Ladina Heimgartner

Us der alemannische Wikipedia, der freie Dialäkt-Enzyklopedy
d Ladina Heimgartner (2018)

D Ladina Heimgartner (* 1980 z Scuol) isch e Schwiizer Schurnalischtin.

s Läbe[ändere | Quälltäxt bearbeite]

D Heimgartner chunt vo Schuls im Underengadin. Si isch d Dochter vom Martin und vo dr Heidi Heimgartner. D Matuur het si z Ftan gmacht, und drno isch si uf Fryburg go Germanistik und Romanistik studiere.

Als Schurmalischtin het si zeerscht z Fryburg für d Fryburger Noochrichte und z Chur fürs Bündner Tagblatt gschaffet, und ane 2007 het si bim rätoromanische Radio- und Färnseesänder RTR aagfange. 2011 bis 2014 isch si z Bärn für d SRG tätig gsy, und 2014 isch si d Diräktoorin vo Radiotelevisiun Svizra Rumantscha woorde. Sit 2018 isch si die stellverträttendi Gäneraaldiräktorin vo dr SRG.

D Heimgartner isch im Vorstand vo dr Schwiizerische Gselschaft für Komunikazioons- und Meediewüsseschaft und d Vizepresidäntin vom Museumsroot vom Schwiizer Nazionalmuseeum und au no i dr Äiggnössische Meediekomission.

2014 isch si d Presidäntin vom Stiftigsroot vo dr Glückschetti woorde.

Uf Jänner 2020 isch d Heimgartner vo dr SRG zum Medieundernääme Ringier gange.

Weblink[ändere | Quälltäxt bearbeite]