Lyon

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Lyon
Lyon-Paysages.jpg
Verwàltung
Land Frànkrich
Region Auvergne-Rhône-Alpes
DépartementRhône (69) - (Präfektur)
ArrondissementLyon (Unterpräfektur)
KommünàlverbàndMétropole de LYON
Àmtliga NàmaLyon
MaireGérard COLLOMB (2014-2020)[1]
Code Insee69123
Poschtlaitzàhl69001, 69002, 69003, 69004, 69005, 69006, 69007, 69008, 69009
Iiwohner
Iiwohner518.635
Flech47,87 km2
Bevelkerungsdicht9.866,95 Iiw./km2
Làg
Koordinate45° 45′ 32″ N, 4° 50′ 29″ E / 45.758888888889°N,4.8413888888889°E / 45.758888888889; 4.8413888888889Koordinate: 45° 45′ 32″ N, 4° 50′ 29″ E / 45.758888888889°N,4.8413888888889°E / 45.758888888889; 4.8413888888889
Heche170 m
Lyon hemen kokatua: Frànkrich
Lyon
Lyon
Lyon (Frànkrich)
Website
http://www.lyon.fr/

Lyon?/i [ljɔ̃] (dütsch veraltet Leyden, latiinLugdunum) isch d Hauptstadt vo dr Regioon Auvergne-Rhône-Alpes im Südoste vo Frankriich.

D Stadt isch de Sitz vo dr Präfektur vo dr Métropole de Lyon und au vom Département Rhône, au wenn si sit aafangs 2015 nüme zu däm Departemänt ghört.

Algemeins[ändere | Quälltäxt bearbeite]

Lyon het fast e halbi Millioon Iiwooner und isch noch Bariis und Maarsei die drittgrössti Stadt im Land. Dr Balligsruum het öbbe 1,3 Millioone Iiwooner und isch dr zwäitgrössti in Frankriich noch dr Île-de-France, em Groossruum Bariis, wo öbbe 11,5 Millioone Iiwooner het.

Bi de Röömer isch dört der wichtig Oort Lugdunum gsi, wo e Zyt lang d Hauptstadt von ere römische Provinz gsi isch. Der römisch Kaiser Caracalla isch i der Stadt uf d Wält cho. Me gseht no d Ruine vom grosse römische Theater. Im spoote föifte Johrhundert isch Lugdunum d Stadt vom König vo de Burgunder worde.

D Altstadt vo Lyon isch 1998 vo dr UNESCO zum Wältkultuurerb erklärt worde.

Lyon isch dr Bischofssitz vom Erzbistum Lyon vo dr römisch-katholische Chile in Frankriich mit dr Kathedraale in dr Altstadt. No mee stoot d Basilika Notre-Dame de Fourvière uuse, wo hööcher isch as die ganzi Stadt. 1871 isch si uf em Spitz vom Hügel Notre-Dame de Fourvière baut worde.

Wirtschaft[ändere | Quälltäxt bearbeite]

D Lyoner Gastronomii geniesst en usgezäichnete Ruef. D Vilfalt vo dr dradizionelle Chuchi het iire Ursprung in dr sältene Kombinazioon us dr Nööchi zu de Alpe und eme schiffbare Zuegang zum Middelmeer. Nördlig vo dr Stadt lit s Wiibaugebiet Beaujolais, südlig isch es das vom Côtes du Rhône.

Historisch isch d Stadt äng mit de canuts, de Siidewääber, verchnüpft, wo die driibendi Wirtschaftschraft wäärend dr Industrielle Revoluzioon gsi si.

Lyon isch au as Liechterstadt bekannt, und jeedes Joor wird am 8. Dezämber d „Fête des Lumières“ gfiirt.[2]

Lyon isch dr Sitz vo dr internazionale Polizeibehörde Interpol und vo dr Internazionale Agentuur für Chräbsforschig (International Agency for Research on Cancer, churz: IARC).

Lyon het e bedüütende hafe a der Rhone, wo Schiff vom Middelmeer häär chöme; vo do chame d Soone uuf und dure Rhy-Rhone-Kanal is Elsass und an Rhy fahre.

Litratur[ändere | Quälltäxt bearbeite]

Weblingg[ändere | Quälltäxt bearbeite]

 Commons: Lyon – Sammlig vo Multimediadateie

Fuessnoote[ändere | Quälltäxt bearbeite]

  1. Liste des maires au 25 avril 2014 (data.gouv.fr)
  2. fr:Fête des lumières (Lyon)