Langenau

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
Wappa Deitschlandkart
Wappa vo de Stadt Langenau
Langenau
Deutschlandkarte, Position vo de Stadt Langenau hervorghobe
48.49944444444410.121111111111458Koordinaten: 48° 30′ N, 10° 7′ O
Basisdata
Dialekt: Alemannisch
Hauptvariante: Schwäbisch
Regionalvariante: Oschtalb
Bundesland: Bade-Wirttebärg
Regierongsbezirk: Tübinga
Kroes: Alb-Done-Kroes
Heh: 458 m i. NHN
Fläch: 75 km²
Eiwohner: 14.163 (31. Dez. 2006)[1].
Bevelkerongsdicht: 189 Eiwohner je km²
Boschtloetzahl: 89129
Vorwahl: 07345
Kfz-Kennzoeche: UL
Gmoedsschlissel: 08 4 25 072
Stadtgliderong: 4 Stadtdoila
Adress vo dr
Stadtverwaltong:
Marktplatz 1
89129 Langenau
Webpräsenz: www.langenau.de
Bürgrmoeschdr: Daniel Salemi
Lag vo de Stadt Langenau em Alb-Done-Kroes
Landkreis BiberachLandkreis EsslingenLandkreis GöppingenLandkreis HeidenheimLandkreis ReutlingenUlmAllmendingen (Württemberg)Allmendingen (Württemberg)Altheim (Alb)Altheim (bei Ehingen)Altheim (bei Ehingen)Amstetten (Württemberg)AsselfingenBallendorfBalzheimBeimerstettenBerghülenBernstadt (Alb)BlaubeurenBlausteinBreitingenBörslingenDietenheimDornstadtEhingen (Donau)Ehingen (Donau)EmeringenEmerkingenErbach (Donau)GriesingenGrundsheimHausen am BussenHeroldstattHolzkirchHüttisheimIllerkirchbergIllerriedenLaichingenLangenauLauterach (Alb-Donau-Kreis)LonseeMerklingenMunderkingenNeenstettenNellingenNerenstettenOberdischingenObermarchtalOberstadionÖllingenÖpfingenRammingen (Württemberg)RechtensteinRottenackerSchelklingenSchnürpflingenSetzingenStaigUntermarchtalUnterstadionUnterwachingenWeidenstettenWesterheim (Württemberg)WesterstettenBayernKarte
Iber des Bild

Langenau (Wirdâberg) isch a Schtadt, wo ogfähr 16 km nord-öschtlich von Ulm (Donau) ligt. Obwohl d Schdadt et arg gross isch, isch se oinâ von de greeschde em Alb-Donau-Krois. Schdatt Langenau (wiâ em hochdeitschâ) sagât oine au Langânau odr Langnau.

Zur Gmoid drzuâ gherâd nebr dr Schdat Langânau au d Derfr Albeck mit zwoi Weilr Oschdrschdett ond Schduubâlau, Geddengâ ond Herflsengâ (älle drei seid 1972).

Nôchbrgmoidâ send Närâschdett ond Ellengâ em Nordâ, Rammengâ em Oschdâ, Leibhoim ond Elchengâ em Siidâ, d Schadt Ulm em Siidweschdâ ond Boimrschdett ond Bärâschdadt em Weschdâ.

Zom Gmoidsvrwaldongsvrband Langenau, wo mâ bei dr Gmoidsreform en de 1970 eigrichdâd hôd, gheerâd nebâ dr Schdadt Langenau au de ooabhengige Gmoidâ Aaldâ, Asslfengâ, Ballâdorf, Bärâschdadt, Bêrslengâ, Brôidengâ, Holzkirch, Neâschdett, Närâschdett, Ellengâ, Rammengâ, Setzengâ ond Weidâschdett.

Landschaft ond Leid[ändere | Quälltäxt bearbeite]

Langenau ligt am Rand von dr Schwäbischâ Alb. Durch Langenau fliâßt d Nau (von de Langenaur Aach gnannt), woher ao dr Name kommt. 'S Langenauer Ried gilt als oes von de quellreichschde Gebiete en ganz Deitschland. Meh als 3 Milljona Leid werrad von dr Hauptfassung vom Zweckverband Landeswasserversorgung mit Trinkwassr versorgt. 'S Wahrzoecha von Langenau isch dr Kirchturm von dr Martinskirche im Schdadtzentrum, wo ma von weit weg seah kah.

Gschichd[ändere | Quälltäxt bearbeite]

Langenau hat 2003 sei 1000-jährigs Jubiläum gfeirad. D Schdadt isch an â 1003 zerschde Môl erwähnd wôrâ, ond zwar als Nawe.

Albeck mitsamd dr Burg, 1643

En dr Zeid drnôôch hôd abr dr jetzdige Schdadtdoil Albeck moischdens de greesr Roll gschbiild. Dô hôds â kloinâ Burg ghed, ond de Frei Reichsschdadt Ulm hôd von dô aus ihrân Bsitz en dr Gegend vrwaldet, wo au älle 4 heidige Langnauer Schdadtdoil drzuâ gheerd hend. An â 1802 isch s ganze Gebiâd an Bôirâ ganga, ond seid 1810 gheerâd d Schadt Langenau ond d Derfr zu Wirddâberg. Von 1810 bis 1819 hôds â oiges Obramt Albeck geâ, seidher isch d Obramts- (ond schbädr Krois-)Vrwaldong en Ulm.

Wahla[ändere | Quälltäxt bearbeite]

Ergäbnis vo de Landdagswahla seid 2006:[2]

Johr CDU Greane SPD FDP Lenke1 AfD Sonschtiche
2016 29 % 33 % 10,6 % 6,9 % 1,8 % 15,9 % 2,8 %
2011 43 % 23,4 % 21,3 % 3,5 % 2,2 % 6,7 %
2006 48,2 % 13,9 % 22,5 % 8,2 % 2,5 % 4,6 %

1 2006: WASG, seid 2011: Die Linke

Feschtlichkoeta[ändere | Quälltäxt bearbeite]

En Langenau wird jeds Johr em Sommr abwechslend s'Turmfescht (am Langenaur Kirchturm) odr d'Aachhoggatse (abgloedet von „An dr Aach hoggat se“) gfeirad. Beim Kinderfescht em Juli ziehad elle Kendr von de Schuâla aus am Langenaur Kroes verkloedet durch Langenau. Drnoch wed uf dr Reitte gfeschtad.

Fuaßnote[ändere | Quälltäxt bearbeite]

  1. Statistisches Landesamt Baden-Württemberg: Bevölkerungsstand
  2. Statistisches Landesamt Baden-Württemberg: Landtagswahl

Weblink[ändere | Quälltäxt bearbeite]

 Commons: Langenau – Sammlig vo Multimediadateie