Dr Libanonchrieg

Libanonchrieg
Deil vo: Komflikt im Nooche Oste
Israelischi Drubbe im Süde vo Libanon im Juni 1982
Datum 6. Juni 1982–Septämber 1982 Ort Südlibanon Casus belli Aaschlag uf en israelisch Botschafter Schlomo Argov am 3. Juni 1982 Usgang Rückzug vo dr PLO (1982) Israel bsetzt Südlibanon (1982–1985) Israelischi Sicherhäitszone mit dr SLA (1985–2000) sürische De-facto-Bsetzig vom Libanon (1976–2005) D Hisbollah kontrolliert dr Südlibanon und dr Süde vo Beirut (1980–hüte) Folge Süd-Libanon-Konflikt (1982–2000)
Konfliktparteie
Israel Israel Südlibanesischi Armee (SLA) Forces Libanaises	PLO Syrie Murabitun-Miliz Amal-Miliz Libanesischi Kommunistischi Bardei
Befählshaber
Menachem Begin Ariel Scharon Rafael Eitan	Jassir Arafat Ibrahim Qoleilat
Truppesterki
Israelischi Armee: 78'000 Soldate 1'250 Panzer 1'500 Dransportpanzer 275 Kampfflugzüüg	Sürischi Armee: 25'000 Soldate 300 Panzer 300 Dransportpanzer 225 Kampfflugzüüg PLO: 15'000 Soldate 300 Panzer 150 Dransportpanzer Murabitun-Miliz: 5'000 Kämpfer
Verlust
675 Dooti	~9'798 Dooti

Dr Libanonchrieg oder Libanon-Fäldzug isch e milidäärischi Usenandersetzig im Joor 1982 im Libanon zwüsche dr israelische Armee und iire verbündete Milize uf dr äinte Site, und Kämpfer vo dr PLO und sürische Druppe uf dr andere Site. Es isch dr ersti gröösseri Arabisch-Israelischi Komflikt gsi, wo Israel noch joorelange Browokazioone vo dr PLO aber ooni dass si Existänz diräkt in Gfoor gsi weer, aagfange het. Israel het dr Operazion dr Naame „Friide für Galiläa“ gee. Die israelischi Offensive isch aber as Aagriffschrieg aagluegt worde, , au vo vile Israelis.

Dr Libanonchrieg 1982 het vor em Hindergrund vom Libanesische Bürgerchrieg stattgfunde; het nid unwääsentlig drzue biidräit, ass dä eskaliert het und het dr Verlauf von em maassgääblig beiiflusst.

Politischi Folge

En israelischi Undersuechigskommission het im Februar 1983 festgstellt, ass dr Brömieeminister Begin sini Undergääbene nid gnueg überwacht het, und het s Verhalte bsundrigs vom Verdäidigungsminister Ariel Scharon und vom Stabschef Rafael Eitan schwer kritisiert. Bäidi häi iiri Böste müesse ufgee und dr Begin isch im Septämber 1983 zruggdräte.

Dr Iifluss vo Sürie im Libanon isch noch de Niiderlaage, won e d Israeli zuegfüegt häi, dütlig chliiner worde, aber die sürischi Regierig het es propagandistisch usgschlachdet, ass nume si d Palestinenser understützt häig.

Israel het dr südlig Libanon mit bis in Februar 1985 bsetzt und denn dört e als „Sicherhäitszone" iigrichdet, wo vo sine verbündete christlige Milize kontrolliert worde isch. D Rageeteaagriff uf Nordisrael häi aber nid ufghöört, und die radikali, schiitischi Hisbollah, wo vo Iran understützt worde isch, het d Macht in Südlibanon übernoo, wo Israel sich us em Land zruggzooge het.

Litertuur

• H. Thomas Davis: 40 Km Into Lebanon: Israel's 1982 Invasion,1987, National Defense University Press
• Martin Stäheli:Die syrische Aussenpolitik unter Präsident Hafez Assad, 2001, Steiner (Franz), ISBN 978-3515078672
• Sam Katz: Armies in Lebanon 1982-84, 1985, Osprey Publishing, ISBN 0850456029
• Michael Brecher:A Study of Crisis, 1997, University of Michigan Press, ISBN 0472108069
• Itamar Rabinovich:The War for Lebanon: 1970-1985, 1985, Cornell University Press, ISBN 0801493137
• P. Edward Haley und Lewis W. Snider in Lebanon in Crisis: Participants and Issues, 1979, Syracuse University Press, ISBN 0815622104

Weblingg

 Commons: Libanonkrieg 1982 – Sammlig vo Multimediadateie

• "Just" War case study: The Israeli Invasion of Lebanon in 1982, Christopher A. Arantz, Masterarbeit, 2002.