Landdagswahl z Bade am 18. Mai 1947
D Landdagswahl z Bade am 18. Mai 1947 isch di erscht un ainzig Landdagswahl im Bundesland Bade gsii. S sin 60 Mandat im Badische Landdag vergee wore, wu si vier Barteie drum beworbe hän.
D Wahlbedailigung isch bi 67,8 Brozänt gläge; 9,2 Brozänt vu dr Stimme, wu abgee wore sin, sin nit giltig gsii. D BCSV het mit 55,9 Brozänt vu dr Stimme un 34 Sitz s absolut Mee vu dr Stimme un dr Mandat iberchuu, d SPB isch mit 22,4 Brozänt vu dr Stimmen un 13 Sitz zwootsterkscht Bartei wore. D Demokratisch Bartei isch uf 14,3 Brozänt un nyn Mandat chuu, d KPD uf 7,4 Brozänt un vier Sitz.[1][2][3]
| Bartei | Stimme | Sitz | |
| Aadail [%] | Aazahl | Aadail [%] | |
| Badischi Chrischtli-Soziali Volksbartei | 55,9 | 34 | 56,67 |
| Sozialdemokratischi Bartei | 22,4 | 13 | 21,67 |
| Demokratischi Bartei | 14,3 | 9 | 15,00 |
| Kommunistischi Bartei | 7,4 | 4 | 6,67 |
No dr Wahl isch s Kabinett Wohleb I, e Koalitionsregierig us CDU (us dr BCSV firigange) un SPD, bildet wore, wu vu Ändi Juni 1947 bis Aafangs Jänner 1948 regiert het. Vu Ändi Jänner 1948 bis zur Grindig vum Land Bade-Wirttebärg am 25. April 1952 het mit dr Kabinett Wohleb II un Wohleb III e CDU-Ellairegierig regiert.
Am 29. Mai 1951 isch di urspringli uf vier Johr aagsetzt Wahlperiod abglofe. Wäge dr blante Länderfusion isch d Wahlperiod aber bis zum 31. Merz 1952 verlengeret wore. S nei Land Bade-Wirttebärg isch am 25. April 1952 bildet wore, wäge däm het s Land Bade zwisch em 1. un 24. April 1952 praktisch kai Volksverdrättig ghaa.
Fueßnote
[ändere | Quälltäxt bearbeite]- ↑ http://wahl.tagesschau.de/wahlen/1947-05-18-LT-DE-BW/index.shtml
- ↑ http://www.wahlrecht.de/ergebnisse/suedweststaaten.htm
- ↑ http://www.wahlen-in-deutschland.de/blVBawue.htm
|
Dä Artikel basiert uff ere fräie Übersetzig vu dere Version vum Artikel „Landtagswahl_in_Baden_1947“ vu de dütsche Wikipedia. E Liste vu de Autore un Versione isch do z finde. |