Katja Christ
.jpg)
D Katja Christ (* 1. Augschte 1972 z Baasel; haimetberächtigt z Binningen un z Baasel) isch e Schwyzer Aawälti un Bolitikeri (glp). Syter anne 2019 isch si Mitgliid vum Schwyzer Nazionaalroot.
Familie, Uusbildig un Beruef[ändere | Quälltäxt bearbeite]
D Katja Christ isch z Oberwil ufgwagse. An dr Universiteet Baasel het si Jurisprudänz studiert. Si het s Aawaltsbatänt erwoorbe un im Gsundhaitsdepartemänt vum Kantoon Baasel-Stadt gschafft. Derno het si e baar Joor in dr Gmaiverwaltig vu Rieche gschafft. Zurzyt schafft si as Advokaati un Paartneri bi BALEX Advokatur & Notariat.
D Christ isch ghyroote un het zwai Chinder.[1] As iri Hobby git si Durnierdanz (latynamerikaanischi Dänz) un Showdanz (argentiinische Tango) aa.[2]
Bolitischi Karriere[ändere | Quälltäxt bearbeite]
Syter anne 2012 isch d Katja Christ Mitgliid vu dr Grienliberaale Bartei vu Baasel-Stadt un het iri Bartei syter 2014 bis zue irem Rugdritt 2019 im Grooße Root vu Baasel-Stadt verdrätte. Syt Mai 2016 isch si Bresidänti vu dr Grienliberaale Bartei Partei vu Baasel-Stadt un Voorstandsmitgliid vu dr Grienliberaale Bartei Schwyz. Vu Mai 2018 bis Ändi 2019 isch si Mitgliid im Yywoonerroot vu dr Gmai Rieche gsii un isch vum deertige Yywoonerroot in s Rootsbiro, d Gschäftsbreifigskummussioon un d Sachkummissioon Bildig un Familie gweelt woore.
Bi dr Schwyzer Barlemäntswaale am 20. Oktoober 2019 isch d Katja Christ in Nazionaalroot gweelt un deert am 2. Dezämber 2019 veraidigt woore.[1] Si isch in d Kummissioon fir Vercheer un Fäärnmäldwääse (KVF) un au in d Gschäftsbriefigskumissioon (GPK) gweelt woore. Am 15. Dezämber 2019 het d Christ ire Rugdritt us em Grooße Root un Yywoonerroot verchindet, wel däne iri Sitzigszyte dailwys glyychzytig zue dr Nazionaalrootssitzige stattfände.[3] Fir d Christ isch d Sandra Bothe-Wenk in Grooße Root noogrugt.[4]
Weblink[ändere | Quälltäxt bearbeite]
- Websyte vu dr Katja Christ
- Katja Christ uf dr Websyte vo dr Bundesversammlig
- Interässebindige vu dr Katja Christ auf lobbywatch.ch
- d Katja Christ uf dr Websyte vu ire Chanzlei
Fueßnote[ändere | Quälltäxt bearbeite]
- ↑ 1,0 1,1 d Katja Christ uf parlament.ch
- ↑ Katja Christ. Abgruefen am 6. Dezember 2019 (de-DE).
- ↑ Grosser Rat bald ohne Katja Christ – Basler GLP-Nationalrätin will sich auf Bern konzentrieren, BZ Basel, 15. Dezämber 2019
- ↑ Katja Christ tritt als Grossrätin zurück, Telebasel, 29. Dezämber 2019
|
Dä Artikel basiert uff ere fräie Übersetzig vu dere Version vum Artikel „Katja_Christ“ vu de dütsche Wikipedia. E Liste vu de Autore un Versione isch do z finde. |