Heinz Bühringer

Us der alemannische Wikipedia, der freie Dialäkt-Enzyklopedy
Hops zue: Navigation, Suech

Dr Heinz Bühringer (* 5. Mai 1927 z Woeblenge; † 12. Merz 2016 ebedert[1]) isch e dytsche Bolitiker (SPD) gsii.

Uusbildig un Beruef[ändere | Quälltäxt bearbeite]

Dr Heinz Bühringer isch e Suhn vun eme Gärtner gsii. Noch dr Volksschuel isch er uf s Gymnasium gange. Im Zweete Wältchrieg isch er zue Wehrmacht yyzioge wore un isch 1943/44 Flakhälfer un Fallschirmjeger gsii. Bi Chriegsänd isch er zue vierzig Brozämt chriegsbschedigt gsii. Är het anne 1946 s Abitur an dr Oberschuel un derno ne Verwaltigslehr gmacht. Noch ere Furtbildig an dr Verwaltigsschuel 1950/51 het er im kommunale Verwaltigsdienscht gschafft.

Bolitik[ändere | Quälltäxt bearbeite]

Dr Heinz Bühringer isch vu 1953 bis 1971 Burgermaischter vu dr Gmai Bittefeld (hite ne Dail vu Woeblenge) gsii. Vu 1971 bis 1984 isch er Miglid vum Chraissdag im Rems-Murr-Chrais un bis 1988 Rotsmitglid vu dr Stadt Woeblenge gsii.

Anne 1959 isch dr Bühringer in d SPD yydrätte. Vu 1965 bis 1981 isch er Mitglid im Landesvorstand vu dr bade-wirttebärgische SPD gsii. As Noofolger vum Walter Krause isch er 1968 zum Landesvorsitzer vu dr SPD Bade-Wirttebärg gwehlt wore. In däre Funktion isch er 1973 vum Erhard Eppler abglest wore. Mit em Heinz Bühringer as Landesvorsitzer het d SPD Bade-Wirttebärg bi dr Landdagswahl 1972 mit 37,56 % s bescht Ergebnis in ihre Gschicht gholt.

Em Landdag vu Bade-Wirttebärg het er vu 1964 bis 1980 aaghert. Dert isch er vu 1968 bis 1972 Vorsitzer vu dr SPD-Fraktion un vu 1972 bis 1976 stellverdrättende Vorsitzer vu dr SPD-Fraktion un Vorsitzer vum Finanzuusschuss gsii.

Sunschtigi Ämter, Ehrigen un Uuszaichnige[ändere | Quälltäxt bearbeite]

Dr Heinz Bühringer isch vu 1970 bis 1980 Diräkter vu dr Landesentwickligsgsellschaft fir Stedteböu un Wohnigswäse mbH z Stuegert gsii. Derzue isch er vu 1970 bis 1995 Verwaltigsrotsvorsitzer vum Siddytsche Rundfunk gsii.

Anne 1976 het er s Verdienschtchryz 1. Klass vu dr Bundesrepublik Dytschland un 1978 d Verdienschtmedallie vum Land Bade-Wirttebärg iberchuu[2]. Anne 1980 het er s Groß Verdienschtchryz vu dr Bundesrepublik Dytschland iberchuu.

Fueßnote[ändere | Quälltäxt bearbeite]

  1. Früherer SPD-Landeschef in BW: Heinz Bühringer ist tot. Archivlink (Memento vom 11. Juni 2016 im Internet Archive) Websyte vum SWR, abgruefen am 12. Merz 2016
  2. Vorlage:Verdienstorden Baden-Württemberg
Information icon.svg Dä Artikel basiert uff ere fräie Übersetzig vu dere Version vum Artikel „Heinz_Bühringer“ vu de dütsche Wikipedia.

E Liste vu de Autore un Versione isch do z finde.