und drbi ei Gool erzilt het. Afangs 2007 isch är vom FC Basel übernoh worde, isch in dr Schwizer Super League 49 Mol zum Iisatz ko und het zäh Gool gschosse (Stand 24. Oggtober 2008).

Am 6. Februar 2008 isch dr Derdiyok zu sim erschte Iisatz für d Schwizer A-Nationalmannschaft im Spil gege Ängland im Wembley-Stadion ko. Bi sim Debüt het är in dr 57. Minute sis erschte Goal für d Nationalmannschaft zum zwüschezitliche 1:1-Usgliich gschosse.

Är isch mit em FC Basel 2007 Cupsiiger worde und het im 2008 sogar s Double (Schwizer Meischter und Cupsiiger) gholt. Im Cupfinal vom 6. April 2008 het är vo Aafang a gspilt und au prompt zum zwüschezitliche 1:0 in dr 31. Minute troffe.

Bi dr EM 2008 in Öschteriich und dr Schwiz isch är im Ufgebot vo dr Schwiz gschtande und isch zu Iisätz ko.

In dr Bundesliga[ändere | Quälltäxt bearbeite]

2009/10 isch dr Derdiyok zu Bayer 04 Leverkusen[1] in die dütschi Bundesliga und isch döt in dr Säsong 2010/11 Vizemäister worde. Uf d Säsong 2012/13 isch er zu TSG 1899 Hoffenheim mit eme Vierjoorverdraag.[2]

Mit dr Nazionalmannschaft[ändere | Quälltäxt bearbeite]

2008 het dr Derdiyok zum erste Mol mit dr Schwizer A-Nayionalmannschaft gspiilt, wo am 6. Februar 1:2 gege Ängland im Wembley-Stadion verloore het, und het s Gool für d Schwiz Gool gmacht. Bi dr Öiropamäisterschaft 2008 z Östriich und in dr Schwiz isch er dreimol iigsetzt worde.

Am 26. Mai 2012 het dr Derdiyok drei Gool bim überraschende 5:3-Siig gege die dütschi Nazionalmannschaft gmacht (das isch dr erst Siig vo dr Schwizer Nazionalmannschaft gege Dütschland sit 1956 gsi).[3]

Fuessnoote[ändere | Quälltäxt bearbeite]

  1. Kicker: Projekt Zukunft läuft - Eren Derdiyok sagt Ja!, 17. November 2008
  2. Eren Derdiyok verstärkt die Offensiv-Abteilung der TSG
  3. Deutschland verliert 3:5 gegen die Schweiz, 26. Mai 2012

Weblink[ändere | Quälltäxt bearbeite]