Zum Inhalt springen

Madelaine Böhme

Us der alemannische Wikipedia, der freie Dialäkt-Enzyklopedy

D Madelaine Böhme (* 1967 z Plowdiw, Bulgarie) isch e dytschi Geowisseschaftleri, Paleontologi un syt Ändi 2009[1] Profässeri fir Paleoklimatology an dr Uniwersitet Dibenga. Ire Spezialbiet isch di terrestrisch Paleoklimatology un d Evoluzion vu frieje Mänschenaffe.

Lääbe[ändere | Quälltäxt bearbeite]

D Madelaine Böhme het anne 1986 ire Abitur z Dresden gmacht un druf vu 1987 bis 1992 Geology am Inschtitut fir Geology vu dr TU Bergakademie Freiberg studiert, aafangs 1993 het si s Studium mit em Diplom in Geology abgschlosse. In dr Johr druf isch si wisseschaftligi Mitarbaiteri am Inschtitut fir Geofisik un Geology vu dr Uniwersitet Leipzig gsii, wu si aafangs 1997 im Fach Geology-Paleontology bromewiert woren isch.[2] Iri nit vereffetligt Dissertazion drait dr Titel Revision der oligozänen und untermiozänen Vertreter der Gattung Palaeoleuciscus (Teleostei, Cyprinidae) Mitteleuropas.[3]

As post-doc-Stipändiati un Forschigsstipändiati, ab 2001 im Rame vun ere Habilitazionsstell, het si 1998 bis 2006 am Inschtitut fir Paleontology un hischtorischi Geology vu dr LMU Minche gforscht. Anne 2003 het si si am Departmänt fir Geo- un Umwältwisseschafte mit dr Arbet Paläoklima und aquatische Ökosysteme im Neogen Europas habilitiert.[3] Vu 2007 bis 2009 isch si Heisenberg-Stipändiati vu dr DFG gsii. Derno isch si Brofässeri z Dibenga wore. Si isch au Fellow vu dr Carl Friedrich von Siemens Stiftig.[4]

D Böhme forscht schwärpunktmäßig zue dr Evoluzion vu dr frieje Mänsche un ire Vorlaifer un ire Bezieig zue dr Klimaentwicklig in dr letschte 25 Millione Johr. Iri Studie zue dr Klimaentwicklig z Europa im Miozän sin in verschidene internazionale Fachzytschrifte publiziert wore.[5][6] Si het Grabigsprojäkt u. a. z Sidoschteuropa, z Vietnam, z Laos, z Weschtsibirie un z Siddytchland duregfiert.[1] Z Sidoschtasie het si näbe andere Schwärpinkt au an dr Fossillagerstätt Na Dương gschafft.[7][8]

Untersuechige zue Graecopithecus freybergi[ändere | Quälltäxt bearbeite]

Anne 2017 het d Böhme zäme mit eme Forscherteam e Unterchifel, wu mer z Griecheland gfunde het, un e Zahn vu Bulgarie untersuecht, wu em Vormänsch Graecopithecus freybergi zuegschribe wäre. D Wisseschaftler*ne hän d Find uf e Alter vu 7,175 bzw. 7,24 Millione Johr datiert, dodermi sin si elter wie dr eltscht Vormänsch, wu mer bishär gchännt het, dr Sahelanthropus vu Afrika. Dodrus hän si gschlosse, ass d Ufspaltig vu dr Entwickligslinie vum Vormänsch un dr Schimpanse friejer wie bishär aagnuu im eschtlige Mittelmeerruum chennt gsii syy, un nit wie bishär aagnuu z Afrika.[9][10][11][12]

Erschtbschrybig vu Danuvius guggenmosi[ändere | Quälltäxt bearbeite]

Anne 2019 het d Böhme mit irem Team zum erschte Mol di uusgstorbe Mänschenaffenart Danuvius guggenmosi bschribe,[13] wu 11,62 Millione Johr alt isch un scho uf zwai Bai gstande isch un in de Baim gchlätteret isch in dr Region, wu hite s Oschtallgai isch.[14] Zum erschte Mol sin verschideni funkzionäll wichtigi Glaich in eme fossile Skelett mit däm Alter gfunde wore, e baar Chnoche sin ender ähnlig gsii zue däne vum Mänsch wie zum Mänschenaff. Dr Fundort isch d Laimgrueb Hammerschmiede im Allgai gsii. D Böhme het em Fund dr nit wisseschaftli Churzname „Udo“ gee, wel am Dag vum Fund dr Udo Lindenberg sy 70. Geburtsdag gfyrt het. Mittlerwyli wird dr Böhme iri Analys vu dr Skelettdail vu Danuvius guggenmosi au aazwyflt.[15]

Dokumäntarfilm[ändere | Quälltäxt bearbeite]

  • Terra X: Der Rhein (1/2): Von Vulkanen und Riesenflößen, 2016[16]
  • Europa – Wiege der Menschheit? Dokumentarfilm von Florian Breier und Rüdiger Braun.[17][18][19]

Biecher[ändere | Quälltäxt bearbeite]

  • Madelaine Böhme, Rüdiger Braun, Florian Breier: Wie wir Menschen wurden – Eine kriminalistische Suche nach Hinweisen auf die Ursprünge der Menschheit. Heyne, München, 2019, ISBN 978-3-453-20718-9.

Weblink[ändere | Quälltäxt bearbeite]

Fueßnote[ändere | Quälltäxt bearbeite]

  1. ↑ 1,0 1,1 Michael Seifert: Neu berufen: Madelaine Böhme. In: Newsletter Uni Tübingen aktuell. 3/2010, 2010, abgruefen am 7. Mai 2020.
  2. ↑ Prof. Dr. Madelaine Böhme. In: AcademiaNet. Abgruefen am 7. Mai 2020 (änglisch).
  3. ↑ 3,0 3,1 Madelaine Böhme: Publikationsverzeichnis. In: wahre-staerke.com. Abgruefen am 7. Mai 2020 (änglisch).
  4. ↑ Was war Ihr erster großer Fund, Madelaine Böhme? "Ein Elefant. Ich war 19 und verstaute ihn in der Garage"
  5. ↑ Madelaine Böhme: The Miocene Climatic Optimum: evidence from ectothermic vertebrates of Central Europe. (pdf; 1 MB) In: Palaeogeography, Palaeoclimatology, Palaeoecology. 195, Nr. 3–4, Juni 2003, S. 389–401, abgruefen am 7. Mai 2020 (änglisch, doi:10.1016/S0031-0182(03)00367-5).
  6. ↑ Madelaine Böhme, August Ilg, Michael Winklhofer: Late Miocene “washhouse” climate in Europe. (pdf; 1,3 MB) In: Earth and Planetary Science Letters. 275, Nr. 3–4, November 2008, S. 393–401, abgruefen am 7. Mai 2020 (änglisch, doi:10.1016/j.epsl.2008.09.011).
  7. ↑ Madelaine Böhme, Jérôme Prieto, Simon Schneider, Nguyen Viet Hung, Do Duc Quang, Dang Ngoc Tran: The Cenozoic on-shore basins of Northern Vietnam: Biostratigraphy, vertebrate and invertebrate faunas. In: Journal of Asian Earth Sciences. 40 (2), 2011, S. 672–687, doi:10.1016/j.jseaes.2010.11.002.
  8. ↑ Madelaine Böhme, Manuela Aiglstorfer, Pierre-Olivier Antoine, Erwin Appel, Philipe Havlik, Grégoire Métais, Laq The Phuc, Simon Schneider, Fabian Setzer, Ralf Tappert, Dang Ngoc Tran, Dieter Uhl, Jérôme Prieto: Na Duong (northern Vietnam) – an exceptional window into Eocene ecosystems from Southeast Asia. In: Zittelian.a A 53, 2013, S. 120–167.
  9. ↑ Jochen Fuss, Nikolai Spassov, David R. Begun, Madelaine Böhme: Potential hominin affinities of Graecopithecus from the Late Miocene of Europe. In: PLOS ONE. 12, Nr. 5, 22. Mai 2017, S. e0177127, abgruefen am 23. Mai 2017 (änglisch, ISSN 1932-6203, doi:10.1371/journal.pone.0177127).
  10. ↑ Evolution: Stammen die ersten Vormenschen vom Balkan? In: Zeit Online. 22. Mai 2017, abgruefen am 7. Mai 2020.
  11. ↑ War ältester Vormensch ein Europäer? In: orf.at. 22. Mai 2017, abgruefen am 7. Mai 2020.
  12. ↑ Neue Theorie. Forscher verlegen Wiege der Menschheit von Afrika nach Europa. In: spiegel.de. 22. Mai 2017, abgruefen am 15. August 2020.
  13. ↑ Madelaine Böhme u. a.: A new Miocene ape and locomotion in the ancestor of great apes and humans. In: Nature, 6. November 2019, doi:10.1038/s41586-019-1731-0.
  14. ↑ Nicole Köster: Madelaine Böhme, Geowissenschaftlerin und Paläontologin gelang ein spektakulärer Fund. (mp4-Video; 75,5 MB; 32:28 Minuten) In: SWR1-Bade-Wirttebärg-Sändung „Leute“. 17. Dezember 2019, abgruefen am 7. Mai 2020.
  15. ↑ Urs Willmann: Ein neuer Forscherstreit über den aufrechten Gang: Auch das noch! in: DIE ZEIT, Nr. 41, 1. Oktober 2020, S. 33
  16. ↑ Der Rhein (1/2): Von Vulkanen und Riesenflößen. Abgruefen am 29. März 2023 (Zeitstempel 02:47).
  17. ↑ Bayerischer Rundfunk: Europa - Wiege der Menschheit? 29. August 2022, abgruefen am 29. März 2023.
  18. ↑ Europa - Wiege der Menschheit (2019);
  19. ↑ „Deutsche TV-Premiere: 08.02.2020 arte“, no www.fernsehserien.de, abgruefen am 15. Augschte 2020.
Dä Artikel basiert uff ere fräie Übersetzig vum Artikel „Madelaine_Böhme“ vu de dütsche Wikipedia. E Liste vu de Autore un Versione isch do z finde.
Vun "https://als.wikipedia.org/w/index.php?title=Madelaine_Böhme&oldid=1056544"