Liachtaschtaanischi Landesbank
| Liechtensteinische Landesbank | |
|---|---|
 | |
| |
| Staat | Liachtaschtaa |
| Rächtsform | Akziegsellschaft |
| ISIN | LI0355147575 |
| BIC | 8800[1] |
| Gründig | 5. Dezämber 1861 |
| Sitz vom Undernähme | Vaduz |
| Gschäftsdate 2018[2] | |
| Iilage | CHF 67,3 Mrd. |
| Kundekredit | CHF 12,9 Mrd. |
| Mitarbeiter | 1.068 |
| Leitig | |
| Verwaltigsroot | Georg Wohlwend |
|
Leitig vom Undernähme |
Roland Matt |
| Website | www.llb.li |
Di Liachtaschtaaisch Landesbank AG (dt. Liechtensteinische Landesbank AG, churz LLB) isch a Finanzinschtitut im Fürschtatum Liachtaschta und isch im 1861 gründet wora. S Land Liachtaschta het s Meh an dr Aktia. D Aktia vor LLB sin adr SIX Swiss Exchange kotiert (Simbool: LLBN).
D LLB-Gruppe bütet iarna Kunda Dianschtlaischtiga im Wealth Management ah, als Universalbank, im Private Banking, Asset Management und bi Fund Services. Med öbr 1000 Agstellta, isch si z Liachtaschtaa, in dr Schwiz, z Östrich und dr Araabische Emiraat (Abu Dhabi un Dubai) präsent. Per 30. Juni 2018 isch s Gschäftsvoluma vor LLB-Gruppe bi 63 Milliarda Schwizer Franka gläga.
Positioniarig
[ändere | Quälltäxt bearbeite]Mit dr Strategy StepUp2020 setzt d LLB-Gruppe bis zum Joor 2020 uf noohaltig profitaabel Wachsduum. Syter 2016 lyt dr Scnwäärpunkt uf dr vier Chäärnelemänt Wachsduum, Profitabiliteet, Innovazion un Exzellänz. Zum Gschäftsmodäll vu dr LLB-Gruppe gheere di drei Määrtdivisioone Retail & Corporate Banking, Private Banking un Institutional Clients.
D Division Private Banking umfasst dooderby alli Private-Banking-Aktiviteete vu dr LLB-Gruppe. Si bietet Aalaageberootig, Vermeegeverwaltig, Vermeegestrukturierig un Finanz- un Voorsoorgbläänig aa. Dr Fookus lyt uf dr Onshore-Määrt Liachtaschtaa, Schwyz un Eeschtryych, uf dr tradizionälle Määrt inber d Gränze Dytschland un iibrig Weschteuropa un au uf dr Wachsduumsmäärt Zäntral- un Oschteuropa un Nooche Oschte.
D Division Institutional Clients umfasst s Intermedieer- un Fondsgschäft un dr Beraich Asset Management vu dr LLB-Gruppe. Zue dr Chunde zelle Dreihänder, Vermeegeverwalter, Versiicherige, Pensioonschasse un effetli-räächtligi Inschtituzioone. Dr Fookus lyt uf dr Määrt Liachtaschtaa, Schwyz un Eeschtryych.
D Division Retail & Corporate Banking luegt no sämtlige Privaat- un Fiirmechunde. Do lyt dr Fookus uf dr Määrt Liachtaschtaa un Schwyz.
Expansionsschritt vu dr LLB-Gruppe
[ändere | Quälltäxt bearbeite]Syt dr Dailprivatisierig anne 1993 isch d LLB-Gruppe als gwagse. Am Aafang vu dr Expansion isch s Erschließe vu neie Gschäftsfälder z Liachtaschtaa im Voordergrund gstande. Mit dr LLB (Schwyz) AG isch im Joor 1998 zum eersche Mol en Schritt in s Uusland gmacht woore, 2005 un 2008 derno au wyteri Schritt, indäm mer Represäntanze in dr Verainigte Araabische Emiraat gmacht het. Im Dezämber 2006 het d LLB dr Bank Linth AG e effetli Chaufaagebot gmacth, wu d Akzioneer mit 74,2 Brozänt aagnuu hän. Syt Novämber 2009 isch d LLB-Gruppe mit dr Liachtaschtaanische Landesbank (Eeschtryych) AG z Wien verdrätte.[3]
D LLB-Gruppe isch e Universalbank mit eme staarke Private-Banking- un inschtituzionälle Gschäft. In dr Haimmäärt Liachtaschtaa, Schwyz un Eeschtryych isch si mit je aire Bank verdrätte:
- Liachtaschtaanischi Landesbank AG (LLB), Hauptsitz Vaduz. Määrtfiereri im Privaat- un Fiirmechundegschäft z Liachtaschtaa
- Bank Linth LLB AG, Hauptsitz Uznach, greeschti Universalbank vu dr Oschtschwyz.
- Liachtaschtaanischi Landesbank (Eeschtryych) AG, Wien, syt 1. Oktoober 2018 fierendi Vermeegeverwaltigsbank z Eeschtryych
Aafangs Juuli 2018 het d LLB-Gruppe zue hundert Brozänt d Semper Constantia Privatbank AG z Wien ibernuu. Am 1. Oktoober 2018 sin d Semper Constantia un d LLB Eeschtryych zur Liachtaschtaanische Landesbank (Eeschtryych) AG fusioniert.
Zur LLB-Gruppe gheere derzue au no die 100-brozäntige Doochtergsellschafte:
- LLB Asset Management AG, Vaduz
- LLB Fund Services AG, Vaduz
- LLB Swiss Investment AG, Zürich
Am 3. April 2018 het d LLB-Gruppe dr Fondsdienschtlaischter LB(Swiss) Investment AG ibernuu, wu syt Maie 2018 as LLB Swiss Investment AG firmiert.[4]
Standoort
[ändere | Quälltäxt bearbeite]- Liachtaschtaa: Vaduz, Balzers, Escha
- Schwyz: Gämf, Züri-Erlebach un dur d Bank Linth an 19 Standoort im Linthbiet, in dr Regioon Zürisee, z Usserschwyz un im Sarganserland
- Internazionaal: Eeschtryych, Abu Dhabi, Dubai (Verainigti Araabischi Emiraat)
Weblink
[ändere | Quälltäxt bearbeite]- Offizielle Website
- Alexander Meili: Liechtensteinische Landesbank (LLB). In: Historischs Lexikon vom Förschtatum Liachtastaa.
Fueßnote
[ändere | Quälltäxt bearbeite]- ↑ Iitrag im BIC Publication Portal bim SWIFT
- ↑ Jahresergebnis 2018. www.llb.li, abgruefen am 15. März 2019.
- ↑ Geschichte (Memento vom 20. April 2017 im Internet Archive) uf www.llb.li
- ↑ Neuer Markenauftritt: LLB Swiss Investment (Memento vom 27. Septämber 2018 im Internet Archive) uf www.llb.li/de
|
Dä Artikel basiert uff ere fräie Übersetzig vu dere Version vum Artikel „Liechtensteinische_Landesbank“ vu de dütsche Wikipedia. E Liste vu de Autore un Versione isch do z finde. |