Königsmord vo Windisch

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen
D Ermordig vom Albrecht I. in ere Chronik vom 15. Johrhundert.

De Königsmord vo Windisch het am 1. Mai 1308 schtattgfunde. De Habsburger König Albrecht I. isch uuf em Weg uf Rhyfälde vo sim Neffe Johann Parricida und vo vier Mitverschwörer ermordet worde. Grund isch gsii, dass er em siis Erb (Gebiet und Untertane) no nit het welle übergäh. Mitgmacht bii dere Mordtat händ au einigi regionali Ritter. S Ereignis isch vo europäischer Tragwiiti gsii: Schtatt de Habsburger sind wege dere Mordtat denn d Luxeburger vorübergehend zur Krone vom Heilige Römische Riich düütscher Nation choo.

Am Ort vom Königsmord isch wenig schpöter s Chloschter Königsfälde gschtiftet worde.