Hyperion (Mond)

Us der alemannische Wikipedia, der freie Dialäkt-Enzyklopedy
Hops zue: Navigation, Suech
VII Hyperion
Hyperion PIA07740.jpg
Dr Saturnmond Hyperion in Falschfarbe, ufgnumme vu Cassini
Zentralchörper Saturn
Eigeschafte vum Orbit
Grossi Halbax 1.464.100 km
Periapsis 1.438.480 km
Apoapsis 1.489.700 km
Exzentrizität 0,0175
Bahnneigig 0,568°
Umlaufzitt 21,28 Däg
Middleri Orbitalgschwindigkeit 5,00 km/s
Physikalischi Eigeschafte
Albedo 0,25
Schinbari Helligkeit 14,2 mag
Middlerer Durchmesser 360 × 280 × 225 km
Masse 1,08 × 1019 kg
Oberflächi 230.000 km²
Middlere Dichti 0,544 g/cm³
Siderischi Rotation chaotisch
Axneigig 0° bis 180°
Fallbeschlünigung an dr Oberflächi 0,041 m/s²
Fluchtgschwindigkeit 101 m/s
Entdeckig
Entdecker W. C. Bond,
G. P. Bond,
W. Lassell
Datum vu dr Entdeckig 16. September 1848

Dr Hyperion (au Saturn VII) isch ein vu dr middelgrosse Mönd vum Saturn.

Entdeckig[ändere | Quälltäxt bearbeite]

Dr Hyperion isch am 16. September 1848 vum William Cranch Bond, George Phillips Bond un William Lassell entdeckt worre.

Daift worre isch dr Mond uf dr Titan Hyperion us dr grichische Mythologi.
Dr Hyperion isch churz nooch ere anno 1847 erschinene Veröffetlichig vum Astronom John Herschel (Results of Astronomical Observations made at the Cape of Good Hope), wo er d'Nämme vu dr bis dertna bechannte sibe Saturnmönd vorgschlage het, entdeckt worre. Im Lassell, wo dr Hyperion zwei Däg nooch dr Bonds gsichtet het, isch im Herschel si Nammensschema bechannt gsi. Sällewäg het er no dr Namme Hyperion vorgschlage.

Bahndate[ändere | Quälltäxt bearbeite]

Dr Hyperion umchreist dr Saturn ime middlere Abstand vu 1.464.100 km in 21 Däg 6 Stund un 43 Minüte. D'Bahn wiist e Exzentrizität vu 0,0175 uf un isch 0,568° gegeniber vu dr Äquatorebeni vum Saturn gneigt.

Ufbau un physikalischi Date[ändere | Quälltäxt bearbeite]

Dr Hyperion isch rosiger wie die meischte andere eher graue Mönd im Sunnesystem. S'Bild isch vu Cassini in Echtfarbe us ere Entfernig vu circa 291.000 km ufgnu worre.

Dr Hyperion isch fier si Grössi ein vu dr am stärchschte uregelmässig gformte Chörper im Sunnesystem. Er besitzt e Usdähnig vu 360×280×225 km.

Schins isch dr Hyperion e Bruchstuck vu eme grössere Ursprungchkörper, wo bi eme Impaktereignis usenanderbroche isch. Uf sinere Oberflächi isch e riisiger, 10 km diefe Chrater mit eme Durchmesser vu 120 km sichtbar.

Mit numme 0,544 g/cm3 wiist dr Hyperion, noch viil extremer wie bi dr andere Saturnmönd, e sehr ringi Dichti uf. Er isch offesichtlich hauptsächlich us porösem Wasseriis mit ringe Adeile an silikatischem Gstei ufbaut.

Im Unterschiid zue dr meischte middelgrosse un grosse Saturnmönd wiist dr Hyperion mit ere Albedo vu 0,25 e verhältnismässig dunkchli Oberflächi uf, wo us dr Ablagerig vu eme dunkchle Material herchu chännt. Nooch Undersuechige vu dr Rümsonde Cassini vu anno 2005 (veröffetlicht in Nature 5. Juli 2007) handelet es sich bi dr dunkchle Ablagerige um Chohlewasserstoffverbindige.

Rotation[ändere | Quälltäxt bearbeite]

Ufnahme vu dr Rümsonde Voyager 2 un erdbundeni photometrischi Undersuechigen hän zeigt, dass im Hyperion si Rotation chaotisch isch, wobi si Rotationsax in völlig uvorhersehbarer Wiisi schwankt. Er isch dr einzige bechannt Mond im Sunnesystem, wo e sonigs Verhalde zeigt, obwohl Computersimulatione schliesse len, ass villlicht au anderi uregelmässig gformti Mönd in dr Vergangeheit eso rotiert hän.
Dr Hyperion nimmt under dr Mönd e bsunderi Stellig i. Er isch höchscht uregelmässig gformt, si Bahn isch relativ exzentrisch un er befindet sich ime relativ ringe Abstand vu eme grosse Mond, em Titan, wo er in ere 3:4 Resonanz drmit um dr Planet lauft. Sälli Faktore begrenze d'Möglichkeite, bi dene e stabili Rotation möglich isch.

Beobachtig und Annächerige[ändere | Quälltäxt bearbeite]

Animation vu eme Aflueg uf dr Hyperion

Dr Hyperion isch e liechtschwachs Objekt mit ere schinbare Helligkeit vu 14,2m. Um ihn z'beobachte, isch e grössers Teleskop erforderlich.

D'Rümsonde Cassini het am 11. Juli 2005 bim Vorbiflueg neji Ufnahme vum Mond us einige 10.000 km Entfernig zue dr Erde sende chänne.

Am 26. September 2005 het die glich Sonde dr Mond bi eme wittere Vorbiflug nächer undersueche chänne, wobi si sich usserscht dicht uf numme 500 km Entfernig het nächere chänne. Dabi sin die bsiher beschte Photos vum Mond entstande, wo e ugwöhnlichi Oberflächi zeige un d'Vermuetig vu ere relativ poröse Konsistenz undermüre.

Medie[ändere | Quälltäxt bearbeite]

Weblink[ändere | Quälltäxt bearbeite]

Dä Artikel basiert uff ere fräie Übersetzig vum Artikel „Hyperion_(Mond)“ vu de dütsche Wikipedia.

E Liste vu de Autore un Versione isch do z finde.