Kabinett Wohleb I
S Kabinett Wohleb I het vum 24. Juli / 6. Augschte 1947[1] bis zum 5. Jänner 1948 d Landesregierig vu Bade. Des Kabinett isch s erscht uf dr Grundlag vu dr Verfassig vum Land Bade gsii, wu in ere Volksabstimmig am 18. Mai aagnuu woren isch, un isch em Landdag verantwortli gsii, wu au 18. Mai gwehlt woren isch. S Staatssekretariat Wohleb, wu dur s Kabinett abglest woren isch, isch am 10. Mai 1947 per 17. Mai zrugdrätte, het aber bis zum 6. Augschte d Gschäft im Amt wytergfiert.
| Amt | Name | Bartei |
|---|---|---|
| Staatsbresidänt | Leo Wohleb | BCSV, (syt 28. Novämber 1947 CDU) |
| Inners | Alfred Schühly | BCSV (syt 28. Novämber 1947 CDU) |
| Juschtiz | Marcel Nordmann | SPB |
| Kultus un Unterricht | Leo Wohleb | BCSV, (syt 28. Novämber 1947 CDU) |
| Finanze | Leo Wohleb (geschäftsführend) | BCSV, (syt 28. Novämber 1947 CDU) |
| Landwirtschaft un Ernehrig | Lambert Schill | BCSV, (syt 28. Novämber 1947 CDU) |
| Wirtschaft un Arbet | Friedrich Leibbrandt | SPB |
Drotz ass d BCSV in d Landdagswahl am 18. Mai s absolut Mee vu dr Stimme un Mandat kriegt het, isch am 6. Augschte 1947 e Koalitionsregierig mit dr SPD bildet wore, wel d Militärregierig dreuf Wärt glait het, ass d Sozialdemokrate derby sin. E großi Koalition unter Yyschluss vu dr Demokratische Bartei het s nit gee wäg em Stryt um s Wirtschaftsminischterium.[2]
Wäge Differänze in dr Frog vu dr Bodereform sin di sozialdemokratische Minischter scho am 27. Dezämber 1947 zrugdrätte un ab em 23. Jänner 1948 het no s Kabinett Wohleb II gamtet.
Literatur[ändere | Quälltäxt bearbeite]
- Martin Furtwängler: Ministerlisten. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 5: Wirtschafts- und Sozialgeschichte seit 1918, Übersichten und Materialien, Gesamtregister. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2007, ISBN 978-3-608-91371-2, S. 498.
- Klaus-Jürgen Matz: Das Land Baden 1945–1952. In: Meinrad Schaab, Hansmartin Schwarzmaier (Hrsg.) u. a.: Handbuch der baden-württembergischen Geschichte. Band 4: Die Länder seit 1918. Hrsg. im Auftrag der Kommission für geschichtliche Landeskunde in Baden-Württemberg. Klett-Cotta, Stuttgart 2003, ISBN 3-608-91468-4, S. 477–517.
Fueßnote[ändere | Quälltäxt bearbeite]
- ↑ am 24.7. isch d Wahl vum Wohleb zum Staatsbresidänt gsii un am 6. Augschte isch s Kabinett bildet wore
- ↑ siehe Matz: Das Land Baden 1945–1952, S. 513–514
|
Dä Artikel basiert uff ere fräie Übersetzig vu dere Version vum Artikel „Kabinett_Wohleb_I“ vu de dütsche Wikipedia. E Liste vu de Autore un Versione isch do z finde. |