Radiotelevisiun Svizra Rumantscha

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
s Logo vo RTR

D Radiotelevisiun Svizra Rumantscha (RTR) isch e Radio- und Färnsehsänder i dr Schwiiz

Es isch e Dochter vo dr SRG SSR. Dr Sänder isch z Chur dehei, und er macht für die bünderromanischi Bevölkerig vo dr Schwiiz dr Service public vo de elektronische Medie.

Sid em 1. Jänner 2020 isch als Nochfolger vo dr Ladina Heimgartner dr Pius Paulin der Diräkter vo RTR. Dr Scheffredakter isch dr Flavio Bundi.

S Radio Rumantsch git’s sid 1925. Ufem Programm isch bsunders au d Musig us em romanischsproochige Piet.

S Färnseh Televisiun Rumantscha het anne 1963 agfange. D Bytreeg chöme i dr nöie Zyt uf em Kanal vo SRF 1. Populääri Sändige sind Telesguard, Minisguard und Cuntrasts.

Weblink[ändere | Quälltäxt bearbeite]