Kerstin Andreae
| Dialäkt: Undermarkgreflerisch |
.jpg)
D Kerstin Andreae (* 21. Oktober 1968 z Schramberg) isch e ehmoligi dytschi Bolitikeri (Bindnis90/Di Griene). Vu 2022 bis 2019 isch si Mitgliid vum dytsche Bundesdag un Februar 2012 bis Jänner 2018 aini vu dr fimf stellverdrättende Vorsitzerne vu dr Bundesdagsfraktion vu dr Griene gsii.
Familie, Uusbildig un Beruef
[ändere | Quälltäxt bearbeite]In ihre Juged isch d Andreae im VCP Stamm Königsboten Schramberg im Verband Christlicher Pfadfinderinnen und Pfadfinder aktiv gsii, wu ihre Inträssi an Umwälttheme gweckt woren isch.[1][2] Nochdem Abitur anne 1988 am Gymnasium Schramberg het d Kerstin Andreae an dr Universitet Fryybeg Bolitischi Wisseschaft un Volkswirtschaftslehr studier, 1996 het si s Studum as Diplom-Volkswirti abgschlosse. Derno het si bi dr Firma mediKUR - Agentur für Gesundheits- und Kurtechnologie z Hamm gschafft. Anne 1998 isch si Prässereferänti un Wahlkampfkoordinatori fir dr Wilfried Telkämper gsii. Derno isch si as Projäktmanageri an s Sozialwisseschaftli Fraueforschigsinschtitut vu dr Evangelische Fachhochschuel Fryybeg gwägslet. Vu 2001 bis 2002 isch si Mitarbaiteri bim Projäktentwickler „Das Grüne Emissionshaus“ gsii.
D Andreae het drei Chinder: dr Mauritz us ihre erschte Eh un d Emma un dr Paul us ihre Eh mit em Volker Ratzmann, em ehmolige Fraktionsvorsitzer vu Bindnis 90/Di Griene im Abgordnetehuus vu Berlin. Ihri Schweschter Susanne Andreae isch Ärzti un medizinischi Fachbuechautori.
Bartei
[ändere | Quälltäxt bearbeite]D Kerstin Andreae isch anne 1990 in d Bartei Di Griene yydrätte. Vu 1991 bis 1993 het si em Landesvorstand vu dr Grien-Alternative Juged Bade-Wirttebärg aaghert. Vu 1992 bis 1999 isch si Mitglid vum Chraisvorstand vu dr Griene z Fryybeg un vu 1999 bis 2001 im Landesvorstand vu dr Griene z Bade-Wirttebärg gsii.
Abgordneti
[ändere | Quälltäxt bearbeite]Vu 1999 bis 2002 het si em Stadtrot vu Fryybeg aaghert.
Syter anne 2002 isch si Mitglid vum Dytsche Bundesdag. Bis Februar 2007 isch si Sprächeri vu dr Bundesdagsfraktion Bindnis 90/Di Griene fir Kommunalbolitik un vu 2005 bis 2007 Obfrau vu dr Griene Fraktion im Finanzuusschuss gsii. Syt Merz 2007 isch d Andreae Fraktionssprächeri fir Wirtschaftsbolitik un Obfrau im Uusschuss fir Wirtschaft un Tächnologi.
D Andreae isch allwyl iber d Landeslischte Bade-Wirttemberg in den Bundesdag yyzoge. Uf em Landesbarteidag im Oktober 2008 isch si zue dr Spitzekandidati gwehlt wore. Derzue isch si as Diräktkandidati im Wahlchrais Fryybeg adrätte.
No dr Bundesdagswahl 2013 het d Andreae fir dr Vorsitz vu dr griene Bundesdagsfraktion kandidiert. In dr Abstimmung am 8. Oktober 2013 isch si 20 vu 61 Stimme dr Katrin Göring-Eckardt unterläge, wu uf 41 Stimme chuu isch un au em Realo-Lager zuegrächnet wird.[3]
Am 31. Oktober 2019 het si ire Bundesdagsmandat niderglait go zum Bundesverband vu dr Energi- un Wasserwirtschaft wägsle. Fir sii isch d Charlotte Schneidewind-Hartnagel noogruggt.[4]
Lobbyarbet
[ändere | Quälltäxt bearbeite]Syt em 1. Novämber 2019 isch si Vorsitzeri vu dr Hauptgschäftsfierig vum Bundesverband vu dr Energi- un Wasserwirtschaft.
Mitgliidschafte
[ändere | Quälltäxt bearbeite]- Stellverdrätt. Byrotsmitglid vu dr Bundesnetzagentur
- Byrotsmitglid vu dr Europäische Akademi fir Fraue in Bolitik un Wirtschaft
- Byrotsmitglid vu dr Evangelische Fachhochschuel Fryybeg
- Byrotsmitglid vu dr Albert-Ludwigs-Universitet Fryybeg
- Mitglid im Kuratorium Aids-Hilfe Freiburg e. V.
- Mitglid im Bürgerverein Oberwiehre-Waldsee e. V.
- Mitglid im Förderverein wohnungsloser Frauen OFF
- Mitglid im Trinationale Atomschutzverband TRAS
- Schirmherri vum Förderverein der KITA des Klinikums Freiburg
- Gotti fir M.O.B.I.L.I.S. - SportMed. Schulungsprogramm Adipositas
- Schirmherri vu SCOLAIRE am Dt.-franz. Gymnasium Fryybeg
Weblink
[ändere | Quälltäxt bearbeite]- Biographie beim Deutschen Bundestag
- Kerstin Andreae uf abgeordnetenwatch.de
Fueßnote
[ändere | Quälltäxt bearbeite]- ↑ Ich stehe für realpolitische PositionenIch stehe für realpolitische Positionen (Site cha nüme abgrüeft wärde; Suche im Webarchiv) , SWR, 27. Septämber 2013
- ↑ Kerstin Andreae: "Wichtig im Wahlkampf sind gute Schuhe" (Site cha nüme abgrüeft wärde; Suche im Webarchiv) , Badische Zeitung, 1. Sptämber 2013
- ↑ Christina Hebel, Christoph Sydow: Fraktionsspitze: Göring-Eckardt gewinnt Kampfabstimmung bei Grünen. In: Spiegel Online, 8. Oktober 2013.
- ↑ Deutscher Bundestag - Ausgeschiedene Abgeordnete der 19. Wahlperiode. In: bundestag.de. Abgruefen am 1. November 2019.
 |
Dä Artikel basiert uff ere fräie Übersetzig vum Artikel „Kerstin_Andreae“ vu de dütsche Wikipedia. E Liste vu de Autore un Versione isch do z finde. |