Josef Rennhard

Us der alemannische Wikipedia, der freie Dialäkt-Enzyklopedy
Zur Navigation springen Zur Suche springen

De Josef Rennhard (* 7. Oktober 1931 z Gippige; † 27. Februar 2010 z Gnadethal (Niderwil)) isch en Schwiizer Publizist, Journalist und Politiker gsi.

Bruefliche Werdegang[ändere | Quälltäxt bearbeite]

De Josef Rennhard het zerscht s Lehrerseminar z Wettige bsuecht. Nach de Usbildig isch er Dorfschuellehrer z Gippige worde. Er het denn noch es Sprochstudium z Lausanne gmacht und s Sekundarlehrer-Patent. Im Aaschluss da dra het er z Leibschadt gschaffet, won er Sek-Lehrer isch gsi, bevor er im 1963i in de Journalismus, nämlich zum Beobachter gwechslet het. Meh wi driisg Johr, mit eme Unterbruch, won er Informationschef vom Chärnchraftwärk Leibstadt isch gsi, het er bis zu sinere Pensioniirig im 1996 bim Beobachter gschaffet und di letzschte 12 Johr isch er Mitgliid vo de Chefredaktion gsi. Au noch de Pensionierig het er sich witer engagiert. So isch er vom 2002 bis ins 2009 erschte Ombudsmaa bi de AZ Medien Gruppe gsi.

Politische Werdegang[ändere | Quälltäxt bearbeite]

De Rennhard isch scho mit 31i Gmeindammaa z Leibstadt worde. Wo er uf Würelos züglet isch, het er für d CVP für de Grossi Rot kandidiert und isch vo 1981 bis 1989 für sini Partei im Grosse Rot gsi. Im 1987 het er für de Aargauer Regiirigsrot kandidierte, isch aber nöd gwählt worde.

Privats[ändere | Quälltäxt bearbeite]

De Josef Rennhard isch mit de Margrit geb. Erne ghürote gsi, wo au us Gippige schtammt. Zäme hei si vier Chind gha.

Weblink[ändere | Quälltäxt bearbeite]