Indus
| Indus | ||
 Verlauf vum Indus | ||
| Date | ||
|---|---|---|
| Laag | VR China, Indie, Pakistan | |
| Flusssystem | Indus | |
| Ursprung | Zämmefluss vu Quällbäch bi Sênggêkanbab im Chrais Gar im Transhimalaya 31° 25′ 7″ N, 81° 35′ 48″ O | |
| Quellhöchi | 5.300 m | |
| Mündig | Arabisches Meer (Indische Ozean) bi SindhKoordinate: 23° 59′ 11″ N, 67° 26′ 13″ O 23° 59′ 11″ N, 67° 26′ 13″ O | |
| Lengi | 3180 km | |
| Iizugsgebiet | 980.000 km²
| |
| Abfluss | MQ |
3850 m³/s |
| Rächti Nääbeflüss | Kabul, Shyok, Gilgit, Gumal | |
| Linggi Nääbeflüss | Zanskar, Panjnad | |
| Stausee | Tarbela-Stausee, Diamer-Basha-Stausee | |
| Groossstedt | Hyderabad | |
 Flussbett vum Indus bi Skardu | ||
Dr Indus (Sanskrit सिन्धु, Sindhu, Urdu سندھ Sindh) isch mit 3.180 km dr lengscht Fluss uf em indische Subkontinänt un dr wichtigscht Strom vu Pakistan.
Flussverlauf
[ändere | Quälltäxt bearbeite]Är entstoht im Transhimalaya z Tibet us em Zämmefluss vu Glätscherbäch bi Sênggêkanbab, bricht dur dr Himalaya un fließt derno dur dr Tarbela-Stausee (254 km²; 13,69 km³) un d Provinze Punjab un Sindh z Pakistan. Dert bildet er unterhalb vu Hyderabad e Delta vu 7.800 km² un mindet derno in s Arabisch Meer. In syym Mittellauf isch dr Fluss Grundlag fir umfangryychi Bewässerigsaalage fir d Landwirtschaft. Dert wird s grescht landwirtschaftlig Bewässerigsbiet vu dr Ärd dur e Vilzahl vu Staudämm un Kanäl versorgt. Im Mittel- un Unterlauf mäanderet dr Fluss seli stark. E Vertrag zwische Indie un Pakistan (Indus-Wasservertrag 1960) reglet d Wasserversorgig. D Mängi vum gfierte Wasser schwankt stark wäg em Monsunräge.
Etymologi
[ändere | Quälltäxt bearbeite]Dr Name „Indus“ goht iber Vermittlig vum Altgriechisch, gnauer: vum Ionische Dialäkt, wu dr Huchlut "h" nit gchännt het (Ἰνδός Indos) un Altpersisch (Hinduš) uf s Sanskrit-Wort सिन्धु sindhu mit dr Bedytig „Fluss“ zruck. Vum Name vum Fluss här isch au d Bezaichnig „Indie abglaitet. Dr Name vum Indus in dr sidasiatische Sproche (z. B. Urdu سندھ Sindh) laitet sich dergege diräkt us dr Sanskrit-Form här. Au d Provinz Sindh am Unterlauf het ihre Name noch em Fluss iberchuu.
Gschicht
[ändere | Quälltäxt bearbeite]Die Indus-Kultur isch aini vu dr eltschte stedtische Zivilisatione vu dr Wält gsii un het sich in dr Zyt 2800-1800 v. Chr. am Indus lang entwicklet.
Im Johr 326 v. Chr isch dr Alexander dr Groß mit syne Druppe uf syym Eroberigszug dur Persie an dr Indus chuu un het dr Fluss zue dr Oschtgränz vu syym Ryych gmacht.
Weblink
[ändere | Quälltäxt bearbeite]
Commons: Indus River – Sammlig vo Multimediadateie- Pakistan Water Gateway: Indus basin